HOT STORIES OF THE WEEK

Nalalabuan ang Teachers Dignity Coalition (TDC) sa pangako ng Pangulong Rodrigo Duterte na itaas hanggang P35,000 ang sahod ng mga guro.

Ayon kay TDC Chairman Benjo Basas, unang-una, wala naman ito sa ipinasang panukalang General Appropriations Act (GAA) ng Kamara.

Sinabi ni Basas na bagamat nakakatuwa kung bibigyan sila ng P10,000 across the board increase, medyo nangangailangan ng dagdag na paliwanag ang naging pahayag ng pangulo kung paano ito ipatutupad.

Iginiit ni Basas na tulad ng mga uniformed personnel, dapat magkaroon rin ng sariling salary scheme para sa guro at huwag silang isama sa sakop ng salary standardization law.

Siguro po, maghihintay tayo ng clarification from [presidential] spokesperson Panelo for that matter kasi ‘yung P35,000 na binabanggit ay hindi po nagrereflect sa anumang bill na nakasalang ngayon [sa kamara],” ani Basas. — sa panayam ng Ratsada Balita 

Dalawa pa umanong heneral ang kasalukuyang sangkot sa illegal drug trade.

Ibinunyag ito ng Pangulong Rodrigo Duterte sa plenary session ng Valdai Forum sa Sochi, Russia.

Gayunman, hindi naman tinukoy ng pangulo ang pangalan ng dalawang heneral at kung sa militar o pulisya ang kanilang kinabibilangan.

Ang pagbubunyag ng pangulo ay kaalinsabay ng imbestigasyon ng senado sa mga ‘ninja cops’, partikular ang mga dating tauhan ni Philippine National Police (PNP) Chief Oscar Albayalde nang manungkulan itong hepe ng Pampanga PNP.

Nagbago ng tono si Philippine Drug Enforcement Agency Director General Aaron Aquino sa isyu ng pagtawag sa kanya ni Philippine National Police Chief Director General Oscar Albayalde.

Sa muli nyang pagharap sa hearing ng Blue Ribbon at Justice Committees ng Senado, inulit ni Aquino na tinawagan sya ni Albayalde noong 2016 at tinanong ang status ng dismissal order laban sa 13 naging tauhan nito na akusadong ‘ninja cops’ noong  provincial director pa sya ng Pampanga.

Gayunman, sa pagkakataong ito, idinagdag ni Aquino na sinabi rin sa kanya ni Albayalde na huwag munang ipatupad ang dismissal order.

I wish to explain that my statement yesterday that General Albayalde called me up to know the status of the case of baloyo and others is the truth,” ani Aquino.

Iginiit ni Aquino na wala syang intensyon na pasamain ang imahe ng Philippine National Police (PNP) kung saan sya nagsilbi ng 36 na taon.

Sinabi ni Aquino na nalilito rin sya kung tama bang isugal nya ang kaligtasan ng buo nyang pamilya.

PNP made me who I am today, knowing the sad reality of recycling of illegal drugs that has made PNP or PDEA looks bad or worst, it means we have to exert all means to cleanse our rank, and put a start to the cycle,”

Iwas thinking of my family who are now put in much deeper danger. Two days ago I received a phone call from a friend who confirmed that some personality are plotting things against my family,”  ani Aquino.

Telling the truth requires no right timing,”

Ito ang naging pahayag ng ngayo’y Baguio City mayor at dating PNP-CIDG chief na si Benjamin Magalong, matapos ang ginawa nitong pagsisiwalat sa mga aniya’y ‘ninja cops’ sa isinagawang pagdinig ng Senado, kahapon.

Nagkaroon lamang aniya siya ng pagkakataon na ma-ungkat ang naging kontrobersiyal na anti-drugs operations sa Pampanga noong Nobyembre ng taong 2013.

Binigyang diin din ni Magalong na hindi scripted ang lahat ng kanyang isiniwalat at nais lamang niyang malaman ng taumbayan ang tunay na pangyayari sa naturang drug raid.

