HEALTH

Madalas mo ba nararamdaman ang pagkapagod sa mata?

Ang pagod, pangangati at burning sensation sa mata ay maaaring dahil nakararanas ka na ng eye fatigue.

Ito ay karaniwang nakukuha kapag nao-over use ang ating mga mata dahil sa pagbabasa, pagsusulat, pagda-drive at sobrang pagtutok sa gadget screen lalo na kapag madilim ang paligid.

Ilan sa mga sintomas nito ay ang:

-Sore o irritated eyes
-Trouble focusing
-Dry O watery eyes
-Malabong paningin O double vision
-Increased sensitivity to light
-Pananakit ng leeg, balikat o likuran

Upang maiwasan ang pagkakaroon ng eye fatigue ugaliin ang mga sumusunod:

-Iwasan ang pagtutok sa gadget habang madilim ang paligid
-Ipahinga ang mata kada 20 minuto
-Kumain ng masusustansyang pagkain na mayaman sa Omega-3 fatty acids, Lutein, Zinc, at Vitamins C at E
-Iwasan ang paninigarilyo upang maiwasan ang pagkakaroon ng katarata.

May mga pagkain na posibleng makatulong sa pagiging healthy ng ating katawan, kabilang ang utak.

At alam n’yo ba na kasama sa mga tinaguriang “brain foods” ang mani?

Paliwanag ng mga eksperto, ang mani ay may taglay na Vitamin E at good fats.

Ayon sa mga pag-aaral, kapag mataas ang antas o level ng Vitamin E sa ating katawan, mas tumatalas ang ating pag-iisip.

Tunay na may benepisyo ang mani para sa memorya kaya mainam daw na kumain ng nilagang mani, kasoy at walnuts.

Samantala, ipinapayo naman ang pag-iwas sa pritong mani, lalo kapag maraming asin.

Halos kasama sa pang-araw-araw na pagkain ng bawat pilipino ay ang sili.

Ayon sa mga eksperto, maraming benepisyong pangkalusugan na makukuha sa nasabing gulay.

Sinasabing ang sili ay nagtataglay ng bitamina a, c at e, folic acid at potassium.

Maaari rin itong makatulong sa pagpapababa ng blood pressure at sa pag-iwas din sa ilang uri ng kanser.

Maraming Pilipino ang nakararanas ngayon ng pagka-stress dahil sa kanilang pang araw-araw na pamumuhay partikular na sa mga edad 17 pataas.

Ayon sa mga eksperto, nagkakaroon ng epekto sa kalusugan ang mga nai-stress kabilang na dito ang pagkalagas ng buhok, pagkakaroon ng sakit sa puso, ulcer at pananakit ng katawan.

Huwag nang mag-alala dahil mayroon nang solusyon upang maiwasan ang pagkastress na nararanasan ng isang tao.

Narito ang ilang mga healthy tips:

• mag-stretching o ang tamang pag-ehersisyo at paglalakad.
• kumausap ng positibong tao.
• huwag magpanic o mag-isip ng negatibong bagay
• panatilihin ang pagrerelax sa sarili.
• iwasan ang mga bisyo gaya ng sigarilyo, alak at iba pa.
• makinig ng music at magpahinga.
• kumain din ng sapat na pagkain o subukan ang mediterranean diet.

Matapos ang paggunita ng kapaskuhan, marami sa atin ang nadagdagan muli ng timbang.

Ano kaya ang dapat gawin upang mabawasan ang timbang o magpapayat.

Tulad na lamang ng kumain ng dalawang itlog sa almusal, uminom ng kape, mag-excercise para ma-kontrol ang kalusugan at higit sa lahat kumain ng pagkaing may balanseng bilang ng protina, taba at gulay.

Kasabay nito, siguraduhing magwarm-up o magbuhat ng magagaan dahil ito mas mabilis na paraan upang mabawasan ng calories at mapabilis ang metabolism.

Kaya ano pang hinihintay niyo? Diet! Diet na ulit! - sa panunulat ni Jenn Patrolla 

Matapos nating ipagdiwang ang christmas kagabi, alam pa rin kaya natin ang sintomas ng high blood o hypertension?

Ang hypertension ay madalas na tahimik na kondisyon o karamihan satin ay hindi nakakaranas ng mga sintomas.

Ngunit, ang kadalasan na sintomas nito ay ang;

• Sakit ng ulo
• Kinakapos na paghinga
• Pagkahilo
• Dugo sa ihi
• Pananakit ng dibdib
• Nosebleed o pagdurugo ng ilong
• Namumula

Ayon naman sa isang eksperto, ang mabisang gamot sa high blood pressure ay ang amlodipine kung saan kaya nitong magpababa ng presyon sa loob ng bente kwatro oras ngunit mas magandang magpa-konsulta sa doktor. - sa panunulat ni Jenn Patrolla