HOT STORIES OF THE WEEK

Aminado si Presidential Spokesperson Salvador Panelo na matindi ang problema sa trapiko sa Metro Manila.

Kasunod ito ng naranasang mahigit tatlo’t kalahating oras (3 hours, 30 minutes) na biyahe mula Marikina patungo ng kanyang tanggapan sa Malakanyang sakay ng pampublikong sasakyan.

PANOORIN: Panelo, nakarating sa Malacañang dakong 8:46 a.m. matapos nitong umalis sa kanilang bahay ng 5:15 a.m.; huling sinakyan nito ang isang motorsiklo papasok sa Palasyo | via @joelynharp
: Malacañang Press Corps pic.twitter.com/oZUz4VBAdf

— DWIZ Newscenter (@dwiz882) October 11, 2019

Gayunman, binigyang diin ni Panelo na ginagawa ng mga kinauukulang ahensiya ng pamahalaan ang lahat para maresolba ang problema sa trapiko.

Apat na pampasaherong jeep ang sinakyan ni Panelo hanggang Mendiola sa Maynila saka sumakay sa isang motorsiklo na tila nakaabang na sa kanya papasok ng Malakanyang. — ulat ni Jopel Pelenio (Patrol 17)

Tinotoo ni Presidential Spokesman Salvador Panelo ang kaniyang pagkasa sa hamon ng militanteng grupo na mag-commute para maranasan ang umano’y problema sa trapiko.

Tiniyak naman ni Panelo na siya lamang mag-isang nag-commute.

Wala, walang media, walang bodyguard, nothing. Pati nga anak ko hindi alam kung saan ako pupunta, pati si Doctora Panelo tinatanong,” ani panelo.

Kasabay nito, nilinaw ni Panelo ang kaniyang punto sa pagsasabing walang nangyayaring transport crisis.

Paliwanag ng tagapagsalita, hindi siya sang-ayon sa salitang “transport crisis” dahil ang ibig sabihin nito aniya ay paralisado na ang transportasyon na hindi naman umano nangyayari ngayon.

Sa halip aniya ang tunay na krisis ay ang nararanasang paghihirap araw-araw ng mga commuter.

Ang crisis na totoo, ‘yung paghihirap ng ordinaryong motorista, ng commuter – ‘yun ang tunay na crisis, pero ‘yung sistema mismo, walang crisis do’n, kasi nakakasakay pa tayo, ‘yun ang punto ko,” ani Panelo. — sa panayam ng Balitang Todong Lakas

Tuloy ang nakatakdang pagcommute bukas ni Presidential Spokesperson Atty. Salvador Panelo matapos itong hamunin ng ilang grupo.

Ito’y kasunod ng naging pahayag nito na walang ‘mass transport crisis’ sa Metro Manila sa kabila ng aberyang nangyari sa LRT-2.

Basta gawin na lang natin para matapos na,” ani Panelo.

Ayon kay Panelo, gagawin nya ito nang walang media coverage upang maiwasan ang anumang isyu na isa na naman itong uri ng ‘media mileage’ o palabas lamang.

Hindi aniya iaanunsyo kung anong oras at kung saan sya magsisimulang magcommute patungo sa Palasyo ng Malakanyang.

Gagawin aniya ito upang masigurong mararanasan nya rin ang paghihirap ng riding public dahil sa tindi ng trapiko at pagkaantala ng operasyon ng LRT-2.

Pahayag ni Panelo, sasakay rin sya ng mga pampublikong sasakyan nang walang kasamang security o ‘chaperon’.

Nakita niyo na ba akong may security ever since I assumed office in the government? None,” ani Panelo.

Dagdag pa ni Panelo, huli siyang nagcommute, dalawang buwan na ang nakalilipas.

Umabot na sa 12,000 baboy ang nagpositibo sa African Swine Fever o ASF virus sa bansa.

Ayon sa Department of Agriculture, ang mga apektadong baboy ay matatagpuan sa mahigit 20 barangay sa Rizal, Bulacan, Pampanga at Quezon City.

Ayon kay ASF Task Force Head Dr. Reildrin Morales, one – third ito sa kabuuang bilang ng mga baboy na matatagpuan sa ground zero o one kilometer quarantine zones batay sa 1-7-10 protocol.

Kaugnay nito, patuloy ang panawagan ng agriculture department na maging biligante at makipagtuluangan sa pamahalaan upang makontrol at mapigilan sa pagkalat ang ASF.

Inamin ng Light Rail Transit Authority o LRTA na wala itong disaster recovery plan kasunod ng nangyaring pagkasunog ng power rectifiers ng LRT – 2.

Sa naging meeting ng House Committee on Transportation, inamin ni LRT Line 1 and 2 Engineering Department Manager Federico Canar na wala silang disaster recovery playbook na maaring maging gabay nila sa mga emergency scenario.

Sinabi naman ni Muntinlupa Rep. Ruffy Biazon na nakalulungkot na wala nito ang LRT 2 lalo’t maraming emergency ang maaring mangyari ito man ay manmade o natural cause.

