HOT STORIES OF THE WEEK

Kinumpirma ni dating Senate President Juan Ponce Enrile ang muling pagsabak sa senatorial race sa 2019 midterm elections.

Paliwanag ni Enrile, nagpasiya siyang muling tumakbo sa pagka-senador para sumali sa debate hinggil sa mga mahahalagang usapin sa Senado.

Iginiit ni Enrile, hindi naman aniya physical power ang kailangan sa pagiging isang senador kundi brain power.

Marami aniya siyang nais ireview na batas kabilang ang Pederalismo, TRAIN 1, TRAIN 2 at expanded maternity leave.

Ngayong hapon naghain na ng COC o Certificate of Candidacy si Enrile sa pamamagitan ng kanyang kinatawan na si Atty. Joseph Sagandoy.

Arestado ang pitong hinihinalang terorista na iniuugnay sa umano’y Red October plot o planong pagpapatalsik sa puwesto kay Pangulong Rodrigo Duterte.

Batay sa ulat ng pulisya at militar, kabilang sa mga naaresto sa magkakahiwalay na operasyon ang limang mataas na opisyal ng komunistang terorista at dalawang lider ng Maute group.

Ayon kina Philippine National Police Chief Director General Oscar Albayalde at Armed Forces of the Philippines Chief of Staff Carlito Galvez Jr., nakaambag sa paglusaw ng Red October plot ang pagkakaaresto sa pito.

Magugunitang, inihayag ng militar ang umano’y paglulunsad muli ng CPP-NPA ng planong pagpapabagsak kay Pangulong Duterte sa December matapos sumablay ang October plot.

Itinuloy ni dating Makati Mayor Junjun Binay ang pagbangga sa kanyang kapatid na si incumbent Mayor Abigail Binay sa May 2019 elections.

Naghain na ng kanyang certificate of candidacy o COC si Binay upang ituloy aniya ang Binay brand of governance na hindi umano maibigay ng kanyang Ate Abigail sa mga mamamayan ng Makati City.

Si Makati First District Congressman Monsour del Rosario ang napiling maging running mate ni Binay.

Una rito, sinabi ni dating Vice President Jejomar Binay na hindi siya makikialam sa banggang Abigail-Junjun at ipauubaya na sa taongbayan kung sino ang karapat-dapat sa kanilang boto.

—-

Malalaking pangalan ang naghain ng kanilang certificate of candidacy (COC) para sa ika-apat na araw ng filing ng mga nagnanais kumandidato para sa 2019 midterm elections.

Buena manong naghain ng kanyang COC si dating Department of Interior and Local Government o DILG Secretary Mar Roxas na maagang nagtungo ng punong tanggapan ng Comelec.

Si Roxas ay bahagi ng senatorial slate ng Liberal Party.

First filer for Day 4 of Filing of COC for Senator in the #NLE2019 is Manuel “Mar” Roxas, running under the Liberal Party. pic.twitter.com/FIYUOBmd3k

— COMELEC (@COMELEC) October 16, 2018

Matatandaang 2016 nang tumakbo sa pagka-Pangulo si Roxas ngunit natalo kay Pangulong Rodrigo Duterte.
Nagbisikleta naman mula Luneta si Taguig City Representative Pia Cayetano patungong Comelec main office para maghain ng kanyang COC sa pagka-senador. Ayon kay Cayetano, simboliko ang kanyang pamimiskleta dahil dito aniya sa Luneta na itinakdang kilometer zero magsisimula ang lahat upang maabot niya ng serbisyo ang mga kababayan nating nasa iba’t ibang panig ng bansa.

Taguig City District Representative Pia S. Cayetano files her COC for Senator in the #NLE2019. She is running under the Nacionalista Party. pic.twitter.com/MqweGQFMVU — COMELEC (@COMELEC) October 16, 2018

Sinabi ni Cayetano na kanyang ipagpapatuloy ang mga isinulong niya noon sa Senado kabilang ang mga repormang pangkalusugan, edukasyon, pagsusulong ng karapatan ng mga kababaihan at kabataan, kalikasan at iba pa.

Samantala, mga naka-toga ang mga tagasuporta ng re-eleksyonistang si Senador Bam Aquino bilang ito ang may-akda ng free college education law.

Ayon kay Aquino, batid niyang magiging mahigpit at mahirap ang laban lalo’t hindi siya bahagi ngayon ng administrasyon.

Senator Bam Aquino files his COC for Senator in the #NLE2019. He is running under the Liberal Party. pic.twitter.com/n2qUXR0B4G

— COMELEC (@COMELEC) October 16, 2018

Naging mainit naman ang pagsalubong ng mga tagasuporta ni Ilocos Norte Governor Imee Marcos nang magtungo ito sa Comelec para maghain ng kanyang COC para rin sa pagka-senador.

Nakasuot ang mga ito ng pulang habang sumisigaw ng ‘Marcos pa rin’.

Kasama ni Governor Imee sa paghahain ng kanyan g COC ang kanyang inang si Ilocos Norte Representative Imelda Marcos, kapatid na si dating Senador Bongbong Marcos at iba pang kaanak.

