HOT STORIES OF THE WEEK

Itinalaga na si Deputy Director for Security and Operations Melvin Ramon Buenafe bilang bagong OIC o Officer-in-Charge ng Bureau of Corrections o BuCor.

Batay sa Department Order No. 468, inatasan ni Justice Secretary Menardo Guevarra si Buenafe bilang bagong OIC ng ahensya.

Nakasaad din na tututukan ni Buenafe ang National Bilibid Prision sa Muntinlupa City kasama ang pag aayos sa pang araw araw na sistema ng BuCor.

Matatandaang sinibak ni Pangulong Duterte si dating BuCor Chief Nicanor Faeldon sa pwesto noong Miyerkules, Setyembre 4.

(with report from Bert Mozo)

May unang bugso na ng mga convicts na napalaya sa ilalim ng Good Conduct Time Allowance (GCTA) ang sumuko.

Ito ang kinumpirma ni Justice secretary Menardo Guevarra, ilang oras lamang matapos ang direktiba ni Pangulong Duterte na sumuko na ang mahigit 1,000 preso na napalaya sa ilalim ng Good Conduct Time Allowance (GCTA) law.

Ayon kay Guevarra, sa isinasagawang pagdinig ng senado kaugnay sa GCTA law, hindi bababa sa sampu (10) ang bilang ng mga preso na sumuko na matapos ang 15-day deadline na ibinigay ni Pangulong Duterte sa mga aniya’y “premature” na napalaya sa ilalim ng GCTA.

BREAKING: Ayon kay Guevarra, hindi lalagpas sa sampu (10) ang bilang ng mga sumuko nang convicts na napalaya dahil sa GCTA.

— DWIZ Newscenter (@dwiz882) September 5, 2019

Nakikipag-ugnayan na rin, ani Guevarra, ang Department of Justice (DOJ) sa Bureau of Immigration sa pag-iisyu ng immigration lookout bulletin order laban sa mga napalayang convicts.

Look-out bulletin, ipinalabas na rin — DOJ

Nagpalabas na ng look-out bulletin ang Department of Justice (DOJ) laban sa mga bilanggong sangkot sa heinous crimes na napalaya dahil sa Good Conduct Time Allowance.

Ipinabatid ito ni Justice Secretary Menardo Guevarra sa pagdinig ng senado matapos nila aniyang maiforward sa Bureau of Immigration ang nasabing listahan.

Sa panulat ni Judith Estrada-Larino

Tuluyan nang namaalam si Bureau of Correction (BuCor) Chief Nicanor Faeldon sa kanyang tanggapan.

Ito’y pasado hatinggabi matapos ipag-utos ni Pangulong Duterte sa kanyang press conference ang pagsibak sa puwesto ni Faeldon.

Sa larawang ibinahagi ng kanyang abogado na si Atty. Jose Diño Jr., masayang nagpakuha ng larawan si Faeldon kasama ang kanyang mga tauhan.

Kita rin sa mga larawan na nakaligpit na ang mga gamit nito sa kanyang opisina.

Nagpaalala pa si Faeldon sa kanyang mga tauhan na huwag malungkot at mas mahalaga aniya na nagkaroon sila ng pagkakataong manilbihan sa bansa.

Nagsalita na aniya ang kanyang commander-in chief at bilang isang sundalo ay susunod siya sa lahat ng ipag-uutos ng kanyang appointing authority.

Sa kabila naman ng pangyayari ay sinabi ni Faeldon na wala siyang anumang sama ng loob kay Pangulong Duterte.

Pinakikilos na ni Philippine National Police (PNP) Chief Police General Oscar Albayalde ang lahat ng police units sa bansa para tugisin ang mga napalayang convict sa ilalim ng Good Conduct Time Allowance (GCTA) law.

Ito’y kasunod ng ibinigay na ultimatum ni Pangulong Rodrigo Duterte sa mga naturang bilanggo para isuko ang kanilang sarili.

Ayon kay Albayalde, bumuo na sila ng  tracker team na itatalaga para hanapin ang mga convicts na itatratong fugitives kapag hindi sila sumuko sa loob ng ultimatum na ibinigay ng pangulo.

Dahil dito maaari na ring arestuhin ang mga convicts sa ilalim ng warrantless arrest para sa mga fugitive sa batas.

Kasabay nito, inutusan na rin aniya ni Albayalde na magsagawa ng “accounting” sa 1,700 convicts na napalaya sa bisa ng GCTA.

Nanganganib makasuhan ng perjury ang common law wife ni dating Calauan mayor Antonio Sanchez sakaling mapatunayang nagsinungaling ito sa senado.

Kaugnay ito sa pahayag nya na nalaman nya ang nakatakda sanang paglaya ni Sanchez sa pamamagitan ng isang text message mula sa hindi nya kilalang numero o tao.

Hindi rin naiprisinta ni Ginang Elvira Sanchez sa senado ang text message dahil nawasak anya ang kanyang telepono nang ibato nya ito dahil sa galit at pangamba dahil sa mga natatanggap nyang death threats.

Ayon kay Senate Minority Leader Franklin Drilon, kumikilos na ang senado para i-trace ang text message kay Ginang Sanchez sa pamamagitan ng phone number na ibinigay ng ginang.

Sinabi ni Drilon na hindi pangkaraniwan ang sinabi ni Sanchez na winasak nya ang kanyang cellphone.

Tatlong senador ang naghain ng panukala para mapawalang-bisa ang Good Conduct Time Allowance (GCTA) law na nagpapaikli ng sentensya ng mga bilanggo sa pamamagitan ng pagkakaroon ng magandang asal.

