HOT STORIES OF THE WEEK

Umapela sa Land Transportation Franchising and Regulatory Board (LTFRB) ang transport groups na ibalik na ang binawi nilang pisong dagdag sa pasahe.

Ginawa ni Efren De Luna ng Alliance of Concerned Transport Organizations (ACTO) ang apela matapos ang big-time oil price hike na halos umabot sa P2.00 ang kada litro.

Ayon kay De Luna, hindi na kailangan ng panibagong public hearing kapag ginawang P10.00 ang minimum na pasahe sa jeepney dahil nadesisyunan na ito noon pa ng LTFRB bagamat agad ding binawi.

Posibleng isama na nila ang oil price hike sa mga isyung kanilang ipo-protesta sa Lunes, September 30.

Ang pambansang welga ng mga pampasaherong jeepney sa Lunes ay bilang protesta sa tuluyang pag-phase out sa mga jeepney para bigyang daan ang modernisasyon sa Hunyo ng 2020.

Nakapagbigay na tayo sa mga pasahero ng matagal na panahon, siguro naman po ay maibabalik na ‘yung pinahiram lamang namin, ‘yung po ay tinatawag na pinahiram lamang namin dahil ang pinagbatayan din po noon ay ‘yung sunod-sunod na pagbaba ng presyo ng langis kaya nagkaroon kaagad ng desisyon, kahit na po illegal ‘ynug desisyon ng LTFRB ay tinanggap po namin para ‘yun sa mga mananakay,” ani De Luna. — sa panayam ng Ratsada Balita

Patay ang dalawang construction workers sa pagguho ng Sogo Hotel sa lungsod ng Maynila.

Nakilala ang mga nasawi na sina Melo Izon at Jerome Pabillo.

Nabatid na ang labi ni Izon ay nakuha ng rescue team pasado alas 3:00 kaninag hapon samantalang patuloy pang kinukuha ang labi ni Pabillo.

Katuwang ng Manila City Rescue ang MMDA na nagpadala ng dalawang crane para makuha ang mga na trap sa nasabing gusali. — ulat mula kay Aya Yupangco (Patrol 5)

Hindi nagtugma sa orihinal na bilang ng talaan ng Bureau of Correction (BuCor) ang bilang ng mga sumukong heinous crime convicts na napalaya sa ilalim ng Good Conduct Time Allowance (GCTA) law.

Ayon kay Department of Justice (DOJ) undersecretary Markk Perete, batay sa kanilang listahan, nasa 1,950 na ang bilang ng mga sumukong convicts sa pagtatapos ng 15-day deadline ni Pangulong Rodrigo Duterte sa kanilang pagsuko.

Mas marami aniya ito kumpara sa 1,914 heinous crime convicts na nakalista sa orihinal na listahan ng BuCor.

As of 12 midnight, 1,950 na ang mga sumukong heinous crime convicts na napalaya [sa ilalim ng GCTA], that is higher than 1,914 na PDLs na nakalista sa original na listahan ng BuCor,” ani Perete.

Dapat sana, ani Perete, ay 11 p.m. pa lamang ay naglilinis na sila ng listahan ng mga convicts upang itransfer ito sa Philippine National Police (PNP) at Armed Forces of the Philippines (AFP) para sa isasagawang rearrest operation.

Tinanong din aniya nila ang BuCor hinggil sa pangyayari at ang kanilang tugon ay tinanggap nila ang mga sumukong convicts na hindi dino-double check ang kanilang mga pangalan sa naturang listahan.

Kasunod nito ay kaagad na nakipag-ugnayan ang DOJ sa PNP at AFP upang pansamantalang i-hold ang kanilang gagawing rearrest operation hanggang sa malinis na ng DOJ ang orihinal na listahan.

Immediately, nag-communicate tayo sa AFP at PNP to hold rearrest operations until after malinis natin ‘yung original list,” ani Perete.

Ito aniya ay upang hindi masayang ang oras at resources ng pulisya.

Dagdag pa ni Perete, 24-oras silang nagta-trabaho upang sa lalong madaling panahon ay kanilang malinis at malinaw ang listahan ng mga heinous crime convicts na napalaya sa ilalim ng GCTA. — sa panayam ng Ratsada Balita

Kinumpirma ng isang dating hepe ng Philippine National Police’s Criminal Investigation and Detection Group (PNP-CIDG) na patuloy pa rin ang nagaganap na ‘drug recycling’ scheme kung saan sangkot ang mga law enforcement agents.

Ayon kay Benjamin Magalong na ngayon ay mayor na ng Baguio City, nagbebenta umano ang mga pulis ng mga iligal na droga, karamihan ay shabu, na kanilang nasamsam mula sa kanilang lehitimong ikinakasang drug operation o kanyang tinawag bilang ‘agaw bato’.

