HOT STORIES OF THE WEEK

Nagbitiw na bilang focal person ng local source code review para 2019 automated elections si Comelec spokesman James Jimenez.

Nag-ugat ang pagbibitiw ni Jimenez sa presentation ng Comelec para sa source code review kung saan biglang lumabas sa malaking screen ang larawan ng aktres ni Jessy Mendiola na naka-bathing suit mula sa laptop ni Jimenez.

Ayon kay Jimenez, nagpasya siyang umalis na lang bilang focal person upang hindi madungisan ang integridad ng proseso at ng Comelec.

There was a small technical issue involving flashing of a photo which was inappropriate for the event. I take responsibility and I apologize. I regret it. Because of that I resigned as a focal person for the local source code review. If I don’t acknowledge it, it will affect the integrity of the process. Ultimately, this is for the transparency and overall credibility of the institution I serve.

Inabandona na ni dating Presidential Spokesman Harry Roque ang kanyang planong pagtakbo bilang senador.

Inihayag ito ni Roque sa press briefing sa Malakanyang kung saan nama alam na rin sIya sa Malacañang Press Corps na nakasama niya sa isang taon nya bilang tagapagsalita ng Pangulo.

Ayon kay Roque, tatakbo sya bilang kinatawan ng Luntian Party list group na ang adbokasiya ay isulong ang para sa kapakanan ng kalikasan.

Inamin ni Roque na malaking bahagi ng kanyang desisyon ang hindi nya pag-akyat sa mga surveys.

I knew that it will be a very difficult climb to the Senate, if I will persist. We had 3 consecutive surveys, only the awareness was increasing, not the conversion, it was a hard reality to accept.

Ayon kay Roque, wala siyang pinagsisisihan na naging spokesman siya ng Pangulong Rodrigo Duterte.

Sa panahon aniya ng pagiging tagapagsalita ng Pangulo, kinailangan niyang isantabi ang sarili nyang opinyon sa mga isyu subalit ito ay bahagi aniya ng paglilingkod niya at suporta sa administrasyon para sa bansa.

 Gayunman, ngayon anyiang bumitiw na siya bilang spokesman ng Pangulo ay puwede na niyang ipahayag muli ang kanyang mga opinyon sa mga isyu.

 It’s time to be my own person again

Pinaghihinay-hinay ng Pangulong Rodrigo Duterte ang lahat sa paninisi sa China sa tuwing may nakakapasok na illegal drugs sa bansa.

Ayon sa Pangulo, dapat magkaroon muna ng malalimang imbestigasyon bago sisihin ang China.

Sinabi ng Pangulo na posibleng ginagamit ng Asian Triad, Mexican Sinaloa at Colombian Medellin drug cartels ang containers ng mga lehitimong importers para magpuslit ng droga sa bansa.

Kawawa aniya ang mga lehitimong importers kung sila ang makakasuhan gayung pinagsamantalahan lamang ng mga kandidato ang kanilang mga containers.

—-

Umarangkada na ang dry run para sa muling pagbubukas ng Boracay Island.

Kasabayan nito ang medical mission sa Barangay Manok Manok kung saan rin ginanap ang salubungan ng mga opisyal ng pamahalaan at mga Aklanon bago ang ceremonial opening.

Department Secretaries and local officials grace the 1st day of the Dry Run in Boracay Island today. pic.twitter.com/KgmUs59XmW

— DENR (@DENROfficial) October 15, 2018

Sec Cimatu leads the countdown to declare the waters of Boracay as fit for swimming. pic.twitter.com/O4miQDN5H1

— DENR (@DENROfficial) October 15, 2018

Ayon kay Presidential Communications Operations Office Director Jonino Bonito Padilla, makikita sa dry run kung mayroon pang mga dapat baguhin sa mga nailatag nang bagong panuntunan bago ang soft opening sa October 26.

Nasa isandaan at limampu’t dalawang (152) establishments na ang pinayagang makapagbukas matapos na makasunod sa mga itinakdang requirements ng inter agency task force.

Naging prayoridad sa dry run ang mga lokal sa Aklan kung saan isang libong (1,000) kuwarto ang inihanda para sa kanila ngayong araw na ito at isang libo pa para bukas.

