HOT STORIES OF THE WEEK

Binigyan ng parangal ng grupong Movement Against Tyranny si on leave Supreme Court Chief Justice Maria Lourdes Sereno.

Ito ay bilang bahagi ng kanilang aktibidad ngayong Araw ng Kagitingan kung saan kanilang kinilala ang mga indibiduwal at grupong nagpakita ng katapangan sa kani-kanilang mga larangan.

Ayon sa Movement Against Tyranny, nagpakita si Sereno ng katapangan sa pakikipaglaban nito para sa independence ng hudikatura sa kabila ng mga hakbang para patalsikin siya sa puwesto.

Kasama naman ni Sereno na binigyan ng pagkilala ang aktibistang si Joanna Cariño ng Sandugo at ang grupong Rise Up for Life and for Rights.

Sereno dumating na sa “Araw ng Kagitingan “event ng Movement against Tyranny @dwiz882 pic.twitter.com/wT5xIRdtPK

— Jill Resontoc – DWIZ -882 AM radio (@JILLRESONTOC) April 9, 2018

NGAYON: Sereno nagbibigay ng talumpati sa ‘Movement Against Tyranny’ event sa Quezon City para sa Araw ng Kagitingan.

— DWIZ Newscenter (@dwiz882) April 9, 2018

—-

Posible pang hindi matuloy ang pagtatayo ng casino sa Boracay Island matapos ang rehabilitasyon nito.

Ayon kay Department of Interior and Local Government o DILG Assistant Secretary Epimaco Densing III, nakasalalay pa ito sa resulta ng isinasagawang pag-aaral sa kapasidad ng isla kung ilang tao at ilang istraktura ang kakayanin nito.

Ayon kay Densing, sakaling makita nila sa pag-aaral na hindi na kakayanin ng Boracay ang karagdagang istraktura ay hindi na papayagan ang casino.

Nilinaw ni Densing na sa kasalukuyan ay wala pang kahit anong klseng permit ang naibigay sa leisure and resorts world corporation para sa planong 500-million dollar integrated resort and casino sa Boracay.

Kaugnay nito, kinumpirma ng pamahalaang lokal ng Malay Aklan na wala pang aplikasyon ang Leisure and Resorts World Corporation para sa kahit anong uri ng permit sa pagtatayo ng casino sa Boracay Island.

Ayon kay Rowen Aguirre, Executive Assistant ni Mayor Ciceron Cawaling ng Malay Aklan, sa ngayon ay nasa proseso pa lamang ng pamimili ng lupain sa Boracay ang Leisure and Resorts World.

Sinabi ni Aguirre na ang tanging hawak ngayon ng kumpanya ay ang resolusyon ng Sangguniang Bayan ng Malay noong 2017 na nag-eendorso sa pagtatayo ng casino sa Boracay.

P2-B calamity fund for displaced workers

Samantala, tiwala ang DILG na sasapat ang inilaang pondo ng pamahalaan para sa mga maaapektuhang manggagawa sa nakaambang pagsasara ng isla ng Boracay.

Ayon kay DILG Assistant Secretary Epimaco Densing III, nakapaglaan na sila ng dalawang bilyong pisong calamity fund para sa lahat ng maaapektuhan ng pagsasara ng Boracay.

Bukod pa aniya ito sa pondo ng DOLE para sa limang libong (5,000) mga manggagawang maaayudahan ng kanilang tupad o tulong panghanapbuhay sa ating disadvantaged / displaced workers program.

Sa pagtaya ni Densing sobra-sobra pa ang nasabing dalawang bilyong pisong calamity fund para sa dalawampung libong (20,000) mga manggagawa na posibleng maapektuhan ng Boracay closure.

“As for 20,000 people, assuming na minimum wage ang mabibigay sa kanila we’re talking about around 800 million of the 2 billion na puwedeng magamit na parang bridge salary sa mga taong maaapektuhan.” Ani Densing

Nananawagan naman si Densing sa mga negosyante sa Boracay na sagutin na lamang ang suweldo ng mga tauhan nito sa loob ng apat na buwan habang nakasara sa turista ang isla.

“First four months ang estimates ko kumita na sila ng mga 20 billion, base sa datos ng DOT even at March pa lang lumagpas sila ng visitors arrival, up by 3 percent compared last year, malaki na talaga ang kinita diyan ano ba naman ‘yung magpa-ayuda sila na “o sige sagutin muna namin ang suweldo niyo habang sarado tayo, hopefully pagbukas ng October ay bawi tayo lahat.” Pahayag ni Densing

(Krista de Dios / Ratsada Balita Interview)

Magsisimula na ngayong araw ang unang foreign trip ngayong taon ni Pangulong Rodrigo Duterte.

