HOT STORIES OF THE WEEK

Nilinaw ng Comelec o Commission on Elections na maaari pa rin namang tumakbong muli bilang alkalde ng Makati City si dating Mayor Junjun Binay.

Ito’y ayon kay Comelec spokesperson James Jimenez ay sa kabila na rin ng nakasampang kaso laban sa batang Binay sa Ombudsman kaugnay ng maanomalyang pagtatayo ng Makati City building 2.

Magugunitang mainit ang iringan sa pagitan ng dating alkalde sa kapatid nitong si incumbent mayor Abigail Binay para sa pinakamataas na posisyon sa tinaguriang central business district ng bansa.

Sa panayam ng DWIZ kay Jimenez, sinabi nito na tanging ang mga kaso ng mayroon lamang pinal na desisyon ang maaaring sagutin ng poll body kung papayagang tumakbo o hindi ang isang kandidatong may kinahaharap na kaso.

Sen. Nancy Binay, umaasang maaayos ang gusot sa pagitan ng kanyang mga kapatid

Samantala, umaasa si Senadora Nancy Binay na maisasaayos din ang gusot sa pagitan ng kanyang mga kapatid na sina incumbent Makati City Mayor Abby Binay at dating Mayor Junjun Binay.

Iyan ang inihayag sa DWIZ ng senadora sa harap na rin ng umiinit na bangayan ng kanyang mga kapatid para sa posisyon ng pagka-alkalde ng Makati City na tinaguriang central business district ng Pilipinas.

Nakatakdang magpulong ngayong araw ang pamilya Binay matapos magbalik bansa ang kanilang haligi na si dating Vice President Jejomar Binay.

Wala pa kasi ang mga magulang namin, siguro its worth one more try subukan naming one last chance para ayusin ang nagbabadyang problema, ang posisyon ko ay gusto ko munang mag-meeting kami bilang isang pamilya para pagu-sapan at hanapan ng solusyon ang problema.

Dagdag pa ng Senadora, sakaling walang magbigay o magparaya sa isa’t isa, umaasa din siyang mananatili pa rin silang isang pamilya pagkatapos ng halalan.

Tila matumal mula sa mga nagpa file ng COC o Certificate of Candidacy ang ikalawang araw nito kahapon.

Ipinabatid ito ng COMELEC kumpara sa unang araw ng filing ng COC noong Huwebes.

Kahapon ay sampu lamang ang naghain ng COC sa pagka senador kumpara sa 27 sa unang araw ng COC filing.

Para naman sa mga partylist candidate, mula sa 18 noong Huwebes, 12 lamang kahapon ang naghain ng kanilang certificates of nomination and certificates of acceptance.

Sinabi ni COMELEC Spokesman James Jimenez na posibleng dumagsa sa susunod na linggo ang mga magpa file ng COC lalo na’t kadalasan naman ay sa mga huling araw naitatala ang pinakamalaking bilang ng filers.

Kabilang sa mga naghain kahapon ng COC para sa pagka senador sina Senador Nancy Binay, Atty. Larry Gadon at dating PNP Chief ngayo’y BuCor Chief Ronald Dela Rosa.

Wala pang idineklarang election hotspots ang COMELEC para sa 2019 midterm elections.

Ayon kay COMELEC Spokesman James Jimenez, maaga pa para magdeklara ng mga areas of concern sa halalan at nakatutok muna sila sa filing ng COC o Certificate of Candidacy ng mga kandidato sa halalan.

Bukod dito, hindi pa rin tapos ang PNP sa evaluation ng mga lugar na inaasahang magiging mainit ang pulitika sa panahon ng kampanya at sa mismong araw ng botohan.

Una nang inihayag ng PNP ang patuloy na pagkuha ng mga datos sa mga lugar na inaasahang magiging magulo sa eleksyon.

Posibleng sa Disyembre ilabas ng COMELEC ang kumpletong listahan ng mga kandidato sa 2019 national at local elections.

Batay na rin ito ayon kay COMELEC Spokesman James Jimenez ang nakasaad sa kanilang calendar of activities.

