HOT STORIES OF THE WEEK

Naging pangkalahatang mapayapa ang filing ng certificate of candidacy (COC) at certificate of nomination and acceptance (CONA) para sa 2019 midterm elections.

Ayon kay Philippine National Police (PNP) Chief Director General Oscar Albayalde, walang naitalang anumang untoward incidents ang Pambansang Pulisya sa limang araw na paghahain ng kandidatura sa buong bansa.

Samantala, inihayag naman ni Albayalde na sa susunod na linggo ay posibleng ilabas na ng PNP ang listahan ng mga election hotspots o election watch list areas sa buong bansa.

Una nang binanggit ni Albayalde na perennial election hotspots ang mga lugar sa Abra, Masbate, Lanao, Zamboanga del Sur at Zamboanga del Norte.

—-

Pinakakalma ng Malakanyang ang mga pulitikong kabilang sa narco list ni Pangulong Rodrigo Duterte.

Ito’y matapos mapaulat ang planong pagsasapubliko ng Dangerous Drugs Board (DDB) ang mga pangalan ng narco politicians.

Ayon kay Presidential Spokesperson Salvador Panelo, wala pa namang basbas mula sa pangulo ang nasabing balak ng DDB.

May mga paraan din umano para patunayan ng mga pulitiko na mali ang pagkakasangkot ng kanilang pangalan sa iligal na droga.

Binigyang diin din ni Panelo na hindi naman maituturing na hatol ang narco list sa mga pulitiko.

Nagpasalamat ang mga transport group sa inaprubahang P2 dagdag na pasahe sa jeepney.

Sa panayam ng DWIZ, sinabi ni Fejodap President Zenaida Maranan na malaking tulong ang P10 minimum fare sa jeep para may kitain naman sa pamamasada ang kanilang mga tsuper sa harap ng patuloy na  pagtaas ng mga produktong petrolyo.

“Nagpapasalamat kami sa LTFRB, kay Chairman Delgra, Atty. Lizada at Board Member Corpuz para dito pati sa NEDA na pumapayag naman po sila eh masaya na po ang ating mga tsuper medyo lumuwag na po yung isip naming.” Pahayag ni Maranan.

Dahil dito, ibinalita ni Maranan na kanila na ring iniaatras ang banta nilang malawakang tigil pasada.

“Wala na po kasi ipinagkaloob na po eh napaka-ingrato naman po namin tinulungan ka na nga binigyan ka na. Bakit tayo gagawa ng gulo eh hindi naman natin gusto guluhin ang ating bayan.” Ani Maranan.

(Interview from BNSP)

Umaasa pa rin si dating Presidential Spokesperson Harry Roque na makakuha ng suporta mula kay Pangulong Rodrigo Duterte.

Ito ay matapos na magdesisyon sa wakas si Roque na maghain ng kanyang certificate of candidacy (COC) sa pagka-senador.

Ayon kay Roque, malaking bagay pa rin kung i-eendorso siya ni Pangulong Rodrigo Duterte.

Sa kabila ito ng naunang pahayag ng pangulo na tingin niya ay hindi mananalong senador si Roque dahil sa ayaw dito ng mga senador.

Gayunman, nilinaw ni Roque na wala siyang sama ng loob sa pangulo at nangako itong magiging tagapagtanggol pa ng punong ehekutibo sakaling manalo sa pagka-senador.

“Mas masusupalpal ko na ang mga kumokontra sa Senado laban sa presidente. At pangako ko po huwag na kayo mag-ingay diyan sa Senado dahil pag ako po ay nabigyan ng mandato mas matindi po ang gagawin natin depensa sa presidente diyan po sa Senado.” Pahayag ni Roque.

Nagtapos na kahapon ang filing ng certificate of candidacy (COC) at certificate of nomination and acceptance (CONA) ng mga nais tumakbo sa 2019 midterm elections.

Batay sa tala ng Commission on Elections (COMELEC), aabot sa 152 ang kumandidato sa pagka-senador kung saan 132 dito ang lalake habang 21 ang babae.

Nasa 185 namang party-list group ang naghain ng CONA sa kabuuan ng limang araw na filing.

