HOT STORIES OF THE WEEK

Libreng ipamimigay ang ticket sa ilang mga sporting events sa 30th Southeast Asian (SEA) Games.

Ayon kay Philippine Southeast Asian Games Organizing Committee (PHISGOC) Chairman at House Speaker Alan Peter Cayetano, napagpasiyahn ng organizing committee na gawin nang libre ang panonood sa ilang mga larong hindi pa sold out ang ticket.

Alinsunod na rin aniya ito sa kagustuhan ni Pangulong Rodrigo Duterte.

Gayunman sinabi ni Cayetano, hindi na saklaw ng maipamimigay na libreng ticket ang basketball, football at volleyball dahil sold out na ang mga ito.

Yung sa closing ceremony, more or less than 10,000 tickets will be given out for free so, this will be in the ticketing pa din, will announced saan-saan meron yun, ba’t yung sa games sold out yung basketball, volleyball atsaka kapag Philippines ang lumaban sa football. So, what we will do is yung mga LGU’s na malapit sa venues or may sakop sa venues tinatawagan namin ngayon yung Mayor’s if pwede silang mag-assign ng tao at doon kunin ang ticket sa kanila, if you’re in the area ‘wag mo asahan na basta ka papasukin but sometimes they have a couple of tickets there,” ani Cayetano.

Samantala sinabi naman ni PHISGOC Chief Operating Officer Ramon Suzara, hindi na nila maire-refund pa ang mga nakabili na ng ticket pero bibigyan na lamang ang mga ito ng treats at ilalagay sa magandang puwesto.

To support other sports that are not popular in the SEA Games and not known to the Pilipino’s so, that’s the intention and we’re very happy, we’re very glad that the President gave the instruction for the Pilipino people and maybe not only Pilipino all the residents of the Philippines to watch the games for free. There is no refund we’ll put them in the best location because they bought the tickets, I cannot blame them because they bought the tickets earlier online. So, we’ll give them  some free ice cream or free donuts as a premium,” ani Suzara.

Umapela sa media ang Philippine Southeast Asian Games Organizing Committee (PHISGOC) na i-cover rin ang mga magagandang venue na gagamitin sa SEA Games.

Tinukoy ni PHISGOC chief operating officer (COO) Ramon Suzara ang Clark New City na anya’y ‘world class’ at ang Biñan stadium.

Matatandaan na naging laman ng mga balita ang mga bahagi ng Rizal Memorial Sports Complex na hindi pa natatapos ayusin nang magdatingan na ang ilang dayuhang atleta.

Iginiit rin ni Suzara na normal lamang na nangyayari ang mga aberya tulad ng pagkabalam ng transportasyon na susundo sa mga atleta sa airport.

Lusot na sa ikatlo at huling pagbasa sa Senado ang panukalang 4.1 trillion pesos national budget para sa susunod na taon.

Bumoto ang 22 senador ng yes samantalang wala namang bumoto ng no at wala ring nag abstain.

Hindi naman nakaboto sina Senador Leila De Lima na naka detain at wala naman sa pagdinig si Fighting Senator Manny Pacquiao.

Matapos makalusot sa ikalawang pagbasa o period of amendments, agad na itong isinalang sa third and final reading.

Naka certified urgent na ang pambansang budget kaya’t hindi na inobserbahan ang three day rule.

Matapos makapasa sa Senado ay isasalang na ang 2020 national budget sa Bicameral Conference Committee meeting ng Kongreso — ulat mula kay Cely Ortega- Bueno (Patrol 19)

Paiimbestigahan ng Pangulong Rodrigo Duterte ang mga reklamo sa Southeast Asian (SEA) games kabilang ang alegasyon ng kapabayaan at katiwalian.

He will order an investigation on allegations of incompetence and corruption,” ani Presidential spokesperson Salvador Panelo.

Ayon kay Presidential Spokesman Salvador Panelo,  nais agad pasimulan ng pangulo ang imbestigasyon kahit hindi pa tapos ang SEA games.

Nilinaw rin ni Panelo na hindi naman galit kundi dismayado lamang ang pangulo.

Matatandaan na nuong Lunes, Nobyembre 25, sinabi ni Panelo na walang plano ang pangulo na pa imbistigahan ang mga kapalpakan sa SEA games dahil humingi na ng paumanhin ang Philippine Southeast Asian Games Organizing Committee (PHISGOC) sa mga naantalang transportasyon at accomodation para sa mga atleta.

Hindi nagpatinag si Vice President Leni Robredo sa kabila ng pagkakasibak sa kanya ni Pangulong Rodrgio Duterte bilkang co-chair ng Inter-Agency Committee on Anti-Illegal Drugs (ICAD).

