HOT STORIES OF THE WEEK

Malabo nang hindi matuloy ang isasagawang pagdinig ng Senate Blue Ribbon Committee hinggil sa kuwestiyunableng pagpapatupad ng Good Conduct Time Allowance (GCTA).

Ito’y dahil nasa Senado na ngayon si Bureau of Corrections (BuCor) Director Nicanor Faeldon.

Bureau of Corrections (BuCor) Director Nicanor Faeldon, nasa Senado na | via @OBueno pic.twitter.com/XBGu4cYAaB

— DWIZ Newscenter (@dwiz882) September 2, 2019

Ayon kay Faeldon, kaniyang kinansela ang kanyang mga nakatakda sanang ibang pagpupulong upang bigyang daan ang naturang pagdinig.

Binigyang diin din ni Faeldon na prayoridad niya ang pagdinig na ito kaugnay sa GCTA ngayong araw.

Ayon kay Faeldon, prayoridad niya ang isasagawang pagdinig ngayong araw sa Senado at ipinakansela niya ang kanyang mga nakatakdang ibang pulong ngayong araw | via @OBueno pic.twitter.com/zHql0dgbmS

— DWIZ Newscenter (@dwiz882) September 2, 2019

Samantala, matatandaang sinabi ni Senador Richard Gordon na mahalagang dumalo si Faeldon sa pagdinig dahil siya ang nakapirma sa release papers para sa halos 2,000 inmates ng New Bilibid Prisons kabilang na si dating Calauan, Laguna Mayor Antonio Sanchez at sa apat na Chinese convicted drug lords.

I-revamp ang Bureau of Correction (BuCor)!

Ito ang giit ni Senate President Vicente Sotto III sa panayam ng DWIZ, makaraang mabisto na nasa halos 2,000 bilanggo na convicted dahil sa heinous crimes ang pinalaya ng Bureau of Corrections (BuCor) base sa Good Conduct Time Allowance (GCTA).

SP Sotto: I-revamp yang BuCor na ‘yan.

— DWIZ Newscenter (@dwiz882) August 31, 2019

Isa aniyang “blessing in disguise” ang una nang pagkakasiwalat sa napipintong paglaya ni dating Calauan, Laguna mayor Antonio Sanchez upang mabunyag ang mga kaparehong pangyayari hinggil dito.

Dagdag pa ni Sotto, marami ang dapat ipaliwanag ni BuCor chief Nicanor Faeldon lalo na’t lumabas ang dokumento na nagpapakita na pirmado nito ang release order para kay Sanchez.

Malabo rin ani Sotto na walang nangyaring suhulan sa pangyayari at kinakailangang managot dito.

SP Sotto: Nagkasuhulan ‘yan, hindi pwedeng hindi. Dapat may managot.

— DWIZ Newscenter (@dwiz882) August 31, 2019

Dapat din aniyang paharapin ang mga opisyal ng BuCor sa nakatakdang pagdinig ng senado sa ika-2 ng Setyembre kaugnay sa mga pinalayang heinous crime convicts base sa GCTA

Ayon kay SP Sotto, dapat paharapin sa pagdinig ang mga opisyal ng BuCor.

— DWIZ Newscenter (@dwiz882) August 31, 2019

(IZ Balita Nationwide Sabado Interview)

Kinasuhan ng kidnapping at serious illegal detention sa Department of Justice (DOJ) si dating senador Antonio Trillanes at tatlong iba pa na kinabibilangan ng isang pari at isang madre.

Ang kasong isinampa ng Philippine National Police-Criminal Investigation and Detection Group (PNP-CIDG) ay nag-ugat sa reklamo ng isang Guillermina Barrido alyas ‘Guillermina Arcillas’ ng Davao Del Norte.

Bukod kay Trillanes, kasama ring kinasuhan sina Father Albert Alejo, Atty. Jude Sabio at Sister Ling ng Convent of Cannossian Sisters sa Makati City.

Batay sa sinumpaang salaysay ni Barrido, nangyari ang krimen mula December 9 hanggang 21, 2016 nang magmistula syang bilanggo nina Trillanes sa Cannossian Sisters Convent sa Makati  at sa Holy Spirit Convent sa Quezon City.