Dating head ng Criminal Investigation and Detection Group at kasalukuyang mayor ng Baguio City na si Benjamin Magalong, tumestigo kaugnay sa paglalako ng mga pulis ng illegal na droga na nasamsam sa isang police ops pic.twitter.com/CIOzMPuVlR

— DWIZ Newscenter (@dwiz882) September 19, 2019

Kaniya aniyang pinamunuan ang isinagawang imbestigasyon kaugnay sa naturang scheme noong siya pa ay nakaluklok bilang hepe ng CIDG.

Dagdag pa ni Magalong, ilang mga ranking police officials na aktibo pa sa serbisyo ay kabilang sa nabanggit na illegal scheme.

Nangyayari din aniya sa modus na ito ang pag-aresto sa mga Chinese drug traffickers at pagpapalaya sa kanila kapalit ang malaking halaga ng pera.

Naberipika na ng National Bureau of Investigation (NBI) ang palitan ng mga text messages sa pagitan ng isang Bureau of Correction (BuCor) personnel at ng isang asawa ng inmate na biktima umano ng ‘GCTA for sale’ sa New Biliibid Prison.

Iprinisinta ni NBI director Dante Gierran ang ulat ng forensic examination ng mga mobile phones nina BuCor Senior Insp. Ma Benilda Bansil at BuCor Officer 3 Veronica Buño sa pagpapatuloy ng pagdinig ng Senado kaugnay sa umano’y korupsiyon sa BuCor.

Ayon kay Gierran, lumitaw sa resulta ng pagsusuri na noong February 21, 2019 ay nakatanggap ng text messages si Yolanda Camilon, asawa ng isang inmate, mula kay Bansil at Buño hinggil sa isang transaksiyon.

Our  application for warrant-less disclosure was approved by the court and we are now allowed by law to open the cellphone of two of the three and it appears there were communication between and among the three of them, ani Gierran.

Wala naman aniya silang napigang tala ng tawag mula sa cellphone ni Buño dahil ito ay protektado ng password.

Dahil dito, paulit-ulit na idinidiin ni Senador Dick Gordon si Buño sa katanungan kung siya ba ay nakikipag-usap kay Camilon ngunit patuloy itong itinatanggi ni Buño.

Bagaman inamin ni Buño na nagte-text siya kay Camilon ay iginigiit niya na hindi ito nakikipag-usap sa kanya at hindi niya personal na kilala si Camilon.

Kasunod nito ay pinahintulutan ni Gordon ang NBI na mayroong nakahandang ‘warrant for examination of data from a court’ para ipagpatuloy ang pagsasagawa ng forensic examination sa cellphone ni Buño.

NBI, ipirinisinta ang court order kay Buno upang maimbestigahan ang kanyang cellphone.

Hawak na ngayon ng NBI ang cellphone ni Buno, sinabi na rin nito ang kanyang password. pic.twitter.com/343IozrLI5

— DWIZ Newscenter (@dwiz882) September 19, 2019

Pinayuhan din ni Gordon si Buño na magsabi na ng katotohanan bago pa man lumabas ang resulta ng forensic examination kung saan lalabas din aniya kung ano ang tunay na laman ng kanyang cellphone.

Hindi naman tumugon si Buño at nanghingi ng ‘break’ upang kumausap ng isang abogado.

Bulto-bulto di umanong binibili ng isang drug lord sa Metro Manila ang mga recycled drugs mula sa mga tinaguriang ‘ninja cops’.

Ibinunyag ito ni Director General Aaron Aquino ng Philippine Drug Enforcement Agency (PDEA) matapos nyang aminin na patuloy pa ring nangyayari ang pagrecycle ng illegal drugs.

Ayon kay Aquino, nangyayari ang pag-umit ng droga kapag mayroong buy bust operations o kaya ay naghahain sila ng warrant of arrests.

Naipagtabi nila ‘yung dapat itabi, binulsa na ‘yung dapat ibubulsa, bago papasukin ‘yung mga media tiyaka ‘yung mga iba pang witnesses. Noon pa ginagawa na ‘yan ng mga ‘ninja cops’ at maramin ‘yan, although marami nang natanggal sa serbisyo, pinarusahan — pero syempre meron pa ring mga tiwali pa ring naiiwanan, talagang gumagawa pa rin ng hindi tama,” ani Aquino. — sa panayam ng Balitang Todong Lakas.

Nais ng China na tuluyang isantabi ng Pilipinas ang 2016 arbitral ruling na nagpatibay sa pag-angkin ng Pilipinas sa West Philippine Sea.

Ayon sa Pangulong Rodrigo Duterte, kapalit nito ang pagkakaroon ng economic activity sa mga pinag-aagawang teritoryo.

