HOT STORIES OF THE WEEK

Winasak ng malakas na lindol ang ilang mga lumang bahay, simbahan, at mga sasakyan sa Vigan kasunod ng magnitude 7 na lindol sa Abra.

Nagbagsakan ang mga pader ng mga simbahaan, mga old house sa Calle Reyes at Calle Crisologo habang nayupi naman ang mga sasakyan sa nabanggit na lugar.

Ayon kay Pol. Lt. Col. Franklin Ortiz, OIC ng Vigan City Police, patuloy na nagsasagawa ng mobile patrolling ang kanilang mga tauhan habang nakikipag ugnayan narin sila sa mga barangay para alamin ang bilang ng mga naapektuhan ng lindol.

Samantala, naglabas narin ng road advisory ang DPWH Ilocos Sur 2^nd district Engineering Office kaugnay sa mga kalsadang hindi madaanan matapos masira at magbagsakan ang mga bato mula sa mga gusali.

Kabilang sa mga kalsadang apektado ang Tiagan, San Emilio Road; Tagudin-Cervantes Road; Sitio Lipay, Barangay Urzadan, Suyo; at Barangay Cabugao, Suyo.

Hindi din madadaanan ang Barangay Man-Atong, Suyo at Barangay Cayos, Quirino.

Ipinag-utos ni Baguio City Mayor Benjamin Magalong ang suspensyon ng trabaho at klase sa lahat ng pribado at pampublikong sektor matapos ang magnitude 7 na lindol sa Abra, na naramdaman din sa siyudad.

Ayon sa alkalde, wala pa silang natatanggap na ulat na  serious damage o nasugatan maliban sa isang estudyante na nag-panic at tumalon sa Saint Louis University.

Nakikipag-ugnayan na rin aniya sila sa mga opisyal ng barangay kaugnay sa mga untoward incident.

Hinimok naman ni Magalong ang mga residente na hintayin ang iba pang announcements at tiniyak nito na naka-monitor ang pamahalaan sa sitwasyon.

Isang magnitude 7.3 na lindol ang tumama sa bayan ng Lagangilang, Abra kaninang 8:43 ng umaga.

Naramdaman din ang pagyanig sa ilang bahagi ng Luzon ngunit sa ngayon ay natukoy pa lamang ang Intensity IV sa Quezon City.

Ayon sa PHIVOLCS, tectonic ang origin ng lindol at may lalim na 25 kilometro.

Sinabi pa ng PHIVOLCS na inaasahan ang aftershocks at pinsala matapos ang naganap na pagyanig.

Posible pang makapaglatag ng remedyo kahit isa nang ganap na batas ang Vape Law.

Inihayag ni dating Health Secretary Francisco Duque, III na isang malaking banta sa kalusugan, lalo sa kabataan ang nasabing batas kaya’t kailangan itong kilatasing maigi.

Ayon kay Duque, wala namang kapangyarihan ang DTI na mag-regulate ng mga produktong may health issues kaya’t dapat ang FDA ang manguna sa pag-regulate ng vape.

Inihayag naman ni Philippine College of Physicians (PCP) President, Dra.Maricar Limpin na nagkaroon ng paglabag sa mandato ng FDA.

Kinuwestyon din ni Limpin ang probisyon ng Vape Law na nagbaba sa edad ng mga maaaring bumili ng mga nasabing produkto.

Pinagtibay na ng Sandiganbayan 4th Division ang pagbasura sa 200 billion peso civil case kaugnay sa assets at properties ng pamilya Marcos, na karamiha’y narekober ng gobyerno sa mga nakalipas na taon.

Sa 12 pahinang July 22 Resolution, ibinasura ng Anti-Graft Court ang Motion for Reconsideration ng Presidential Commission on Good Government para  baligtarin ang December 16, 2019 ruling na nag-dismiss naman sa kanilang hirit na reversion, reconveyance, restitution at accounting ng umano’y 200 billion peso ill-gotten wealth ng mga Marcos.

Ang naturang resolusyon ay pinonente ni 4^th Division Chairman Alex Quiroz na sinang-ayunan nina Associate Justices Maria Theresa Mendoza-Arcega at Maryann Corpus-Mañalac.

Bago ang December 16, 2019 ruling, ipinag-utos na ng Sandiganbayan sa p.c.g.g. na magsumite ng report sa status ng properties na sinusubukang marekober sa mga nasasakdal.

Ipinunto ng korte na ang pagbasura sa buong complaint alinsunod sa best evidence rule ay hindi “warranted” lalo’t karamihan sa mga ari-arian ay matagal nang narekober ng pamahalaan.