Kasabay nito, ipinaalala ni Jimenez na magsisimula sa January 13, 2019 ang May 13 election period na magtatapos sa June 12, 2019.

Kapwa desidido ang magkapatid na sina Makati City Mayor Abby Binay at dating alkalde ng lungsod na si Jejomar Erwin “Junjun” Binay Jr. na sumabak sa mayoral race sa Makati City sa 2019 elections.

Ayon kay Mayor Abby, may basbas ng kanyang amang si dating Vice President Jejomar Binay ang muli niyang pagtakbo bilang alkalde ng Makati City.

Nilagdaan pa aniya ng kanilang ama ang kanyang certificate of nomination and acceptance (CONA) sa ilalim ng United Nationalist Alliance (UNA) bago ito umalis patungong Italy noong Setyembre 27.

Sinabi pa ni Mayor Abby, nagsimula ang di nila pagkakaunawaan ng kapatid matapos niyang matuklasan ang pagkakasangkot sa katiwalian ng ilang mga councilors na sumusuporta sa pagbabalik ni Junjun sa Makati City Hall.

Samantala, iginiit naman ni Junjun Binay na lumabas lamang ang isyu sa kurapsyon nitong maga nakaraang araw habang papalapit na ang paghahain ng certificate of candidacy (COC).

Binigyang diin pa ni Junjun na aatras lamang sa kandidatura kung mismong ang kanilang ama na ang tatakbo sa pagka-alkalde sa Makati City.

Walang naging samaan ng loob sina Pangulong Rodrigo Duterte at dating Presidential Spokesman Harry Roque.

Ito ay sa kabila pagkakatalaga ng pangulo kay Chief Presidential Legal Counsel Salvador Panelo bilang bagong tagapagsalita ng Malakanyang.

Ayon kay Panelo, wala namang siyang napansing naging pagbabago sa kilos o pakikiyunguhan ng dalawa.

Gayunman, inamin ng kalihim na hindi niya alam ang tunay na estado ngayon ni Roque lalo’t hindi pa malinaw kung tatakbo ito o hindi sa pagka-senador.

Dumami pa ang bilang ng mga Filipinong nagsabing nakararanas sila ng gutom sa ikatlong bahagi ng taon.

Batay ito sa resulta ng survey ng Social Weather Stations (SWS) mula Setyembre kung saan lumabas na 13.3 percent o katumbas ng 3.1 million na mga Filipino ang nakararanas ng involuntary hunger sa nakalipas na tatlong buwan.

Mas mataas ito ng 3.9 percent kumpara sa 9.4 percent na naitala noong Hunyo.

Ito rin ang pinakamataas na naitala simula noong Disyembre ng taong 2017 sa 15.9 percent.

Nakita naman ang pinakalamalaking pagtaas sa bilang ng nagugutom sa Mindanao, balance Luzon at Metro Manila.

Isinagawa ang survey mula Setyembre 15 hanggang 23 sa 1,500 mga adults mula sa iba’t ibang bahagi ng bansa.

Inilabas na ng Malakanyang ang kopya ng appointment letter ni Chief Presidential Legal Counsel Salvador Panelo bilang bagong presidential spokesperson.

Pirmado ang nasabing memorandum ni Executive Secretary Salvador Medialdea na mayroong petsang Oktubre 11 taong kasalukuyan.

Ang pagkakatalaga kay Panelo bilang tagapagsalita ng palasyon ay batay na rin sa direktiba ni Pangulong Rodrigo Duterte para matiyak ang tulot at epektibong paghahatid ng servisyo sa publiko.

Gayunman, mananatili pa rin bilang chief presidential legal counsel.

Samantala, tiniyak naman ni Panelo na wala siyang papalitan sa mga tauhan sa loob ng tanggapan ng presidential spokesperson bagama’t may ilan siyang ipatutupad na pagbabago.

Hindi na palalawigin pa ng Commission on Elections (COMELEC) ang panahon para sa paghahain ng certificate of candidacy (COC) at certificate of nomination and acceptance (CONA) sa 2019 midterm elections.