Nakatakdang bumiyahe mamaya patungong Hainan Province, China si Pangulong Duterte para sa “Boao Forum for Asia” na dadaluhan din ng ibang world leaders.

Ito na ang magiging ikatlong pagbisita ng Pangulo sa China matapos ang kanyang pulong kay Chinese President Xi Jinping noong Oktubre taong 2016.

Layunin nito na patatagin at palalimin ang relasyon ng dalawang bilateral relations ng dalawang bansa.

Matapos nito ay magtutungo naman sa Hong Kong ang Punong Ehekutibo upang makipagkita sa Filipino community kinabukasan.

Samantala, nakatakda ring dumalo si Pangulong Duterte sa 32nd Association of Southeast Asian Nations Summit sa Singapore simula Abril 25 hanggang 28.

—-

Dapat mailatag na sa lalong madaling panahon ang isang rehabilitation master plan sa isla ng Boracay bago pa man ito tuluyang maipasara.

Iyan ang panawagan ni Senador Richard Gordon para malaman agad ng mga stakeholders ang kani-kanilang papel para sa paglilinis gayundin sa pagpapanumbalik sa dating ganda at ningning ng isla.

Sa panayam ng DWIZ kay Gordon, sinabi nito na mahalaga ang rehabilitation master plan para malaman din ng publiko kung gaano kaseryoso ang gubyerno na ayusin ang mga kapabayaang umusbong sa itinuturing na paraiso ng Pilipinas.

Ang dapat lahat ng mga nagpapatakbo ng resort ay susunod. Kung ako ang magrerecommend diyan, bago ko ipasara ‘yan, gagawa muna ako ng master plan, para tuluy-tuloy ang trabaho, hindi kakapa-kapa. Kung maglilinis ng sewage, madali lang ‘yan eh. Pero dapat din nating isaalang-alang na sayang din ‘yung hanapbuhay ng mga tao. Pahayag ni Gordon

Kasunod nito, hindi rin kumporme si Gordon na tuluyang isara ang buong isla.

Pero kung siya ang tatanungin bilang dating naging kalihim ng Department of Tourism, wala na dapat residenteng nakatira sa Boracay.

Ang importante sa akin huwag munag ipasara ‘yan ng agaran, gumawa muna ng master plan sa rehab. Ano ‘yung mga role ng mga may-ari? Kung ako masusunod, hindi na ako magpapatira sa Boracay ng mga taong walang kinalaman diyan. Dapat iyan ay natural resource ng bansa, pag-aari ‘yan ng bansa. Katulad doon sa Maldives, walang nakatira. Pero kapag hindi ka namamasukan diyan, wala kang negosyo diyan, ay dapat lalabas ka. Ang Boracay, hindi dapat tirahan ‘yan, it’s a purely recreational and for tourism purposes. Paliwanag ni Gordon.

Pagbubunyag ni Sen. Tito Sotto hinggil sa dayaan sa eleksyon, handang siyasatin ng Senate Blue Ribbon Committee

Naghihintay na lamang ng go signal si Senador Richard Gordon para masimulan ang kanilang imbestigasyon kaugnay ng ibinunyag ni Senador Tito Sotto hinggil sa umano’y dayaan noong nakalipas na 2016 elections.

Inihayag sa DWIZ ni Gordon na dapat aniya kasing magpasya rito ay si Senadora Leila de lima na siyang chairman ng Senate Committee on Electoral Reforms.

Gayunman, posible naman aniyang dalhin na lang sa Senate Blue Ribbon Committee ang usapin kung nanaisin ito ni de Lima o kung ibibigay ito kay Senador Francis Pangilinan na vice chairman ng komite.

Siguro kung may korapsyon nga ‘yan eh ibigay na lang sa Blue Ribbon, pero pwede rin naman maging electoral reform joint, ako rin naman ang hahawak, kung ibibigay kay Sen. Pangilinan, okay lang nasa kanila ‘yan. Ani Gordon

Pero sinabi ni Gordon na handa siyang manguna sa gagawing imbestigasyon anumang araw kung ito aniya ang magiging desisyon ng mayorya ng mga senador.

I’m ready to investigate it anytime even next week if I have to. Dagdag ni Gordon