Sa kabila nito, sinabi naman ni LRTA Spokesman Hernando Cabrera na mayroon silang risk management plan sakaling magkaroon ng terrorist attack, derailment, train collission at iba pa.

Nanganganib na maubos ang mga nurses sa bansa bunga ng napakaliit na pasahod sa mga ito.

Ayon kay Lea Paquiz ng ‘Ang Nars’ party-list, 2002 pa isinabatas ang Philippine Nursing Act subalit hindi pa ito ipinatutupad hanggang sa ngayon.

Nakasaad anya sa batas na hindi dapat bababa sa Salary Grade 15 ang pasahod sa mga nurses.

Gayunman, hindi anya ito naipatupad dahil sa executive order ng noo’y pangulong Gloria Arroyo at Salary Standardization Law na nagtatakda ng Salary Grade 11 para sa mga nurses.

Sinabi ni Paquiz na hindi sila interesado sa ngayon sa mga nagsusulong ng salary increase para sa mga nurses dahil mas nais nilang desisyunan ng Korte Suprema ang hindi pagpapatupad ng Philippine Nursing Act of 2002.

Meron po tayong memorandum na sinubmit, iniintay natin ngayon ‘yung kanilang desisyon, dahil na-devolution tayo sa DOH, ang mga nandoon mga job order, ngayon ang inilalaban natin na maging permanent,” ani Paquiz. — sa panayam ng Ratsada Balita

Muli na namang natalo ang pamahalaan sa isa sa mga ill-gotten wealth cases nito laban sa yumaong dating pangulong Ferdinand Marcos at asawang si Ginang Imelda Marcos.

Ang kaso ay may kaugnayan sa 11 real estate properties na nasa bansa, Hawaii at Rome, shares of stocks sa 19 na kumpanya, cash on hand at sa bangko, mga alahas, loans, mga sasakyan at tatlong Cessna aircraft kung saan nagsilbi di umano’ng dummy ng mag-asawa si Bienvenido Tantoco Sr.

Ibinasura ng Sandiganbayan ang kaso dahil sa sumusunod na dahilan:

• Apat lamang ang naiprisintang testigo ng prosecutors matapos pigilan na ng anti-graft court ang presentasyon ng dagdag na testigo dahil hindi nagpapakita sa hearing ang abogado ng pamahalaan.
• Ilang ebidensya ang hindi tinanggap ng Sandiganbayan dahil nabigo ang prosecutors na iprisinta ang mga ito sa discovery proceedings at pagbasura ng anti-graft court sa mga photocopies na dokumento.

Ito na ang ikalawang ill-gotten wealth case laban sa mga Marcos na naibasura ng Sandiganbayan sa loob lamang ng nagdaang dalawang buwan.

Itinanggi ng Department of Transportation (DOTR) ang aksusasyon ng isang militanteng grupo na dumaranas ng mass transport crisis ang bansa.

Ito ay matapos ipahayag ni Bayan o Bagong Alyansang Makabayan secretary general Renato Reyes Jr. na nasa gitna ng mass transport crisis ang Pilipinas dahil sa pagkasira ng tatlong Mass Rail Transit system noong nakaraang Linggo.

Ayon kay Transportation assistant secretary Goddes Libiran, hindi tama na sabihing may mass transport crisis dahil nagkaroon na ng umanoy “significant improvement” ang sinasabi ni Reyes na mga riles.

Paliwanag pa nito, dumadami na ang mga rail lines sa bansa at nakikita at nasosolusyunan na ang problema sa mga ito.

Matatandaang nasunog ang rectifier ng LRT 2 noong nakaraang Linggo na nagdulot ng suspensyon ng operasyon ng naturang railway system.

Iginiit ni PNP Chief General Oscar Albayalde na walang kahit isang pirasong ebidensya laban sa kanya ang naiprisinta.

Kaugnay ito sa alegasyong nagsilbi syang protektor ng mga tinaguriang ‘ninja cops’ noong direktor pa sya ng Pampanga PNP noong 2013.

Iginiit ni Albayalde na nakahanda syang humarap sa kahit anong klase ng imbestigasyon upang linisin ang kanyang pangalan.

I’m thankful to President Rodrigo Roa Duterte and DILG secretary Eduardo Año for allowing me the opportunity to be heard in a proper probe body. You know, it’s really very easy to accuse a person and to say anything without any proof, napakadali po niyan. I hope the Filipino people sees this,” ani Albayalde.

Binigyang diin ni Albayalde na handa na syang magmove on matapos na tiyakin ng Pangulong Rodrigo Duterte na nananatili ang tiwala nito sa kanya.

Handang-handa na rin anya sa nakatakda nyang pagreretiro sa Nobyembre at ilipat sa sinumang mapipili ng pangulo ang pamamahala sa Pambansang Pulisya.

30 days ahed of my compulsory retirement on November 8, I am ready to relieve my post to whoever will be appointed by the President [Duterte],” ani Albayalde. — ulat ni Jaymark Dagala (Patrol 9)