HOT STORIES OF THE WEEK

Inihahanda na ng grupong Pambansang Lakas ng Kilusang Mamamalakaya ng Pilipinas (PAMALAKAYA) ang impeachment complaint laban kay Pangulong Rodrigo Duterte.

Ayon kay PAMALAKAYA National Chairman Fernando Hicup, dapat na managot ang pangulo sa pagkakabangga ng mga Pilipinong mangingisda sa Recto Bank at pag-amin na nakipagkasundo siya sa China na maari itong mangisda sa exclusive economic zone ng bansa.

Aniya, kasalukuyan silang kumukunsulta sa mga abogado para sa gagawing draft ng impeachment complaint laban sa pangulo.

Ito ay matatapos ay posibleng agad itong maihain sa darating na 18^th congress.

Pormal nang natanggap ng Mislatel Consortium ang kanilang permit to operate bilang 3^rd telecommunications player sa bansa.

Pinangunahan mismo ni Pangulong Rodrigo Duterte ang  paggawad ng certificate of public convenience and necessity sa Mislatel Consortium sa Malakanyang kahapon.

Dinaluhan ito nina Information and Communications Technology Secretary Gregorio Honasan at mga executives ng Consortium na binubuo ng China Telecommunications Corporation, Udenna at Chelsea Logistics Holdings Corporation.

Kasunod nito, inanunsyo naman ng 3^rd telco player na kanilang papalitan ang kanilang pangalan bilang “Dito Telecommunity Corporation”.

Sinabi rin ng bagong telco na kanila nang sisimulan ang pilot user program bago matapos ang taon para masubukan ang kanilang network.

Inendorso na ni Pangulong Rodrigo Duterte si Taguig City Representative Alan Peter Cayetano para maging speaker ng House of Representatives sa pagsisimula ng 18^th Congress sa Hulyo 22.

Sa kanyang naging talumpati sa oath taking ceremony ng mga bagong talagang opisyal sa Malakanyang, sinabi ni Pangulong Duterte na makakahati ni Cayetano ang mahigpit niyang kalaban sa pwesto na si Marinduque Representative Lord Allan Velasco.

Ayon sa pangulo, uupo si Cayetano bilang House Speaker sa unang 15 buwan at saka papalitan ni Velasco para sa nalalabing panahon ng 18^th Congress.

Kasabay nito inanunsyo rin ni Pangulong Duterte si Tacloban City Representative Martin Romualdez bilang susunod na Majority Floor Leader.

Bumagal ang pagtaas ng presyo ng mga pangunahing bilihin sa bansa nitong Hunyo.

Batay sa ipinalabas na datos ng Philippine Statistics Authority (PSA), bumaba sa 2.7% ang inflation nitong Hunyo, mas mababa sa naitalang 3.2% noong Mayo.

BREAKING: Inflation o antas ng pagtaas sa presyo ng bilihin sa Pilipinas bumagal sa 2.7% ngayong Hunyo, kumpara sa 3.2% noong Mayo; pinakamababang inflation rate din mula moong Setyembre taong 2017 pic.twitter.com/QqHqnOffkm

— DWIZ Newscenter (@dwiz882) July 5, 2019

Ayon kay PSA National Statistician Claire Dennis Mapa, pangunahing dahilan ng pagbagal ng inflation ang pagbaba sa presyo ng mga pagkain at nonalcoholic drinks.

Nakapag-ambag din aniya dito ang presyo ng mga produktong petrolyo, pasahe sa mga domestic flights at ferry o barko, housing, singil sa tubig at kuryente.

Ito na ang pinakamabagal na naitalang inflation sa loob ng 22 buwan o September 2017.

Iniimbestigahan na ng Pasig City Rescue at City Health Office ang kaso ng mahigit 200 mga biktima ng food poisoning sa isang event sa Ynares Stadium sa Pasig City.

Kabilang sa tinitignan ay ang kinain ng mga biktima tulad ng Adobong Manok sa Gata, Kanin at tubig na kanilang ininom.

Samantala, nasa maayos namang kalagayan si dating first Lady Imelda Marcos at kanyang pamilya na dumalo sa mismong event.

Nangako ang pamilya na aalamin kung sino ang catering service na nagpakain sa mga biktimang nag suka at nahilo matapos na makakain ng Adobong Manok.

This is a developing story. Please refresh page for updates.

Tinatayang nasa 261 katao ang napaulat na nabiktima ng food poisoning sa pagdiriwang ng kaarawan ni dating first lady Imelda Marcos sa Ynares Sports Complex sa Pasig City, ngayong araw.

