HEADLINES

These days, pinag-uusapan online ang pamamahagi ng nasabat na smuggled rice ni Pangulong Ferdinand ‘Bongbong’ Marcos Jr. ngayon naman, patuloy na niyang tutugisin ang smugglers na ito sa tulong ng Anti-agricultural Economic Sabotage Act na siya mismong nag-certify. 

Ano ang Anti-agricultural Economic Sabotage Act at paano ito makakatulong sa ekonomiya?

Tara, suriin natin yan.

September 21, 2023 inanunsyo ng Malacañang na cinertify as urgent senate bill ni Pangulong Marcos ang Senate Bill No. 2432 o anti-Agricultural Economic Sabotage Act. sa ilalim ng panukalang ito, magkakaroon ng mas mabigat na parusa ang smugglers at hoarders ng agricultural products.

Kabilang sa mga itinuturing na economic sabotage ang paglikha ng artificial shortage, over importation, manipulation of price and supply, at iba pa.

Life imprisonment at pagpataw ng multa na triple sa halaga ng mga sangkot na produkto ang parusa sa mga mapapatunayang guilty sa smuggling, hoarding, profiteering, at pagka-cartel ng agricultural at fishery products.

Kung government official o employee naman ang mapapatunayang sangkot sa economic sabotage, papatawan sila ng perpetual disqualification. hindi na sila papayagang humawak ng posisyon sa gobyerno, tumanggap ng financial benefits mula sa gobyerno, bumoto at tumakbo sa halalan.

Sa ilalim ng anti-agricultural economic sabotage act, bibigyang mandato ang Department of Justice na bumuo ng special team of prosecutors na magsasagawa ng preliminary investigation. Bubuuin din sa ilalim nito ang Anti-agricultural Economic Sabotage Council na papangunahan ni Pangulong Marcos.

Magpapawalang bisa sa existing Republic Act 10845 o Anti-agricultural Smuggling Act of 2016 ang nasabing Senate Bill. Ayon kay Senator Cynthia Villar, matapos ang pitong taong implementasyon ng anti-agricultural smuggling act ay wala namang naparusahang smugglers ng agricultural products.

Bakit nga ba kailangang higpitan ang batas laban sa smugglers?

Batay sa monitoring ng Samahang Industriya ng Agrikultura o SINAG, tinatayang aabot sa tumataginting na 200-billion pesos revenue ang nawawala sa gobyerno dahil sa smuggling. Malaking banta rin sa kabuhayan ng mga magsasaka ang illegal smuggling ng agricultural products dahil isa ito sa mga rason kung bakit namumuhay nang mahirap ang mga magsasaka natin. Hangad ng panukalang ito na palawigin ang productivity ng mga magsasaka at protektahan sila laban sa mga gahamang traders at importers. kung walang smugglers at hoarders, bababa na ang presyo ng mga produkto at malaking tulong ito sa ating lahat.

Sa mga ginagawang aksyon ng Pangulo para sa agriculture sector, masasabing talagang papunta na tayo sa pagmura ng bigas at mga pagkain sa Pilipinas. Babala nga ni Pangulong Marcos sa ginanap na ikalawang State of the Nation Address o SONA noong July 24, 2023, “bilang na ang mga araw ng mga smuggler at hoarder na ‘yan.” at magkakatotoo na ito.

Ikaw, sang-ayon ka ba na maganda ang magiging epekto ng anti-agricultural economic sabotage act sa ekonomiya ng bansa?

Pinamamadali ni Pang. Ferdinand Marcos Jr. sa senado ang pagpasa sa panukalang batas na magpapataw ng mas mabigat na parusa sa kasong economic sabotage.

Sa liham na ipinadala kay Senate President Juan Miguel Zubiri, sinertipikahan ng Pangulo bilang urgent ang Senate Bill No. 2432 na layuning lumikha ng anti-agricultural economic sabotage council.

Sa ilalim ng bill, ituturing na economic sabotage ang pagpupuslit ng mga gulay, karne, isda at iba pang agricultural products, gayundin ang sobra-sobrang importasyon at pang-iipit ng mga kalakal.

Layunin din ng panukala na i-repeal o ipawalang-bisa ang Republic Act No. 10845 o Anti-agricultural Smuggling Act of 2016.

Nakasaad sa bill na ang mga mapatutunayang dawit sa smuggling, hoarding, profiteering, at pagka-cartel ng agricultural at fishery products ay papatawan ng habambuhay na pagkakakulong at pagmumultahin ng triple sa halaga ng mga sangkot na produkto.

Wala ring piyansa ang kasong ito.

Ang isang opisyal o empleyado ng pamahalaan na mapatutunayang sangkot sa pagsasakatuparan ng economic sabotage ay papatawan ng perpetual disqualification o hindi na papayagang humawak ng anumang posisyon sa gobyerno, bumoto, tumakbo sa halalan, at tatanggalan din ito ng monetary at financial benefits bilang taong gobyerno.

Ikinatuwa ng Grupong Bantay Bigas ang hakbang ni Pangulong Ferdinand Bongbong Marcos Junior na ipamahagi sa mga mahihirap ang mga nasabat na smuggled na bigas.

Ayon kay Bantay Bigas Spokesperson Cathy Estavillo, mas pabor siya sa ganitong hakbang kumpara ibenta nito sa mga kadiwa store tulad ng ginawa noon sa mga smuggled sugar.