Sa pulong-balitaan ng pangalawang pangulo ngayong araw ng Lunes, ika-25 ng Nobyembre, binigyang diin nito na bagaman tinanggalan na siya ng posisyon sa ICAD ay mananatli ang kanyang determinasyon upang matigil ang patayan at maipanalo ang kampanya kontra ilegal na droga.

Makakaasa kayo kahit tinanggalan ako ng posisyon, hinding-hindi nila kayang tanggalin ang aking determinasyon —determinasyong itigil ang patayan, panagutin ang kailangang managot, at ipanalo ang kampanya laban sa ilegal na droga,”

Kinuwestiyon din Robredo kung ano ang kinatatakutan ng administrasyon na malaman niya maging ng taongbayan hinggil sa war on drugs.

Ngayon ang tanong ko —ano ba’ng kinatatakutan ninyo? Ano ba ang kinatatakutan ninyong malaman ko? Ano ba ang kinatatakutan ninyong malaman ng taong bayan?”

Iginiit din nito na ang droga at mga druglords ang kalaban ng gobyerno at hindi ang pangalawang pangulo.

Alalahanin natin na ang droga at mga druglord ang kalaban, hindi ako, at lalong hindi ang taongbayan,”

Sinabi rin ni Robredo na sa mga susunod na araw ay isisiwalat ni Robredo ang kanyang mga nalaman at mga nakalap na impormasyon sa ICAD.

Sa mga susunod na araw, magbibigay ako ng ulat sa bayan; sasabihin ko ang aking natuklasan at ang aking mga rekomendasyon,”

Magugunitang noong nakaraang Nobyembre 6 lamang nang tanggapin ni Robredo ang tila hamon ni Pangulong Duterte sa kanya na maging co-chair ng ICAD.

Samantala, dahil sa pagkakasibak nito kahapon, Nobyembre 24, ay 19-araw lamang siyang nanungkulan bilang co-chair ng ICAD.

Kinumpirma ng Philippine Airlines (PAL) na napilitang bumalik o nagkaroon ng emergency landing ang isa sa kanilang eroplano na patungo sanang Maynila mula Los Angeles International Airport (LAX).

BASAHIN: Opisyal na pahayag ng Philippine Airlines kaugnay sa isa nilang aircraft na patungo sana ng Maynila ngunit napilitang bumalik sa Los Angeles Airport matapos magkaroon ng technical problem | via @raoulesperas pic.twitter.com/AFz73xyz86

— DWIZ Newscenter (@dwiz882) November 21, 2019

Umalis ang Boeing CO 777 ng PAL sa LAX dakong alas-11:12 ng umaga ng Huwebes, ika-21 ng Nobyembre, (oras sa Los Angeles).

Ilang minuto lamang matapos nitong mag-take off ay nagdeklara ng ‘emergency’ ang mga piloto ng Flight PR113 dahil sa posibleng engine failure ng naturang eroplano.

Ayon sa PAL, nasa kabuuang 347 ang bilang ng mga pasahero at 18 crew members ang sakay ng eroplano at ligtas na nakalapag pabalik sa LAX dakong alas-12 ng tanghali (oras sa Los Angeles).

Wala ring naitalang nasugatan o na-injured sa naturang pangyayari.

Agad namang rumesponde ang operations team ng PAL upang asistihan ang mga pasahero at magbigay ng suportang medikal sakaling kailanganin ito.

Samantala, nanindigan naman ang PAL na ang kaligtasan ng kanilang mga pasahero ang kanilang prayoridad at patuloy silang makikipag-ugnayan sa mga kinauukulang paliparan at mga otoridad. — ulat ni Raoul Esperas (Patrol 45)

Hinamon ni Vice President Leni Robredo ang Pangulong Rodrigo Duterte na diretsuhin na lamang s’ya kung gusto nitong bawiin ang pagkakatalaga sa kanya bilang co-chair ng Inter Agency Committee Against Illegal Drugs (ICAD).

Tugon ito ni Robredo sa pahayag ng Pangulo na wala s’yang tiwala sa Bise Presidente kaya’t hindi nya itinuloy ang planong bigyan ulit ito ng posisyon sa kanyang gabinete.

Dapat deretsuhin na lang ako, deretso naman akong kausap kung ayaw niya ako dito in the first place bakit ako inappoint, kung ayaw na n’ya kung nagkamali siya sa pag-appoint sakin at gusto n’yang bawiin sabihin lang. Madali akong kausap, pero habang meron ini-expect sakin na trabaho gagawin ko,” ani Robredo.

Matatandaan na hindi nagustuhan ng Pangulo ang anya’y pakikipag-usap ni Robredo sa mga human rights advocates ng Estados Unidos at United Nations.