Nakahanda anya ang China na bigyan ang Pilipinas ng 60 percent share ang Pilipinas at 40 percent lamang ang sa kanila.

You cannot abandon the – nandiyan ‘yan, pero how to claim back that property because of the arbitral ruling. Sabi ng China that is ours, meaning to say, the only way to retake is to declare war, go there and and sink all their ship. Ang China, set aside the arbitral ruling, set aside your claim, then allow everybody connected with the Chinese companies – they want to explore,” ani Duterte.

Iginiit ng pangulo na tila pagmamay-ari na ng China ang mga inaangking teritoryo ng Pilipinas sa South China Sea.

Dahil na rin anya ito sa pag-abandona o pag-atras noon ni dating Foreign Affairs secretary Albert Del Rosario nang magkaroon ng girian sa China.

Ano pa ang gusto mo Del Rosario? Ikaw ang pinakagagong nakita kong Pilipino – o kung Pilipino ka, kasi, (…) sumali siya sa usapan na mag-atras ang Pilipinas, mag-atras ang China. Umatras siya, umabante ang ano [China], kaya nag-file ng kaso,” ani Duterte.

It is no longer in our possession,” ani Duterte.

Kinuwestiyon ni Senate Minority Leader Franklin Drilon kung bakit hindi dumaan sa Management Screening and Evaluation Committee (MSEC) si dating Calauan Mayor Antonio Sanchez.

Ayon ay Drilon, mandatory sa ilalim ng batas na maisalang sa MSEC ang mga nag-aapply para mabawasan ang haba ng sentensya at maagang makalaya sa pamamagian ng Good Conduct Time Allowance (GCTA).

In none of the minutes of the MSEC meetings which minutes are required by law to be done, in none of them is the case of [former] mayor Antonio Sanchez taken up, whether he is qualified or not, and therefore, the conclusion was the case of Mr. Sanchez did not pass through the MSEC as required by law because the minutes that is submitted does not indicate at any day or any meeting that [former] mayor Sanchez case was taken up,” ani Drilon.

Depensa naman ni dating BuCor Chief Nicanor Faeldon, marami nang dinadaanan ang mga papeles tulad ng rekomendasyon para sa pagpapalaya kay dating Calauan mayor.

It passes also through the Directorate for Security and Operations before it goes to the deputy director general for Security and Operations, so, when I look at those signatures and they recommended for the release, then, that means, my assumption is all the other requirements from the start of the documentation and validation has been complied,” depensa ni Faeldon.

Nadiin sa ika-apat na pagdinig ng senado ang legal counsel ng Bureau of Corrections (BuCor).

Dahil ito sa pag-amin ni Atty. Frederick Santos na hindi nila sinusunod ang Administrative Order 953 of 2015 sa pagpapalaya ng mga bilanggo sa ilalim ng Good Conduct Time Allowance (GCTA) at mga nagtapos na ang sentensya.

Iginiit ni Santos na wala nang bisa ang A.O. 952 nang ipatupad ang BuCor Modernization Act noong May 2018.

Sa ilalim ng A.O. 953, sinasabi doon na kailangang may basbas ng Justice secretary kapag may palalayain sa ilalim ng GCTA, kailangang magpadala ng listahan sa Department of Justice (DOJ), isang buwan bago ang petsa ng pagpapalaya at hindi sakop ng GCTA ang mga sentensyado ng reclusion perpetua at nakagawa ng heinous crimes.

Kapwa naman aminado sina dating BuCor Chief Nicanor Faeldon at Justice secretary Menardo Guevarra na blangko sila sa Administrative Order 953.

Faeldon: I am unaware of Justice Dept Order 953 prior to this Senate inquiry. pic.twitter.com/mFDf34jQQp

— DWIZ Newscenter (@dwiz882) September 9, 2019

Inamin din ni DOJ secretary Menardo Guevarra na wala siyang alam kaugnay sa DOJ Order 953. pic.twitter.com/XF9IxT5SOy

— DWIZ Newscenter (@dwiz882) September 9, 2019

Kumpirmadong African Swine Flu (ASF) ang kumapit sa mga alagang baboy sa Rizal at Guiginto, Bulacan.

Ayon kay Agriculture Secretary Willliam Dar, 16 sa 20 blood samples na ipinasuri nila sa United Kingdom ang nagpositibo sa ASF.

Ang mga naapektuhan anyang lugar ay ang ilang pig farms sa Rizal at sa Guiguinto, Bulacan.

Sinabi ni Dar na ilan sa tinitignan nilang posibilidad kung paano nakapasok sa bansa ang ASF ay ang mga dumi o basura ng mga hotels at restaurants at mga Overseas Filipino Workers (OFWs) na maaaring nakapag-uwi ng produktong gawa sa karne ng baboy mula sa mga bansang apektado ng sakit.