Wala akong intensyon, wala akong plano; balak, na iba kun’di malaman ng taumbayan [kung] ano ba talagang nangyari doon sa Pampanga kung bakit ang mga tao na nandoon, sobra ‘yung entitlement na ibinibigay sa kanila,” ani Magalong.

Alam din aniya niya na isang pakikipagsapalaran ang hakbang na ito hindi lamang sa kanyang buhay kundi sa kaligtasan ng kanyang pamilya, ngunit kailangan niya aniyang gawin kung ano ang nararapat gawin.

I know that I’m risking the safety of the family, and my life, pero we simply have to do what we have to do,” ani Magalong.

Handa rin aniya siyang sumalang kung sakali sa kahit ilan pang lie detector test upang mapatunayan ang kredibilidad ng kanyang mga pahayag.

Ako po ay hangdang-handa, anytime maski na 24/7, pumunta kami sa lie detector test. Maski tatlong lie detector test pa ay pwede akong humarap,” ani Mgalong. — sa panayam ng Ratsada Balita

Dapat magpatawag ng full-blown hearing ang Metropolitan Water and Sewerage System (MWSS) bago aprubahan ang mga petisyon ng water utilities na magtaas ng singil sa tubig.

Mariing binatikos ni dating Bayan Muna party-list Representative Neri Colmenares ang naka-ambang pagtaas ng singil sa tubig ngayong Oktubre dahil inaprubahan ito nang hindi kinukuha ang panig ng consumers.

Ayon kay Colmenares, dapat ilatag ng MWSS sa mga consumers ang datos kung ano ang mga pinagkakautangan ng Manila Water at Maynilad Water Services upang makilatis ang mga ito at mapatunayang karapat-dapat silang magtaas ng singil.

In fact hindi lang palpak ‘yung serbisyo nila the past few months, kundi itong quarter na nakalipas na ito nagtaas sila ng .652, e, tapos ngayong quarter magtataas sila ng .69, at ang dahilan daw ay nagtaas daw ang dolyar, may mga utang daw sila sa labas ng bansa, kung tayo pala ang magbabayad sa utang na ‘yan, dapat ay makilatis natin ‘yan,” ani Colmenares. — sa panayam ng Ratsada Balita

Nagbanta ng isang linggong transport strike ang Alliance of Concerned Transport Organization (ACTO) sakaling ayaw pa rin silang harapin ng pamahalaan para sa isang diyalogo hinggil sa public-utility vehicles (PUV) modernization.

Nanawagan si Efren De Luna, pangulong ACTO, sa tanggapan ng Pangulong Rodrigo Duterte na mamagitan na upang magkaroon sila ng diyalogo sa Department of Transportation (DOTr) at Land Transportation Franchising and Regulatory Board (LTFRB).

Ayon kay De Luna, sanay makabuo sila ng solusyon kung paano magsasalubong ang modernisasyon at kabuhayan ng maliliit na operator at driver ng jeepney.

Malinaw anya sa programa ng DOTr na hindi makakasali sa kanilang programa ang mga katulad nilang maliliit.

Ang problema anya ay ang DOTr at ang LTFRB pa ang nagmamatigas na makipag-usap sa kanila.

Taas noong haharap sa Senado ngayong araw si PNP Chief P/Gen. Oscar Albayalde sa pagpapatuloy ng pagdinig ng Blue Ribbon at Justice Committees hinggil sa isyu ng mga ‘ninja cops’.

Ayon sa PNP chief, naninindigan siyang malinis ang kaniyang konsensya at recycled na ang usaping ipinaparatang laban sa kaniya, isang buwan bago siya tuluyang magretiro sa serbisyo.

Inaasahang dadalo rin sa pagdinig ngayong araw si retired P/BGen. Manuel Gaerlan, ang dating Deputy Regional Director for Operations ng Central Luzon PNP na siyang nag-imbestiga noon kay Albayalde nang siya’y Provincial Director pa ng Pampanga.