Una nang inihayag ng Task Force Boracay na lilimitahan na lamang sa anim na libo (6,000) kada araw ang bisita sa Boracay Island.

“Tinatawag namin ito sa communications campaign dito na Boracay reform, ibig sabihin kung anong nakikita noon na wala pang influx ng tao, wala pang mga residenteng masyado ay ganun ibinalik, binuhay muli ang Boracay, virgin island na babalik ito.” Pahayag ni Padilla

(Tolentino Online Interview)

Land reform certificate

Samantala, personal na ipapamahagi ng Pangulong Rodrigo Duterte sa mga lumad ang land reform certificate sa Boracay Island.

Hindi nagbigay ng detalye ang Pangulo kung kelan niya ito isasagawa dahil ayaw aniya niya na ibandera pa ito.

Nauna nang ipinasara ng Pangulo ang Boracay Island matapos niyang tawaging cess pool ang karagatan doon.

____

Niyanig ng magnitude 4.6 na lindol ang bayan ng Panukulan sa lalawigan ng Quezon.

Naitala ang sentro ng nasabing lindol sa 74 kilometro hilagang kanluran ng panukulan, mag-aalas-10:00 kaninang umaga.

Ayon sa Philippine Institute of Volcanology and Seismology o PHIVOLCS, isang kilometro ang lalim ng naturang lindol na tectonic in origin.

Makalipas naman ang limang minuto, ibinaba ng PHIVOLCS sa 4.3 ang magnitude ng lindol.

Ipinabatid ng PHIVOLCS na naramdaman ang intensity 3 sa Quezon City at intensity 1 sa Mauban, Quezon dahil sa nasabing pagyanig.

—-

Nakatakdang suspendihin ng pamahalaan ang pagpapatupad ng ikalawang tranche ng excise tax sa mga produktong petrolyo sa susunod na taon.

Ito ang inansyo ni Special Assistant to the President Bong Go sa kanyang pagdalo sa pagbubukas ng Tienda Malasakit ng Department of Agriculture sa Taguig City ngayong araw.

Ayon kay Go, pinirmahan na ni Pangulong Rodrigo Duterte ang isang kautusan hinggil sa suspension ng dalawang pisong excise tax sa langis na epektibo sa Enero ng susunod taon.

Ito aniya ang nakikitang solusyon ng Pangulo sakaling magpatuloy pa ang pagsirit ng presyo ng mga produktong petrolyo.

Nilinaw naman ng kalihim na tanging ang second tranche lamang ng excise tax sa langis ang sinuspinde ni Pangulong Duterte kasunod na rin ng ipinalabas na resolusyon ng Senado hinggil dito.

Mga mamimili, dagsa sa binuksang “Tienda Malasakit”

Samantala, dagsa ang mga mamimili sa binuksang “Tienda Malasakit” ng DA o Department of Agriculture sa Taguig City ngayong araw.

Katuwang dito ng DA ang lokal na pamahalaan ng Taguig City kung saan mahigit sa 45 grupo ng mga magsasaka at kooperatiba mula sa iba’t ibang bahagi ng bansa ang nakiisa para magbenta ng kani-kanilang mga produkto.

Kabilang sa mga maaaring mabili sa nabanggit na “Tienda Malasakit” store ang NFA rice na nagkakahalaga ng bente siyete kada kilo, commercial rice na trentay nuwebe kada kilo at mga murang gulay at prutas.

Mabibili rin dito ang mga kamatis mula sa Laguna na unang nag-viral sa social media na itinapon ng mga magsasaka dahil sa over supply.

Samantala, pinag-aaralan naman ng da ang paglulunsad pa ng mas maraming “Tienda Malasakit” store katuwang ang iba pang mga lokal na pamahalaan para maipaabot ang mga murang bilihin sa mga barangay sa buong bansa.

—-

Inilabas na ng DTI o Department of Trade and Industry ang SRP o Suggested Retail Price para sa Noche Buena products.

Pasok sa inilabas na listahan ng DTI ang spaghetti, tomato sauce, elbow at salad macaroni gayundin ng hamon at sandwich spread.

Ayon sa DTI, ipapaskil sa mga pamilihan ang listahan ng SRP sa mga nabanggit na produkto upang maging gabay ng mga mamimili ngayong kapaskuhan.