Ito’y sa gitna ng pag-alsa ng publiko sa napipinto sanang paglaya ng convicted rapist at killer na si dating Calauan, Laguna mayor Antonio Sanchez.

Inihain ang naturang panukala nina Senate President Vicente Sotto III, Panfilo Lacson at Richard Gordon.

LOOK: Sotto, Lacson, Gordon file bill repealing GCTA law
| via @OBueno pic.twitter.com/HJxxzPZVHZ

— DWIZ Newscenter (@dwiz882) September 3, 2019

Magugunitang sinabi ni Bureau of Corrections (BuCor) chief Nicanor Faeldon na tinatayang nasa 11,000 bilanggo ang posibleng maging benepisyaryo ng GCTA law.

Nalantad sa senado ang ginawang pagla-lobby ng Pamilya Sanchez upang makalaya si dating Clauan mayor Antonio Sanchez.

Sa hearing ng Senate Blue Ribbon at Justice and Human Rights Committees, nabunyag na sumulat ang Pamilya Sanchez kay Pangulong Rodrigo Duterte, Senador Bong Go, dating justice Arturo Brion at maging kay dating unang ginang Imelda Marcos.

Nabunyag rin na si Presidential Spokesman Salvador Panelo, na dating abogado ni Sanchez, ang nag-endorso ng mga liham sa Board of Pardons and Parole.

BREAKING: Presidential Spokesperson Salvador Panelo, sumulat sa Board of Pardons and Parole para i-refer ang request ng pamilya Sanchez para sa executive clemency ni ex-Calauan, Laguna mayor Antonio Sanchez | via @OBueno pic.twitter.com/c335Ev6eXN

— DWIZ Newscenter (@dwiz882) September 3, 2019

Gayunman, sa kabila ng referral ni Panelo, nagpasya ang board na ibasura ang apela ni Sanchez na commutation of sentence dahil hindi ito kwalipikado.

Kinumpirma ng asawa ni dating Calauan mayor Antonio Sanchez na nakausap nila si Bureau of Correction (BuCor) chief Nicanor Faeldon.

Sa kanyang pagharap sa senado, sinabi ni Ginang Elvira Sanchez na nalaman nila ang napipinto sanang paglaya ng kanyang asawa sa pamamagitan ng isang anonymous text message.

Ayon kay Ginang Sanchez, nagpunta sila noong August 20 sa Bilibid subalit napagsabihan sila na hindi matutuloy ang paglabas ng kanyang asawa.

Nagbalik anya sila kinabukasan at nakausap nila si Faeldon kung saan sinabihan sila na hindi natuloy ang paglabas ni Sanchez dahil sa umiiral na ‘first in, first out’ policy.

Samantala, nang hingin ng mga senador ang numero ng nag text kay Ginang Sanchez, sinabi nitong nasira na ang kanyang cellphone dahil ibinato nya ito dahil sa init ng kanyang ulo.

Ayon kay Elvira Sanchez, August 21 sila nakipag-usap kay Faeldon, isang araw ito matapos ang dapat sana’y araw ng pagpapalaya kay Sanzhez.

— DWIZ Newscenter (@dwiz882) September 3, 2019

Nakahanda ng PNP o Philippine National Police na magpatupad ng warrantless arrest laban sa lahat ng mga pinalayang bilanggo ng BuCor o Bureau of Corrections sa ilalim ng GCTA o Good Conduct Time Allowance.

Ayon kay PNP Chief Police General Oscar Albayalde, ito ay sakaling ipag-utos ng Department of Justice ang pagpapawalang bisa ng release orders sa mga nakalayang bilanggo.

Pag-amin pa ni Albayalde, kanyang ikinabahala ang maagang pagpapalaya ng BuCor sa halos 2,000 preso lalo na ang mga nahatulan dahil sa mga karumal dumal na krimen.

Kaugnay nto, magtatalaga aniya sila ng mga liason officers sa DOJ at BuCor para masubaybayan ang mga maagang mapapalayang preso sa hinaharap na magiging bahagi rin ng reintegration ng mga ito sa lipunan.

Kumpirmadong nakalaya na ang tatlo (3) sa pitong (7) sentensyado sa pagpatay sa Chiong sisters sa Cebu.

Kinumpirma ito ni Bureau of Corrections (BuCor) Director General Nicanor Faeldon sa pagtatanong ni Senador Panfilo Lacson.

Gayunman, ang release order para kina Josman Aznar, Alberto Canio at Ariel Balansag ay nilagdaan ni Supt. Maria Fe R. Marquez para kay Faeldon.

Ang release order para sa kina Aznar, Canio at Balansag ay parehong-pareho ng release order para kay dating Calauan mayor Antonio Sanchez maliban sa petsa at sa pirma mismo ni Faeldon.

Inaantabayanan na ang isasagawang pagdinig ng Senate Blue Ribbon Committee hinggil sa kuwestiyunableng pagpapatupad ng Good Conduct Time Allowance (GCTA).

Basahin ang buong istorya: https://t.co/IeCdf4koPt pic.twitter.com/XxWfIEFM0P

— DWIZ Newscenter (@dwiz882) September 2, 2019

Gayunman, nanindigan si Faeldon na hindi sya naglabas ng release order para kay Sanchez.

Sinabi ni Faeldon na ang nilagdaan niya ay memorandum na ituloy ang proseso para maisama si Sanchez sa Good Conduct Time Allowance (GCTA) subalit binawi nya ito matapos magkaroon ng kontrobersya.