Ayon kay COMELEC Chairman Sherriff Abbas, nagpalabas na ng resolusyon ang COMELEC en banc kung saan nakasaad na hanggang Oktubre 17 na lamang maaaring maghain ng COC at CONA.

Matapos nito, agad naman aniyang magsasagawa ng evaluation ang COMELEC Law Department para matukoy ang mga kuwalipikadong kandidato at mga nuisance o panggulo lamang.

Samantala, maaari namang makapaghain ng substitution ang mga kandidato hanggang Nobyembre 29.

Una nang inihayag ni COMELEC Spokesman Director James Jimenez na nakatakda silang magpalabas ng opisyal na talaan ng mga kandidato para sa 2019 elections sa Disyembre kasabay na rin ng pagpapaimprenta na ng mga balota.

Wala pang katiyakan ang sagupaan sa pagitan ng magkapatid na Mayor Abigail at dating Mayor Eriwn “Junjun” Binay Jr. para sa mayoralty post sa Makati City.

Ayon kay dating Mayor Junjun, pag-uusapan pa ng kanilang pamilya kung ano ang dapat gawin.

Sinabi ng dating alkalde na ilalatag niya sa pulong ng pamilya ang hangarin niyang ibalik ang Binay brand ng pamamahala kung saan sila mismo aniya bilang mga halal na opisyal ang lumalapit sa taongbayan para magbigay ng serbisyo publiko.

“Marami din satisfied na mga senior citizens, mga vendors you know people of Makati when I go around namimiss nila yung Binay style of governance. Yung governance ni Jojo Binay ayan yung tipo ng mga tao na siya ang lalapit hindi yung tao ang kailangan na pumunta sa kanya we’re always on the ground eh.” Pahayag ni Binay.

Binay siblings desidido nang maglaban sa mayoral post sa Makati

Kapwa desidido ang magkapatid na sina Makati City Mayor Abby Binay at dating alkalde ng lungsod na si Jejomar Erwin “Junjun” Binay Jr. na sumabak sa mayoral race sa Makati City sa 2019 elections.

Ayon kay Mayor Abby, may basbas ng kanyang amang si dating Vice President Jejomar Binay ang muli niyang pagtakbo bilang alkalde ng Makati City.

Nilagdaan pa aniya ng kanilang ama ang kanyang certificate of nomination and acceptance (CONA) sa ilalim ng United Nationalist Alliance (UNA) bago ito umalis patungong Italy noong Setyembre 27.

Sinabi pa ni Mayor Abby, nagsimula ang di nila pagkakaunawaan ng kapatid matapos niyang matuklasan ang pagkakasangkot sa katiwalian ng ilang mga councilors na sumusuporta sa pagbabalik ni Junjun sa Makati City Hall.

Samantala, iginiit naman ni Junjun Binay na lumabas lamang ang isyu sa kurapsyon nitong maga nakaraang araw habang papalapit na ang paghahain ng certificate of candidacy (COC).

Binigyang diin pa ni Junjun na aatras lamang sa kandidatura kung mismong ang kanilang ama na ang tatakbo sa pagka-alkalde sa Makati City.

Naging matumal ang umaga ng ikalawang araw ng paghahain ng certificate of candidacy (COC) sa pagka-senador.

Kabilang sa mga kilalang naghain na ng kanilang COC sina Senador Nancy Binay at si Bureau of Corrections (BuCor) Director Ronald “Bato” Dela Rosa na tatakbo sa ilalim ng Partido Demokratiko Pilipino–Lakas ng Bayan (PDP-Laban).

Filed my certificate of candidacy earlier today. #BeNice ☻ pic.twitter.com/0CdCxkeubZ

— Senator Nancy Binay (@SenatorBinay) October 12, 2018

Ayon kay Dela Rosa, ibinase niya sa Feng Shui ang oras at araw ng paghahain ng kanyang COC.

Isang Noron Valeriano naman ang ikatlong naghain ng kanyang COC.