Samantala, nilinaw ng DTI na hindi apektado ng paggalaw sa presyo ng langis at palitan ng piso kontra dolyar ang presyo ng hamon at keso dahil ginawa na ito noon pang buwan ng Pebrero.

Tututukan din ng DTI ang presyo ng manok, bigas at asukal na inaasahan naman nilang bababa sa mga susunod na linggo.

Pinapurihan ng mga senador si Pangulong Rodrigo Duterte sa pagkakahirang kay permanent representative to the United Nations Ambassador Teodoro “Teddy Boy” Locsin bilang bagong kalihim ng DFA o Department of Foreign Affairs.

Maging si dating Foreign Affairs Secretary Albert Del Rosario ay bilib din sa kakayahan ni Locsin dahil sa kanyang credentials bilang abogado, mamamahayag, negosyante, pulitiko at diplomat.

Ayon kay Del Rosario, maliban sa mga nabanggit, isa rin aniyang matalino, articulate at independent minded si Locsin kaya’t hindi ito mahihirapan sa kaniyang bagong tungkulin.

Magugunitang nanilbihan bilang Presidential Legal Counsel at speech writer noon ni dating Pangulong Corazon Aquino si Locsin na isa rin sa mga orihinal na karambolista ng programang Karambola ng DWIZ.

Para naman kay Senador Sonny Angara, maituturing na asset ng administrasyon si Locsin bilang bagong miyembro ng gabinete ni Pangulong Duterte.

I would like to congratulate him and congratulate the president for appointing him, si Mr. Locsin ay isang beteranong manunulat, lawmaker at alam natin mahusay magsalita.

Sa panig naman ni Senadora Nancy Binay, good choice ang pagpili kay Locsin bilang bagong kalihim ng DFA lalo’t napatunayan na niya ang galing nito noong kinatawan pa lamang siya ng Makati.

Dati naming Congressman sa Makati ‘yan, so I think hindi naman siya magkakaproblema sa confirmation niya. I think he’s a good choice to replace Alan Peter Cayetano.

(Usapang Senado Interview)

Aminado ang PDEA o Philippine Drug Enforcement Agency na marami pa ring tiwali sa kanilang hanay gayundin sa pambansang pulisya kaya’t nakapapasok pa rin ang iligal na droga sa bansa.

Iyan ang ginawang pag-amin sa DWIZ ni PDEA Dir/Gen. Aaron Aquino kasunod ng nadiskubreng apat na magnetic lifters na naglalaman ng humigit kumulang 6.4 bilyong pisong halaga ng shabu sa lalawigan ng Cavite.

Sinabi ni Aquino, ‘moro-moro’ lamang ang nangyaring pagkakasabat ng dalawang magnetic lifters sa MICP o Manila International Container Port noong Agosto dahil talagang plano itong gawing pain para sa mas malaking kontrabandong ipupuslit papasok sa bansa.

For so awhile, akala nating malaking accomplishment dahil nakakhuli tayo pero we never know na mas malaki ang napapalusot nila.. ‘moro-moro’ lamang ‘yung huli na na ‘yun diyan sa nangyari sa MICP, pero talagang ipahuhuli ‘yan.  Ganyan kasi ang modus, para paghuli mo, may palulusutin na mas malaki, eventually sa likod, may nagmamaneuver niyan.

Kasunod nito, sinabi ni Aquino na dahil sa pagkakalusot ng apat na magnetic lifters sa Cavite noong isang buwan, bagsak presyo nang naibebenta ang shabu hindi lamang sa metro manila kung hindi maging sa ARMM o Autonomous Region in Muslim Mindanao gayundin sa Sulu at Zamboanga.

May bagsak presyo sa region ARMM, tanggapin natin na adulterated ang drugs diyan, talagang lahat ng klase ng pandaraya ginagawa para lang dumami. Maliban pa roon ‘yung sinasabi kong smuggling ng drugs na nangyayari galing Malaysia at Indonesia, ginagamit po itong waterways ng Sulu papasok ng Zamboanga. Kaya diyan sa Zamboanga, mura ang droga diyan.  Sa Cebu, mura din ang shabu diyan kasi diyan nagaganap ang smuggling ng drugs from Zamboanga, idadaan hanggang Cagayan de Oro then ididistribute ng Cebu.

(Sapol Ni Jarius Bondoc Interview)