BREAKING: Higit 60 katao, nabiktima ng food poisoning sa Pasig City. Ito’y sa pagtitipon na bahagi umano ng pagdiriwang ng kaarawan ni dating first lady Imelda Marcos pic.twitter.com/qDQGs3XX8N

— DWIZ Newscenter (@dwiz882) July 3, 2019

Ayon sa Eastern Police District, dinala na ang mga pasyente sa iba’t ibang ospital na malapit sa naturang lugar partikular na sa Pasig City General Hospital, Tricity Medical Center, Polymedic General Hospital, Rizal Medical Center at Medical City.

Samantala, rumesponde na rin ang medic teams ng Philippine Red Cross sa pangyayari para sa agarang paghahatid ng mga pasyente sa mga kalapit ospital.

Nagsasagawa na rin ng imbestigasyon ang mga otoridad sa naturang pangyayari.

Samantala, ayon kay Chief of Staff Bebot Diaz, ‘Marcos loyalist’ groups ang nag-organisa ng naturang pagdiriwang at inimbitahan lamang ang dating Unang Ginang sa Pasig City kung saan naganap ang food poisoning.

with report from Jill Resontoc (Patrol 7)

Opisyal nang itinalaga bilang bagong kalihim ng DICT o Department of Informations and Communications Technology si dating senador Gregorio Gringo Honasan.

Ito ay matapos manumpa ni Honasan kay Pangulong Rodrigo Duterte sa Malakanyang bago ang cabinet meeting kahapon.

Ayon kay Executive Secretary Salvador Medialdea, nakasama na rin nila kagabi sa cabinet meeting si Honasan.

Magugunitang inanunsyo ni Pangulong Duterte ang appointment ni Honasan noong Nobyembre ng nakaraang taon pero hindi ito natuloy noon.

Natapos ang termino ni Honasan bilang senador noong Hunyo 30.

Umalma ang Government Service Insurance Service (GSIS) sa findings ng Commission on Audit (COA) na illegal ang tig-P100,000 insentibo na ipinamigay ng ahensya sa mga empleyado ng GSIS.

Ayon kay Clint Aranas, pangulo at general manager ng GSIS, dumaan at aprubado ng Civil Service Commission ang kanilang galing sa pagkilala  incentive.

Sa report ng COA, itinuturing na illegal expenditure ang service incentive na umabot sa P260-M dahil wala itong rekomendasyon mula sa Department of Budget and Management at walang approval ng pangulo na naaayon sa section 5 at 6 ng Presidential Degree No. 1597.

Yes, susundin namin ang CSC because that is how we incentivize our employees otherwise demoralize ‘yung mga nagtatrabaho ng maayos. Dalawin niyo ang GSIS, tignan niyo naman magserbisyo ang mga tao d’yan. So that’s why they get rewarded by our Civil Service Commission. (…) and these are based on the awards we give the GSIS. Ibig sabihin, hindi nga to individual award, e. These are agency award,” ani Aranas.

Ratsada Balita Interview

Tinawag ni Pangulong Rodrigo Duterte na ‘senseless’ at ‘thoughtless’ o walang saysay at walang pagpapahalaga ang probisyon sa 1987 Constitution na nagsasaad ng exclusive economic zone (EEZ) ng Pilipinas.

Ayon kay Pangulong Duterte, binibigyang proteksyon ng nasabing probisyon ang karapatan ng Pilipinas sa economic zone nito gayung ang kanyang pinoprotekhan ang bansa at 110 mga filipino.

Dagdag ng pangulo, hindi rin kikilalanin ng China at mawawalan ng saysay ang nilalaman ng konstitusyon ng Pilipinas kahit pa ipakita niya ito.

Una nang iginiit ni Pangulong Duterte na hindi niya isasakripisyo ang buhay ng mga sundalo at pulis para sa makipag-giyera sa China.

Hinamon ni Pangulong Rodrigo Duterte ang kanyang mga kritiko na sampahan na siya ng impeachment complaint.

Ito ay may kaugnayan sa kanyang pahayag na tila nagbibigay pahintulot sa mga tsino na mangisda sa exclusive economic zone (EEZ) ng Pilipinas.

Ayon kay Pangulong Duterte, hindi siya natatakot sa bantang impeachment.

Dagdag pa ng pangulo, ipakukulong niya pa mismo at ipadadala sa Beijing ang kanyang mga kritikong maghahain ng impeachment complaint laban sa kanya.

Kasabay nito, binigyang diin naman ni Pangulong Duterte na kanya lamang pangangalagaan ang kapakanan ng mga Pilipino.