Ilocos Norte Governor Imee Marcos files her COC for Senator in the #NLE2019 running under the Nacionalista Party. She is accompanied by former Senator Bongbong Marcos and her three sons. pic.twitter.com/X197pNdTi1

— COMELEC (@COMELEC) October 16, 2018

—-

Ipinaubaya na ng Malakanyang sa Commission on Elections (COMELEC) ang desisyon kaugnay sa mga nasa narco list na tatakbo sa 2019 midterm elections.

Ayon kay Presidential Spokesman Salvador Panelo, COMELEC na ang bahalang humatol kung ididiskwalipika nila ang mga kandidatong nasa listahan ng gobyerno na sangkot umano sa iligal na droga.

Gayunman sinabi ni Panelo, na dapat ay maging maingat ang COMELEC sa paghatol sa mga kandidatong nasa narco list.

Kailangan umano na magkaroon ng matibay na batayan ang COMELEC para idepensa ang kanilang desisyon at hindi gawing batayan lamang ang mga bagay hindi pa napapatunayan.

Tiniyak ni Pangulong Rodrigo Duterte na may mangyayaring eleksyon sa susunod na taon.

Sa kanyang naging talumpati sa Change of Command ng Philippine Army sa Fort Bonifacio Taguig City, sinabi ni Pangulong Duterte na magiging honest o tapat ang idadaos na halalan.

Iginiit ng Pangulo, walang gagamiting pondo ng gobyerno sa mga kandidato ng mga administrasyon kahit kay dating Special Assistant to the President (SAP) Bong Go na naghain na ng kandidatura para sa pagka-senador.

“I will announce to the country now that we make a pledge, there will be an election and it will be an honest one. Nobody but nobody can use government resources, not even Bong. I will not allow it. As a friend, I can invite him but he should not. Of course, I will campaign for my candidates eh wala pa naman akong slate so hanggang diyan lang tayo.” Pahayag ni Duterte.

Kasabay nito, hiningi ni Pangulong Duterte ang pagtitiyak mula sa Armed Forces of the Philippines (AFP) at Philippine National Police (PNP) para sa isang maayos at mapayapang eleksyon.

Binalaan din nito ang mga miyembro ng AFP at PNP laban sa pagsali at pagkampanya sa mga politiko.

“Let us make a deal here, promise. I make a commitment to the Filipino people. This election strictly neutral tayong lahat. The Armed Forces, police and the uniform personnel of government I am asking you not to indulge in partisan politics wala tayong susuportahan. Yung mga kandidato ko ako lang because this is political position. But I expect everybody to respect that constitutional provision.” Ani Duterte.

Hindi makikialam si dating Pangulo at ngayo’y Manila City Mayor Joseph Estrada sa posibleng tagisan ng dalawa niyang anak sa halalan sa pagka-senador sa susunod na taon.

Ito ang sagot ni Estrada sa pahayag ni Senador JV Ejercito na nagtatampo ito sa kanya dahil hindi niya pinigilan si dating Senador Jinggoy Estrada sa planong muling tumakbo sa pagka-senador.

Ayon sa nakatatandang Estrada, malalaki na sina Senator JV at Jinggoy at kaya nang magpasiya kung parehong kakandidato sa pagka-senador o may magpapaubaya sa kanila.

Samantala, sinagot din ni Estrada ang sinabi ni JV na hindi niya ito gaanong natulungan nang tumakbo ito bilang senador noong 2013 dahil sa pagiging abala niya sa paghahanda para mayorial race sa Maynila.

Binigyang diin ni Estrada, hindi magiging mayor ng San Juan City o senador ang kanyang mga anak kung hindi dahil sa kanya.

—-

Kumpirmado na ang muling pagsabak sa senatorial election ni dating Department of Interior and Local Government (DILG) Secretary at Senador Mar Roxas sa susunod na taon.

Ayon kay Roxas, na last minute ang kanyang pagpapasiya na muling kumandidato kaya inaayos pa ang kanyang schedule para sa paghahain ng certificate of candidacy (COC).

Sa kanya namang Facebook post, ipinaliwanag ni Roxas na nagsagawa muna siya ng examination of conscience o pagsusuri sa kanyang konsensiya bago nagpasiyang tumakbo.

Aniya, bagama’t mas marami na siyang oras ngayon sa pamilya, nagdesisyon siyang muling tumakbo matapos makaranas ng crisis of conscience at tinanong ang sarili kung paano makatutulong lalo’t mas dumami aniya ang nagsasabing mas humirap ang buhay ngayon.

Una nang kinumpirma ni Senate Minority Floor Leader Franklin Drilon na isa si Roxas sa magiging senatorial candidate ng Liberal Party (LP) sa halalan sa susunod na taon.

(with report from Cely Ortega-Bueno)

Former Sen Mar Roxas when asked when he is going to file COC @dwiz882

_Naghahanap pa ng time slot. Napakalast minute kasi.”

— cely bueno (@blcb) October 15, 2018