HEADLINES

Nagpahayag ng pagkilala si Pangulong Ferdinand Marcos Jr. sa tagumpay ng Western Command ng Armed Forces of the Philippines (AFP) sa pagbabantay sa West Philippine Sea (WPS).

Ayon kay PBBM, mahalaga at mahirap ang responsibilidad na nakaatang sa WesCom.

Sa kanyang mensahe sa Talk to Troops sa Western Command Lawak Gymnasium sa Palawan, binanggit ng Pangulo na pinakamahalagang bahagi ng responsibilidad ng WesCom ay ang idepensa ang sovereign territory ng Pilipinas.

Iginiit ng Presidente na sa kabila ng mas maliit na pwersa ng Pilipinas sa pinag-aagawang teritoryo ay nagagampanan ng AFP Western Command ang tungkulin nitong panatilihin ang kapayapaan sa lugar.

“Kahit papaano, doon sa maliit nating puwersa, in comparison doon sa mga ibang nakakatagpo natin doon sa West Philippine Sea ay kahit na maliit lang ang naihaharap natin na puwersa ay maganda naman ang nagiging resulta dahil kahit papaano ay nagagawa natin na nagiging maliwanag,” ayon sa Pangulo.

Kasabay nito, tiniyak din ng Pangulo ang patuloy na suporta ng pamahalaan sa militar, katuwang ang local government ng nasabing lalawigan.

Inihayag ni Pangulong Ferdinand Marcos Jr. na nais niyang matiyak ang pagkakaroon ng ligtas na online procurement system.

Ayon sa Pangulo, dapat matiyak na mayroong safeguards sa pagbili online lalo na sa mga insidenteng pagbili ng mga produkto at pagkatapos ay mali ang darating na item o ‘di kaya naman ay walang laman na item ang kahon.

“So, to safeguard against that, kailangan accredited ‘yung kausap natin,” ayon sa pangulo.

Nagbabala din ang Pangulo sa overpricing.

“We know that… goods that might be overpriced. There are already some exploitation of market power by preventing competitors from coming in,” he said.

Una nang inanunsyo ng Department of Budget and Management (DBM) na ang kanilang Procurement Service ay nakatakdang maglunsad ng e-Marketplace sa ilalim ng Philippine Government Electronic Procurement System (PhilGEPS) para sa pagbili ng gobyerno ng mga sasakyan.

Ipinakita ng DBM kay Pangulong Marcos sa Cabinet sectoral meeting ang panukalang pag-amyenda sa Republic Act No. 9184 o “Government Procurement Reform Act.”

Nakikita naman ng Pangulo na magandang practice at maaaring gayahin ang e-Marketplace for government procurement ng Indonesia.

Kaugnay nito, sinabi naman ni Commission on Audit (COA) Chairperson Gamaliel Cordoba na isasama nila sa nakatakdang bilateral meeting sa Audit Board of Indonesia si Executive Director Dennis Santiago ng PS-DBM.

Sa nasabing bilateral meeting ay tatalakayin ang istratehiya ng Indonesia sa pagpapatupad nila ng e-Marketplace

Kumpiyansa si Cordoba na makatutulong sa bansa kung magagawa din ang e-Marketplace na pinaiiral sa Indonesia dahil maiiwasan ang ang mga maling hakbang sa public procurement.

The farmer-beneficiaries of SM Foundation have recently completed their training with the Kabalikat sa Kabuhayan on Sustainable Agriculture Program (KSK-SAP), pursuing the SM group’s commitment to nurturing successful agripreneurs.

The recent KSK-SAP graduates hail from Batch 243 of Brgy. Pagalanggang and Batch 244 of Brgy. Sapang Balas, in Dinalupihan, Bataan.

The said program provided comprehensive guidance on the cultivation and management of a diverse range of crops. Participants were also trained about modern techniques and best practices for planting, tending, and harvesting crops, promoting sustainable agricultural practices that ensure both environmental preservation and increased productivity.