Sa lokal naman, 108 ang kumandidato sa pagka-gobernador, 69 sa pagka-bise gobernador habang 1,838 naman ang naghain ng kanilang COC para sa pagka-alkalde.

Ayon kay COMELEC Commissioner Rowena Guanzon, hindi na gaanong nagmukhang circus ang paghahain ng COC at CONA ngayon kumpara sa nakaraang eleksyon.

“Compared to the last election this is not a circus like. No one who calls himself “Lucifer” filed for a position. I think that generally the candidates here that filed were quite earnest in saying you know, I want to file my candidacy for senator because I’m qualified and I want to be heard about reforms in government what I would like to do.” Pahayag ni Guanzon.

Ngayong natapos na ang paghahain ng kandidatura inilatag ni COMELEC Commissioner Marlon Casquejo ang mga sunod na tututukan ng ahensya kabilang ang pagsala sa  mga kandidato.

“We are on going of our local source code review and after this filing there will be moto propio cases for nuisance candidates and we are going to cleanse only those qualified candidates. That will be heard mabilisan because we are going to cleanse it by December 15. Some party-list and political parties are still pending it’s already out for resolution so we are going to decide it also. And for party-list, if their party-list is denied they will not be considered as candidate for party-list.” Pahayag ni Casquejo.

Samantala, sinabi ni Guanzon na mahalaga ang midterm elections dahil sa magsisilbi itong batayan at paghahanda para sa 2022 presidential elections.

“The midterm election is very important presidential election and the Senate. The Senate is the institution where…no offense to the House of Representatives where big fights happen. So, midterm elections we have to encourage the people to come out and vote because the senators are very important in our democracy.” Ani Guanzon.

Inaprubahan na ng Land Transportation Franchising and Regulatory Board ang dalawang pisong dagdag sa minimum na pasahe sa mga jeepney.

Nangangahulugan itong sampung piso na ang minimum na pasahe sa jeep.

Ayon sa LTFRB, magsisimulang ipatupad ang sampung pisong minimum fare sa jeep sa Nobyembre.

Matatandaang Hulyo nang aprubahan ng LTFRB ang pisong pansamantalang dagdag pasahe sa jeep habang dinidinig ang hirit na dalawang pisong fare hike ng mga jeepney drivers at operators dahil sa patuloy na pagtaas ng presyo ng langis.

Iginiit ng Commission on Elections (Comelec) na hindi na sila magbibigay ng extension sa paghahain ng certificate of candidacy (COC).

Eksaktong alas-5:00 mamayang hapon, ititigil na ng Comelec ang pagtanggap ng mga COC.

Kabilang sa malalaking pangalang humabol sa huling araw ng paghahain ng COC ang nagbabalik Senado subalit nakapiit sa Kampo Krame na si dating Senador Bong Revilla sa pamamagitan ng kanyang asawang si Mayor Lani Mercado-Revilla.

Sa ikalawang pagkakataon ay susubok na makapasok sa Senado si Presidential Adviser on Political Affairs Francis Tolentino matapos itong pumang-labing tatlo npong eleksyon ng 2016.

Nangangahulugan ito ng pag-urong na ni Tolentino sa kanyang electoral protest laban kay Senador Leila de Lima na pumang-labing dalawa at pumasok sa Magic 12 noong nakaraang eleksyon.

Naghain na rin ng COC ang re-electionist na si Senador Edgardo Angara samantalang magbabalik Senado rin si dating Senador Serge Osmeña.

Samantala, tuluyan na ring pumasok sa larangan ng pulitika ang dating beteranong reporter ng GMA-7 na si Jiggy Manicad nang maghain na rin ito ng kanyang COC sa pagka-senador.

Taliwas naman sa naging anunsyo ni dating Presidential Spokesperson Harry Roque noong huling press briefing niya sa Malacañang na tatakbo siyang kinatawan ng Luntiang Pilipinas Party-list group ay naghain ito ng kandidatura sa pagka-senador.

Tatakbong senador si Roque sa ilalim ng People’s Reform Party.