2017 di umano nang alukin sya ng kampo ni Trillanes na tumestigo laban sa mga di umano’y illegal na gawain ng Pangulong Rodrigo Duterte kapalit ng P1-M.

Ang kalahating milyon ay para idiin si Pangulong Duterte sa Davao Death Squad samantalang ang kalahati ay para sa pagtestigo nya sa International Criminal Court kung saan kinasuhan ang pangulo dahil sa extra judicial killings.

Sinabi ni Barrido na ilang beses nyang nakausap sa cellphone si Trillanes at may mga e-mail rin di umano sya hinggil sa mga plano ng grupo laban sa pangulo.

Nagkasundo ang Pangulong Rodrigo Duterte at Chinese President Xi Jinping na igalang ang posisyon ng bawat isa kung paano itrato ang arbitral ruling na pumapabor sa Pilipinas.

Ayon kay Presidential Spokesman Salvador Panelo, nagkasundo rin naman ang dalawang lider na hindi dapat maging hadlang ang nagkakaiba nilang posisyon para ipagpatuloy ang diyalogo para sa mapayapang pagresolba sa isyu.

Sinabi ni Panelo na nagkakaisa sina Pangulong Duterte at President Xi na ang pagkakaibigan ng Pilipinas at China ay nakasandal sa ilandaang taon nang pagkakaibigan ng dalawang bansa.

Una rito, nanindigan si President Xi sa posisyon nitong huwag kilalanin ang arbitral ruling na nagbabasura sa kanilang 9-dash line sa South China Sea nang igiit ito sa kanya ni Pangulong Duterte sa kanilang bilateral meeting.

Sinaksihan nina Pangulong Rodrigo Duterte at Chinese President Xi Jinping ang paglagda sa anim na kasunduan sa pagitan ng Pilipinas at China.

Ito ay kasabay ng bilateral meeting ng dalawang lider sa Beijing na layuning mas palakasin at patatagin ang relasyon ng Pilipinas at China sa kabila ng kinaharap na mga pagsubok.

Kabilang sa mga nilagdaang memorandum of agreement ay ang cooperation sa pagitan ng dalawang bansa sa larangan ng edukasyon, teknolohiya, finance at customs.

Samantala sa opening statement ni Xi, kanyang sinabi na nagagalak siyang muling makita at patuloy na makatrabaho ang kanyang kaibigan na si Pangulong Duterte.

Hindi pa rin tinanggap ni Chinese President Xi Jinping ang pagkapanalo ng Pilipinas sa permanent court of arbitration sa The Hague sa usapin ng pinag-aagawang teritoryo sa South China Sea.

Ito ang inihayag ni Presidential Spokesperson Salvador Panelo matapos ng bilateral meeting ng dalawang lider kung saan iginiit aniya ni Pangulong Rodrigo Duterte ang arbitral ruling bilang final at binding.

Ayon kay Panelo, nanindigan si Xi na hindi nila kikilalanin ang arbitral ruling at iginiit na hindi matitinag ang kanilang posisyon.

Kaugnay nito, kapwa aniya napagkasunduan nina Pangulong Duterte at Xi na bagama’t mananatili ang magkaiba nilang posisyon sa usapin, hindi ito makaaapekto o makababawas sa pagkakaibigan ng dalawang bansa.

Dagdag ni Panelo, hindi rin anila maituturing na kabuuan ng bilateral relationship ng Pilipinas at China ang pinagtatalunang usapin.

Sa kabila naman nito, sinabi ni Panelo na sumang-ayon ang China sa pagbuo ng code of conduct sa South China Sea para maresolba ang usapin sa pinagtatalunang teritoryo.

Dagdag ni Panelo, nais naman ni Xi na bumuo ng isang komite na tatalakay sa pagkakaroon ng substantive program hinggil sa usapin ng joint gas exploration sa West Philippine Sea.

Samantala, nagpahayag naman ng kahandaan si Xi na maglaan ng kompensasyon sa 22 mangingisdang sakay ng binangga bangka ng Chinese Vessel sa Recto Bank.

