HOT STORIES OF THE WEEK

Dinagsa ng mga motorista ang ilang mga gasolinahan sa Metro Manila matapos ang muling pagsirit sa presyo ng produktong petrolyo.

Bago pa ipatupad ng ilang kumpaniya ng langis ngayong araw ang taas-presyo, pasado alas-11 kagabi, sumugod ang mga motorista sa mga gasolinahan para magpafull-tank.

Sa pag-iikot ng IZ reporters sa Marikina City, pila-pila ang pampublikong mga sasakyan na nais habulin ang oras bago ipatupad ang panibagong paggalaw sa presyo ng langis.

Ayon sa ilang motorista, malaking bagay para sa kanila ang maagang pagpapakarga upang hindi maabutan ng taas-singil sa presyo ng oil products kung saan, naglaan sila ng P1,000 hanggang P1,500 sa pagpapakarga ng gasolina.

Dahil dito, umaaray ang mga motorista at mga tsuper dahil mas malaki pa umano ang presyo ng langis kaysa sa kanilang kinikita sa pamamasada.

Epektibo na ngayong araw ang taas-singil sa presyo ng produktong petrolyo.

Sa anunsiyo ng kumpaniyang Pilipinas Shell, Seaoil at Cleanfuel, papalo sa .80 centavos ang presyo sa kada litro ng gasolina.

Maglalaro naman sa P3.10 centavos ang presyo sa kada litro ng diesel habang P1.70 centavos naman sa kada litro ng kerosene.

Samantala, magpapatupad naman mamayang alas-8 ng umaga ng kaparehong presyo ang Cleanfuel maliban lang sa kerosene na wala sila.

Sa datos ng Department of Energy (DOE) nito lamang Hunyo a-14, ang year-to-date adjustments stand sa kada litro ng gasolina ay pumalo na sa P28.70 centavos; P41.15 centavos sa kada litro ng diesel; habang  P4.85 centavos naman sa kada litro ng kerosene.

Iginiit ni DOE Oil Industry Management Bureau Dir. Rino Abad, na ang pagkakaroon ng lockdown sa China at pagbabawal ng European Union sa pag-import ng Russia sa langis ang dahilan ng pagtaas ng mga presyo nito sa International market.

Nilinaw ng Metropolitan Manila Development Authority (MMDA) na ang clearing operations na kanilang ginagawa ay para sa buong kamaynilaan.

Sa panayam ng DWIZ sinabi ni MMDA chairperson Atty. Romando Artes na tanging ang tinututukan muna sa ngayon ang Mabuhay Lanes at mga alternatibong ruta para maiwasan ang mabigat na daloy ng trapiko sa EDSA.

Dagdag pa ni Artes, pansamantalang nagsasagawa ng repair operation ang mga tauhan ng MMDA sa Edsa Kamuning dahilan kaya mabagal ang daloy ng trapiko.

Iginiit ni Artes na sa ngayon, tanging ang mga maliliit na sasakyan at mga bus lamang ang maaaring makadaan sa nasabing lugar habang ang iba naman ay binigyan ng pansamantalang alternatibong ruta.

Ayon kay Artes, sinisilip din ng kanilang ahensya ang mga sasakyan na iligal na nakaparada sa ilang mga kalsada sa Metro Manila kung saan, kanilang hinihintay o nagbibigay muna sila ng limang minuto na makarating ang mga may-ari bago tuluyang i-tow ang mga ito.

Maaaring hulihin ng Metropolitan Manila Development Authority (MMDA) ang mga Electronic bikes o E-bikes na hindi gumagamit ng bike lanes o yung wala mismo sa linyang inilaan para sa mga siklista.

Sa panayam ng DWIZ sinabi ni MMDA chairperson Atty. Romando Artes na mayroong guidelines na inilabas ang Land Transportation Office (LTO) hinggil sa violations at penalties para sa mga mahuhuli.

Ayon kay Artes, naglunsad na rin ng libreng bicycle repair station na bagong programa ng kanilang ahensya sa bahagi ng EDSA para sa mga motorsiklo o bisikleta na magkakaaberya sa gitna ng kanilang biyahe.

Bukod pa dito, magiging libre din ang vulcanizing at pagpapahangin sa mga gulong maging ang labor sa mga motorista.

COMMITTED to ensuring food sufficiency in the country, incoming President Ferdinand R. Marcos Jr. on Monday has decided to take the top agriculture post at least for the time being.