Kabilang sa mga narekober ay shares of stock sa ilalim ng IRC Group of Companies na ibinigay sa gobyerno sa pamamagitan ng compromise agreement kay Jose Campos noong 1994;

526 pieces ng sequestered art collections na nasa kustodiya na ng Bangko Sentral ng Pilipinas at 111,415 shares ng PLDT sa PTIC na idinispose noong 2006 sa pamamagitan ng public bidding pabor sa Metro Pacific Assets Holdings sa halagang 25.2 billion pesos.

Tutupadin ng Department of Budget and Management (DBM) na magiging masinop ang kanilang ahensya sa paglalabas o paggastos sa pondo ng bansa.

Ayon kay DBM secretary Amenah Pangandaman, suportado ng kanilang ahensya ang nais ng Pangulo na makamit ang masigla at maunlad na ekonomiya.

Sinabi ni Pangandaman, na mamadaliin ng kanilang ahensya ang implementasyon hinggil sa economic gains at maisulong ang economic trajectory para maresolba ang malalang epekto ng pandemiya.

Tiniyak din ng Kalihim na mas magiging matipid ang bansa kung saan, ipaprayoridad ang sapat na pagkain, imprastraktura at climate change goals.

Kumpiyansa naman si Pangandaman, na kayang makamit ng bansa ang matatag at maunlad na ekonomiya sa ilalim ng liderato ni Pangulong Bongbong Marcos.

Ganap nang batas ang “Vape Bill” o ang panukalang  nag-reregulate sa paggamit ng vape sa bansa.

Ito ay makaraang mag-lapsed into law kahapon, July 25 matapos hindi malagdaan makalipas ng 30 araw mula ng maipadala ito sa Malakanyang.

Kinumpirma ito ni Press Secretary Trixie Cruz-Angeles na naipadala na ni Atty. Vic Rodriguez sa Senado at Kamara ang kopya ng batas na nagre-regulate sa importasyon, manufacturing, pagbebenta, packaging, distribution at paggamit ng vaporal nicotine at non-nicotine products.

Sa ilalim ng batas, binibigyan ng kapangyarihan ang Department of Trade and Industry (DTI) na magtakda ng technical standards para sa ligtas, consistency at kalidad ng vape products.

Nakasaad pa sa batas na nasa 18 taong gulang pataas ang papayagan na gumamit o bumili ng nasabing produkto.

Pinapurihan ng mga agricultural group ang commitment ni Pangulong Bongbong Marcos na i-modernize ang sektor ng agrikultura at suportahan ang mga magsasaka sa pamamagitan ng subsidiya.

Sa kanyang unang State of the Nation Address kahapon, tiniyak ni Pangulong Marcos na ipa-prayoridad ng gobyerno ang procurement ng farm inputs para sa mga magsasaka sa murang halaga.

Kabilang sa mga farm inputs ang fertilizers, pesticides, binhi, feeds at krudo, na mahalaga sa pagiging produktibo ng agricultural sector.

Ayon kay Samahang Industriya ng Agrikultura executive director Jayson Cainglet, binigyang-diin ng Pangulo ang problema sa mataas na presyo ng pagkain dahil sa mas mahal na produksyon.

Ang pinaka-malaki anyang hamon para sa bansa ay mas mataas na local production.

Kuntento naman si Philippine Chamber of Agriculture and Food Incorporated President Danilo Fausto sa mga inilatag ni Pangulong Marcos, pero kanilang aabangan ang implementasyon ng mga ipinangako nito sa SONA.

Gayunman, hindi tinalakay ng Punong Ehekutibo ang rice tariffication law bilang bahagi ng kanyang legislative agenda bagay na inasahan ng stakeholders at iba pang grupo sa sektor ng agrikultura.

Isa-isang inilatag ni Pangulong Bongbong Marcos Jr. ang kanyang mga plano para sa pagbangon ng ekonomiya ng bansa sa kanyang kauna-unahang State of the Nation Address.

Sa mahigit isang oras na talumpati ni Pangulo Marcos, pangunahing isinulong nito ang pagsasaayos ng sistema ng buwis.

Para anya makatulong sa ekonomiya, sisingilin na ng pamahalaan ng value added tax ang mga digital service provider.

Ayon sa Punong Ehekutibo, dapat ibatay ang tax system ng gobyerno sa mabilis na pagbabago sa digital economy.

Gagawin na ring simple ang paraan ng pangongolekta ng buwis upang mas maging madali ang pagbabayad.