“Tatlo lamang sa bawat sampung paaralan sa bansa ang may nakatalagang security guard.”
Ayon kay Education Undersecretary for Governance and Operations Malcolm Garma, 31.7% o 15,328 na eskwelahan lamang ang may mga guwardya, na pinopondohan sa pamamagitan ng DepEd, local government units, at parent-teacher associations.
Nilinaw din ng kagawaran na apat lamang sa bawat sampung paaralan ang may CCTV, at karamihan ay may mas mababa pa sa sampung kamera.
Inihayag ni Usec. Garma na sa insidente ng pamamaril sa Tacloban City, dalawang security guard lamang ang nasa gate at walang nagroronda sa loob ng paaralan.
Sa pagdinig sa Senado, iginiit ni Senate Committee on Basic Education Chairman Bam Aquino ang pangangailangan ng mas mahigpit na seguridad sa mga paaralan, kabilang ang mas epektibong campus surveillance.