Sinabi ng Pangulo na wala s’yang tiwala kay Robredo dahil hindi naman nya ito kilala.

Binigyang diin ng Pangulo na need to know basis lamang ang papel ni Robredo bilang co-chair ng ICAD.

Before you open your mouth kindly think, dito puro imbita ka na ‘I will invite the United Nations’ edi imbitahin mo silang lahat pero sabi ko barahin ka na, ang sa iyo need to know ka lang but as an ICAD you can direct sabi ko, you can give the directions, you can give the guidance but you do not have to go there and waggle inside the law enforcement process. Magsama ka doon sa mga (operations) mabuti, I suggest you go there sa mga pulis, ako I suggest,” ani Duterte.

Ipatutupad na ng Philippine National Police (PNP) ang kautusan ni Pangulong Rodrigo Duterte na ipagbawal na ang paggamit ng vape sa mga pampublikong lugar epektibo mula ngayong araw ng Miyerkules, ika-20 ng Nobyembre nang kasalukuyang taon.

Ayon kay PNP officer-in-charge, Police Lieutenant General Archie Gamboa, kaniya nang ipinag-utos sa lahat ng police units sa buong mundo ang pagpapatupad ng pagbabawal ng paggamit ng vape sa public places.

Tiniyak din nito na aarestuhin ang sinumang lalabag sa naturang kautusan at idi-dispose ng maayos ang lahat ng mga makukumpiskang kasangkapan.

Inatasan na rin aniya ang mga law enforcers na makipag-ugnayan sa mga local government units (LGUs) at mga ahensiya, mga nagbebenta at nagma-may-ari ng vape upang mapa-igting ang naturang ban.

Idineklara rin ng pulisya bilang ‘No Vape Zone’ ang kanilang mga kampo at tanggapan at pinagbawalan na rin maging ang mga pulis na gumamit ng vape sa mga pampublikong lugar.

We assure the public that the PNP remains alert and vigilant to prevent occurrence of crimes in the run-up to the SEA games and Christmas season and ready to respond to any call for assistance,” bahagi ng pahayag ng PNP.

Samantala, magugunitang sa pulong balitaan ng Malakanyang nitong Martes, ipinahayag ni Pangulong Duterte na ipagbabawal na niya ang paggamit ng vape sa mga pampublikong lugar maging ang pag-iimport ito.

Inamin ni Pangulong Rodrigo Duterte na hindi niya pinagkakatiwalaan si Vice President Leni Robredo.

Sa isang late night press conference sa Malacañang, sinabi ng pangulo na hindi niya mapagkatiwalaan si Robredo dahil bukod sa oposisyon ito, hindi rin niya lubos itong kilala.

Ayon pa kay Pangulong Duterte, mula ng kaniyang italaga bilang co-chair ng Inter Agency Committee on Anti-Illegal Drugs (ICAD) si Robredo, marami na itong pinagsasasabi.

Dagdag pa ng punong ehekutibo, hindi biro ang mga nais makuhang impormasyon ni Robredo hinggil sa kampanya kontra iligal na droga.

Dapat lamang umanong gawin ni Robredo ang kaniyang trabaho na magbigay ng direktiba sa mga otoridad na nangangasiwa sa iligal na droga.

Magugunitang itinalaga ni Pangulong Duterte si Robredo bilang co-chair ng ICAD dahil sa patuloy na pagbatikos sa kampanya kontra iligal na droga ng administrasyon.

Ang problema kay Robredo, right after she was appointed, she began talking publicly abut inviting the Human Rights Commission, she was talking to United Nations, she want to talk to European Union, at marami na syang pinagsasabi. Kung ganon, I cannot appoint her as a cabinet member. I cannot trust her because I do not know her,” ani Pangulong Rodrigo Duterte.

Tiniyak ni Vice President Leni Robredo sa publiko na walang sensitibong impormasyon ang malalantad hinggil sa kampanya kontra ilegal na droga ng pamahalaan.

Ito’y ayon mismo sa pangalawang pangulo nang tanungin siya hinggil sa babala ni Pangulong Rodrigo Duterte na sisibakin niya ito bilang co-chair ng Inter-agency Committee on Anti-Illegal Drugs (ICAD) kung mayroong malalantad na impormasyong tanging mga otorisadong tao lamang ang dapat na nakaaalam.

Magugunitang hiniling ni Robredo sa Philippine National Police na bigyan siya ng access sa listahan ng mga high-value targets sa ilalim ng kampanya kontral ilegal na droga.

Sinabi naman ni PNP officer-in-charge Lt. Gen. Archie Francisco Gamboa na handa silang tumalima sa kahit anumang desisyon ng Philippine Drug Enforcement Agency (PDEA) kaugnay sa naturang kahilingan ni Robredo.