We’re prepared kung ‘yun ‘yung tanong with regards to— I think we have, again, sabi ko nga, it will be self-serving kung palaging ako nalang nagsasalita, let the person who really investigated the matter talk. I respect ‘yung sasabihin ni General Gaerlan dahil siya mismo ang nag-imbestiga no’n during the time that he was the deputy regional director for operations during the time,” ani Albaylde.

Handa na ring harapin ni Albayalde si dating Criminal Investigation and Detection Group (CIDG) Chief at ngayo’y Baguio City Mayor Benjamin Magalong na siyang nagdawit umano sa kaniya sa kontrobersiya.

Gayunman, hindi direktang sinagot ni Albayalde kung nagkaroon ba sila ng samaan ng loob ni Magalong matapos ang naunang pagbubunyag nito sa Senado.

On my side, what you see is what you get sa akin, e,” ani Albayalde.

Itinanggi ni Philippine National Police (PNP) Chief, General Oscar Albayalde na binawian nila ng security escorts si Philippine Drug Enforcement Agency (PDEA) Director General Aaron Aquino dahil sa ibinunyag nito na buhay pa ang operasyon ng ‘ninja cops’.

Ang ‘ninja cops’ ay tumutukoy sa mga pulis na nagrerecycle ng mga nakumpiska nilang illegal drugs.

Ayon kay Albayalde, pansamantalang binawi ang security escorts ni Aquino dahil gagamitin ang mga ito sa SEA games.

Labinglima anya ang nakatalaga kay Aquino gayung dalawa lamang ang karaniwang ibinibigay na escort sa mga regional directors at director generals.

Sinabi ni Albayalde na nagbigay rin sya ng instructions na bigyan ng apat na pansamantalang security detail si Aquino.

Tila sumama ang loob ni Director General Aaron Aquino ng Philippine Drug Enforcement Agency (PDEA) sa pagbawi ng Philippine National Police (PNP) sa kanyang security detail.

Sa isang statement, sinabi ni Aquino na nagtataka sya kung bakit hindi na pinabalik sa kanya ang kanyang security detail gayung ang mga nakatalaga sa ibang opisyal ay pinabalik rin agad matapos mag report sa PNP.

Samantala, binigyan na ng ibang assignment ang kanyang security detail sa kabila ng kanyang apela sa regional director ng Police Regional Office (PRO)-3 dahil sa banta sa kanyang buhay at sa kanyang pamilya.

Ayon kay Aquino, nagbigay na ng verbal instruction ang Pangulong Rodrigo Duterte kay Senador Bong Go na ibalik ang kanyang security detail matapos ang kanilang pulong noong September 25.

Dahil sa verbal instruction ng pangulo, sinabi ni Aquino na hiniling nya sa kanyang mga security detail na magreport na sa kanya.

Gayunman, ang kanyang kahilingan sa PRO-3 ay ibinigay sa Police Security and Protection Group (PSPG) at naforward naman sa tanggapan ni PNP chief General Oscar Albayalde.

Aarangkada na ang ikinasang malawakang tigil pasada ng iba’t ibang grupo ng mga tsuper at operators ng jeepney ngayong araw.

Ito ay upang iprotesta ang nakaambang jeepney phaseout sa ilalim ng public utility vehicle o puv modernization program na ipatutupad ng pamahalaan.

Ayon kay acto o alliance of concerned transport organizations president efren de luna, meron silang programa sa quezon city memorial circle sa tapat ng cityhall kasabay ng pagsisimula ng nationwide transport strike mamayang 5:00 a.m. ng umaga.

Sinabi ni De Luna, inaasahang mapaparalisa ng ACTO at iba pang mga transport group ang nasa 90 hanggang 95% ng mga jeep sa buong bansa.

Muli namang iginiit ni De luna na hindi nila tinutulan ang  modernisasyon kung magkakaroon lamang ng makatwirang patakaran hinggil dito lalu na sa usapin ng pagtatayo ng kooperatiba at pag-phase out sa mga jeep.

Kanila rin aniyang ikinasasama ng loob ang plano ng Department of Transportation at LTFRB na ipa-surrender ang kani-kanilang mga prangkisa nang walang katiyakan kung mapapalitan o maibabalik ito