Nakahanda ang Senado na tanggapin si Vice President Sara Duterte sakaling dumalo siya sa mga pagdinig ng kanyang impeachment trial.
Ayon kay Impeachment Court Spokesman Atty. Regie Tongol, naghanda ang Office of the Senate Secretary ng isang holding room bilang paggalang sa posisyon ng Bise Presidente.
Mananatili anyang handa ang naturang kwarto sa bawat araw ng pagdinig dahil inaasahang maaari niyang gamitin ang kanyang karapatang humarap sa Impeachment Court.
Binigyang-diin ni Impeachment Court Spokesman Tongol na nasa pagpapasya ng Bise Presidente kung dadalo siya sa mga susunod na pagdinig.
Matatandaang bumisita si Vice President Duterte sa Senado noong Martes, Hulyo a-siyete, bago magsimula ang ikalawang araw ng paglilitis at nakipagpulong sa kanyang defense team bago umalis. | Sa panulat ni Jordan Gutierrez