Dagdag pa ng bantay bigas official, na mas nabibigyan pa ng katwiran ang mga smuggler na ipagpatuloy ang kanilang gawain kung naibebenta pa sa kadiwa ang kanilang mga puslit na produkto.

Giit pa ni spokesperson Estavillo, dahil sa ilegal ang pagnenegosyo ang mga kumpiskadong bigas, mas makabubuti kung ipamigay ito nang libre sa mga mahihirap.

Sang-ayon ang grupo na pangasiwaan ng Department of Social Welfare and Development ang pamamahagi nito sa mga mahihirap dahil kilala ang ahensya sa pagkakaloob ng subsidiya sa mga mahihirap.

Pinakamabisang panlaban sa smuggling ang desisyon ni Pangulong Ferdinand Marcos, Jr. na ipamigay ang smuggled at hoarded rice sa mahihirap na pamilya.

Ayon kay Bulacan 6th District Rep. Salvador Pleyto., miyembro ng House Agriculture and Food Committee, na ang desisyon ni Pangulong Marcos Jr. ay mangangahulugan na ang mga nakumpiskang smuggled rice ay hindi na maisasalba ng suhol.

Ang kautusan ng Pangulo ay ipinatupad sa Tungawan, Zamboanga Sibugay kung saan ang mga nasabat na bigas ay ipinamahagi sa mga residente at local government units sa lalawigan.

Nauna rito ay tiniyak ni PBBM sa publiko na walang humpay ang pagkilos ng kanyang administrasyon upang tuldukan ang smuggling activities na nakapipinsala sa agricultural sector ng bansa.

Inatasan na ng Pangulo ang Bureau of Customs (BOC) na tugisin ang mga smuggler at puksain ang kanilang illegal operations.

Pinuri niya ang BOC sa pagkakakumpiska nito ng 42,180 bags ng imported rice na nagkakahalaga ng P42 million sa isang bodega sa Barangay San Jose Gusu, Zamboanga City noong September 15, 2023.

Nanindigan ang Pangulo na sumusunod ang pamahalaan sa batas sa pagkumpiska ng smuggled items, kung saan binibigyan sila ng 15-day notice para pakinggan ang kanilang panig.

Balak ng pamahalaan na magpatupad ng fishing ban at iba pang mga hakbang para matugunan ang problema sa overfishing at maparami ang fish population at aquaculture sa bansa.

Sinabi ito ni Pangulong Ferdinand Marcos Jr. bilang bahagi ng mga hakbang ng pamahalaan upang matiyak ang pagkakaroon ng sapat na suplay ng isda sa bansa.

“Kung minsan kailangan ‘wag uubusin yung isda para sa next season mayroon pa. Kaya yun yung tinitingnan natin ngayon,” ayon sa pangulo.

Sinabi ng presidente na mayroong mga lugar na hindi dapat gawin palaisdaan dahil ang mga ito para sa breeding o pagpaparami ng mga isda.

Ayon sa pangulo, ang pag-develop ng agrikultura sa bansa ay hindi nakasentro lamang sa suplay ng bigas at mais kundi maging sa pagpapabuti ng fishery at livestock sectors.

“Kaya’t kasama sa ating development plan ang mga fisheries dahil nang bumaba ang dalawang bagay: bumababa ang ating nahuhuli, ng ating mga mangingisda dahil nasira na ‘yung mga kung saan pinalalaki ang mga isda,” dagdag pa ng pangulo.

Aniya, magpapatupad din ng mga programa ang administrasyon hinggil sa pagpatatayo ng mas maraming cold storage facilities upang maiwasan ang pagkasira ng mga produkto.

Sa mga maliiit naman na bagsakan ng isda ay maglalaan ang gobyerno ng pagawaan ng yelo upang magamit ng mga mangingisda.

PINAKAMABISANG panlaban sa smuggling ang desisyon ni Presidente Ferdinand R. Marcos, Jr. na ipamigay ang smuggled at hoarded rice sa mahihirap na pamilya, ayon kay Bulacan 6th District Rep. Salvador Pleyto.

Sinabi ni Rep. Pleyto, miyembro ng House Agriculture and Food Committee, na ang desisyon ni Pangulong Marcos ay mangangahulugan na “ang mga nakumpiskang smuggled rice ay hindi na maisasalba ng suhol.”

Ang kautusan ng Pangulo ay ipinatupad sa Tungawan, Zamboanga Sibugay kung saan ang mga nasabat na bigas ay ipinamahagi sa mga residente at local government units sa lalawigan.

“By giving them to the people, it has been placed beyond the reach of those who have illegally brought them in,” sabi ni Rep. Pleyto.

“The President’s action sent the strong signal that there should be no revolving door for smuggled rice in the government,” dagdag pa ng mambabatas.

Nauna rito ay tiniyak ni PBBM sa publiko na walang humpay ang pagkilos ng kanyang administrasyon upang tuldukan ang smuggling activities na nakapipinsala sa agricultural sector ng bansa.

Inatasan na ng Pangulo ang Bureau of Customs (BOC) na tugisin ang mga smuggler at puksain ang kanilang illegal operations.

Pinuri niya ang BOC sa pagkakakumpiska nito ng 42,180 bags ng imported rice na nagkakahalaga ng P42 million sa isang bodega sa Barangay San Jose Gusu, Zamboanga City noong September 15, 2023.

Nanindigan ang Pangulo na sumusunod ang pamahalaan sa batas sa pagkumpiska ng smuggled items, kung saan binibigyan sila ng 15-day notice para pakinggan ang kanilang panig.