The move is seen as Marcos taking a proactive stance to avert or at least mitigate the possible effects of a looming food crisis caused by various external events and factors.

“As to agriculture, I think the problem is severe enough that I decided to take on the portfolio of Secretary of Agriculture, at least for now, and at least until we can re-organize the Department of Agriculture in a way that can make it ready for the next years to come,” he said.

He noted that due to outside forces that are impacting food supply, as well as other agriculture components like feeds, fertilizers and others, there will be a shortage and an increase in food prices in the next quarters.

He underscored the need to come up with a well-grounded plan of action that would enable the government to do more than merely respond when an emergency occurs.

“In the Philippines, we have been able to adjust to the situation in terms of the importations from Ukraine and Russia. But these emergency measures that we have taken will not be sufficient in the long run. That’s why we have to plan in a more thorough fashion than just responding. I have asked the DTI, NEDA, and, of course, the DOF and DBM. I have asked them all to start to make forecasts, economic forecasts on what we would have to face for the rest of this year so that we can prepare,” he said.

In assuming the DA post, Marcos explained that aside from sending a clear message that his administration is giving a high priority to agriculture, it would also speed up the development of the sector, which is urgently needed for the country to achieve food sufficiency.

“We are going back to basics and we will rebuild the value-chain of agriculture. And that is why I think it’s important that the President take that portfolio so that, not only will we make it clear to everyone, what a high priority we put on the agricultural sector, but also as a practical matter so that things will move quickly because the events of the global economy are moving very quickly, ” he said.

“We have to be agile. We have to be able to respond properly in a very measured way as soon as there is a situation that needs to be addressed,” he added.

One of his commitments during the campaign was the development of the country’s agricultural sector to achieve food sufficiency, noting that one of the lessons taught by the Covid19 pandemic was the country’s lack of sufficient food supply when importation is removed as an option.

Mas maraming kaso ng COVID-19 sa bansa ang inaasahang maitatala sa mga susunod na linggo.

Ito ay matapos makita ng Department of Health (DOH) ang muling pagtaas o “peak” ng mga impeksyon.

Ayon kay Health Undersecretary Maria Rosario Vergeire, mahigpit nilang binabantayan ang Metro Manila na nakitaan ng pagsirit ng COVID-19 cases na ngayon ay nasa 70%.

Aniya, dumoble rin ang average number ng mga kaso sa rehiyon kumpara noong nakalipas na linggo habang tumaas din sa 1.02 ang average daily attack rate.

Bukod sa NCR, minomonitor rin ng DOH ang pagtaas ng COVID-19 cases sa Ilocos Region, Cagayan Valley, CALABARZON, MIMAROPA, Western Visayas at Northern Mindanao.

Nilinaw naman ng kagawaran na hindi pa muling nararanasan ng bansa ang COVID-19 surge.

Inimbitahan ni Outgoing Vice President Leni Robredo si Vice President Elect Sara Duterte-Carpio na dumalo sa ikakasang general assembly ng Office of the Vice President (OVP) sa Hunyo 27, 2022.

Ayon kay OVP Spokesperson Atty. Barry Gutierrez, nagpadala na sila ng imbitasyon kay Inday hinggil sa nasabing aktibidad na gaganapin sa headquarters ng OVP sa Quezon City bago bumaba sa puwesto si VP Leni sa Hunyo 30.

Sinabi naman ni Gutierrez na naging maayos ang naging transition sa pagitan ng team ni Robredo at team ni Duterte kung saan, umaasa ang OVP na maipagpapatuloy ng bagong administrasyon ang ibang programa na inilunsad sa pangunguna ni Robredo.

Makararanas pa rin ng maaliwalas na panahon ang malaking bahagi ng Luzon pero may tiyansa ng mga pag-ulan, pagkulog at pagkidlat o mga thunderstorm sa hapon hanggang sa gabi.

Asahan pa rin na magiging maaliwalas ang panahon sa umaga ang bahagi ng Visayas at Mindanao pero malaki parin ang tiyansa ng mga thunderstorms sa hapon hanggang sa gabi.

Wala namang nakataas na gale warning ang PAGASA kaya’t malayang makakapalaot ang mga kababayan nating mangingisda at maliliit na sasakyang pandagat.

Agwat ng temperatura sa Metro Manila ay maglalaro sa 25°C hanggang 33°C habang sumikat ang haring araw 5:28 ng umaga at lulubog naman ito mamayang 6:27 ng hapon.