Maghaharap ngayon sina Pangulong Rodrigo Duterte at Chinese President Xi Jinping sa Diaoyutai State Guesthouse sa Beijing, China.

Inaasahang bubuksan ng pangulo kay President Xi ang arbitral ruling na pumapabor sa Pilipinas sa pag-angkin sa mga teritoryo sa South China Sea.

Plano rin umanong talakayin ng dalawang lider ang code of conduct at oil and gas exploration sa West Philipine Sea sa hatiang 60-40, pabor sa Pilipinas.

Isang state banquet ang nag-aantay naman sa pangulo pagkatapos ng bilateral meeting nito kay President Xi.

Samantala, nakatakda ring makipagpulong ang pangulo kay Chinese Premier Li Keqiang bukas ng hapon bago dumalo sa opening ceremony ng FIBA Basketball World Cup dakong gabi.

Lilipad naman ang pangulo patungong Foshan, Guangdong Province sa Sabado para panoorin ang laban ng Gilas Pilipinas kontra sa Italy.

Nag-sorry na o nanghingi na ng paumanhin ang China sa mga Pilipinong mangingisda na nasangkot sa Recto Bank incident.

Ito ay halos tatlong buwan matapos ang nangyaring ‘hit and run’ sa Recto Bank o ang pagbangga at pag-abandona ng Chinese vessel sa bangkang pangisda ng mga Pilipino sa bahagi ng Recto/Reed Bank.

Sa inilabas na memorandum ng Department of Foreign Affairs (DFA) sa kanilang Twitter account, makikita rito ang bahagi ng apology letter ng China para sa mga Pinoy fishermen.

Bahagi ng apology letter ng Chinese sa mga Pinoy fishermen sa Recto Bank incident | via @DFAPHL https://t.co/edNLoBkq5o

— DWIZ Newscenter (@dwiz882) August 28, 2019

Ipinahayag ng China sa naturang sulat ang kanilang pakikisimpatya, gayundin ng may-ari ng Chinese fishing boat, sa mga Pilipinong mangingisda na nasangkot sa insidente.

Bagaman anila hindi sinasadya ang naturang pangyayari ay dapat akuin ng bangkang pangisda ng China ang malaking responsibilidad sa nangyari.

Hiniling naman sa Pilipinas na maghain ng apela para sa civil compensation base na rin sa halagang nawala sa mga mangingisda dahil sa nangyaring insidente.

Naghain ng guilty plea ang gunman sa pagpatay sa negosyanteng si Dominic Sytin noong November 2018.

Ipinabatid ni Prosecutor Pedro Navera na umamin sa krimen ang self-confessed gunman na si Edgardo Luib sa isinagawang pagbasa ng sakdal dito ni Judge Richard Paradeza ng Olongapo RTC Branch 72.

Ilang beses pang tinanong ni Paradeza si Luib kung nalalaman at nauunawaan ba niya ang kahihinatnan ng kaniyang pag-amin.

Sinabi ni Luib na nakokonsensya na siya kaya’t nagpasya siyang umamin sa krimen.

Inihayag ni Luib na binaril niya si Sytin at bodyguard nitong si Efren Espartero dahil sa utos ng nakakabatang kapatid ng negosyante na si Dennis.

Sa September 11 magsisimula ang paglilitis sa kaso.

Ipepresinta ngayong umaga ni PNP Chief P/Gen. Oscar Albayalde ang Secretary General ng Communist Party of the Philippines (CPP) na si Estrelita Suaybaguio.

Si Suaybaguio ay nadakip ng pinagsanib na puwersa ng militar at pulisya sa kaniyang Condo Unit sa 20th Avenue, Cubao, Quezon City kahapon.

Ikinasa ang operasyon laban kay Suaybaguio sa bisa ng warrant of arrest na inilabas ni Quezon City Regional Trial Court Branch 89 Executive Judge Cecilyn Burgos – Villavert dahil sa kasong illegal possession of firearms & explosives.

Batay sa impormasyon naman mula sa National Capital Region Police Office (NCRPO) at Quezon City Police District (QCPD), nakuha mula sa tinutuluyang unit ni Suaybaguio ang isang 9mm na pistola, granada at mga subersibong dokumento.