—-

Sanib puwersa ang Philippine National Police (PNP) at Armed Forces of the Philippines (AFP) para mahigpit na i-monitor ang gun for hire groups at mga may-ari ng loose firearms na posibleng maging private armed groups o security escorts ng mga kandidato sa midterm elections.

Ipinabatid ito ni PNP Chief Director General Oscar Albayalde para matiyak ang maayos at malinis na eleksyon sa susunod na taon.

Tiniyak ni Albayalde ang mga operasyon ng PNP katuwang ang puwersa ng militar para mahuli ang mga may hawak ng loose firearms at mga nasa likod ng gun for hire groups.

Ipinag-utos na aniya niya ang mahigpit na monitoring sa mga aktibidad ng mga posibleng private armed groups kasunod na rin nang bantang pananagutin ang mga opisyal ng pulisya na mabibigong tutukan ang mga nasabing armadong grupo.

Kasabay nito, inihayag ni Albayalde ang posibleng re-assignment ng ilang police officers na may kaugnayan sa mga kandidato o incumbent officials na re-electionists subalit ang posibleng pansamantala lamang ang mga re-assignment na ito.

Una nang binuhay ni Albayalde ang national task force on honest, orderly and peaceful elections para maghanda at tutukan ang posibleng security concerns kaugnay ng midterm elections.

Hinimok ng Commission on Elections (COMELEC) ang mga maghahain ng certificate of candidacy (COC) sa huling araw ng filing nito ngayong araw na ito na sumunod sa four companion only rule.

Ang nasabing patakaran ay nilabag umano ni Special Assistant to the President (SAP) Christopher Bong Go na sinamahan ng kaniyang supporters sa pangunguna ng Pangulong Rodrigo Duterte at iba pang miyembro ng gabinete sa paghahain ng COC bilang senador nuong Lunes.

Sinabi ni COMELEC Spokesman James Jimenez na hindi naman nila maaaring mapigilan ang pangulo kayat hindi na dapat gayahin ng ibang kandidato ang ginawa ni Go.

Bilang ng naghain ng COC pumalo na 105 — COMELEC

Pumapalo na sa 105 ang bilang ng mga naghain ng certificate of candidacy (COC) para sumabak sa senatorial race sa apat na araw na itinakdang filing ng COC.

Ipinabatid ito ni COMELEC Spokesman James Jimenez subalit dadaan pa aniya sa screening ang mga ito at hindi lahat ay matatanggap bilang official candidates.

Kabilang sa mga naghain ng COC sa pagka senador sa ika-apat na araw ng filing nito kahapon sina dating DILG Secretary Mar Roxas, House Deputy Speaker Pia Cayetano, dating Senador Jinggoy Estrada, Senador Bam Aquino, dating Congressman Erin Tañada, Human Rights lawyer Atty. Chel Diokno, Ilocos Norte Governor Imee Marcos at dating Senate President Juan Ponce Enrile.

Samantala, 115 list groups na ang naghain ng kanilang certificate of nomination and admission (CONA).

Kabilang naman sa 44 na party-list groups na naghain ng kanilang CONA sa day 4 ng filing ng COC kahapon ang OFW Family Club, Inang Mahal, Serbisyo sa Bayan, May Pagasa, Anakpawis, An Waray, Wi-Fi partylist, Ang Probinsyano Party-list, ang Siguro Party-list at Gutom Party-list.

Itinanggi ng Malakanyang ang umano’y pagbibigay ng special treatment kay dating Special Assistant to the President (SAP) Bong Go nang maghain ito ng certificate of candidacy (COC) kahapon.

Ayon kay Presidential Spokesperson Salvador Panelo, posibleng ikinagulat ng Commission on Elections (COMELEC) ang pagdating ni Pangulong Rodrigo Duterte para samahan si Go sa paghahain nito ng kandidatura.

Hindi lang aniya napaghandaan ng COMELEC ang pagtungo ng pangulo at hindi napigilan ang pagsama sa loob ng tanggapan maging ang mga suppoters ni Go.

Iginiit pa ni Panelo, sinunod ni Go ang patakaran ng COMELEC sa paghahain ng COC dahil apat lamang ang kasama nito kabilang ang pangulo at tatlo pang miyembro ng gabinete.