The farmers also had lectures on 14 life principles of Henry Sy Sr., financial literacy, and business and livelihood development.

The lectures and training sessions were held at the SM Foundation’s partner school, D’Planners Training Center, Inc., in Brgy. Pagalanggang, Dinalupihan, Bataan. Converging for social good, the center provided a conducive learning environment, and the accompanying demo farm owned by the center served as a training ground for the participants to hone their knowledge.

Continuing their learning, a vibrant Harvest Festival was organized at D Planner’s Farm prior to the graduation ceremony. Complementing their accomplishment, the graduates received their National Certificate II from TESDA, providing them with opportunities to advance their careers in the farming sector.

Looking forward

Ensuring the sustainability of the program, they have innovated new strategies as they apply their learnings.

Farmer-graduates aim to solidify their respective businesses moving forward by duly registering with government agencies.

Moreover, to optimize their agricultural endeavors, they have formulated a forward-looking strategy. With this, they assign each member of the group a specific crop based on their expertise. This strategic allocation not only maximizes productivity but also harnesses their individual strengths, resulting in heightened proficiency within their respective areas.

They will also work on consolidating their produce to offer a substantial volume of crops for sale, catering to market demands while fostering robust relationships with local suppliers and distributors. This targets to create a steady inflow of resources, extend the reach of their products and nurture a sense of shared community and support among farmers.

Moreover, KSK-SAP farmers have initiated the Brgy. Talipapa, where they will have dedicated spaces in barangays to directly supply households with fresh produce.

Speaking at the event, KSK-SAP farmer-graduates remain optimistic after their graduation, with some striving to create a Kabalikat sa Kabuhayan Cooperative, aspiring to become farmer-trainers, and aiming to share their knowledge and skills with fellow farmers here and overseas.

Since 2007, the KSK-SAP has fueled the farming and entrepreneurial capabilities of over 28,000 marginalized rural and urban farmers nationwide. Some of the farmers’ training graduates have become seasonal suppliers within the SM group and other local markets.

SM Foundation’s KSK-SAP is conducted in partnership with SM Supermalls, TESDA, DA, DSWD, DOST, DTI, and partner farm schools.

Labis na ikinalugod ni Pangulong Ferdinand Marcos Jr. ang pagtutulungan ng public at private sectors upang ang Pilipinas ay maging major player sa e-vehicle industry.

Kasabay ng papuri rito, sinabi ng Pangulo na nakikita niyang may potensyal ang bansa para sa produksyon ng EVs.

Sa pahayag na ibinahagi ng Presidential Communications Office (PCO), binanggit ni Pangulong Marcos sa Private Sector Advisory Council (PSAC) Job Sector Groups sa pulong sa Malakanyang na ang bansa ay magiging bahagi ng global chain para sa EVs.

Kaugnay nito, inatasan ng Pangulo ang PSAC-JSG na magsumite ng kumpletong listahan ng kanilang proposals na iprinisinta sa palasyo.

Pahayag ng PCO, ansa taong 2026 ay inaasahang malalampasan ng global EV sales ang bentahan ng non-EV.

Sa ngayon, ayon sa Malakanyang, pito sa labingwalong common automotive components ng sasakyan ay ginagawa sa Pilipinas.

Sinasabing ang bansa ay nasa pang-apat din sa buong mundo pagdating sa copper reserves.

Nanindigan ang Taguig LGU na hindi na kailangan ang Writ of Execution para ipatupad ang paglilipat ng mga barangay na ayon sa Korte Suprema ay sakop ng hurisdiksyon ng Taguig

Sa isang statement, inalmahan ng Taguig ang “initial assessment” na inilabas ng Office of the Court of Administrator (OCA) na nagsasabing kailangan pa ng Writ of Execution para maipatupad ang kautusan

Sa isang statement, iginiit ng Taguig LGU na walang ligal na pwersa ang inilabas na opinyon ng OCA at hindi rin ito maaring gamiting batayan para iantala ang paglilipat ng mga barangay mula sa Makati patungo sa hurisdiksyon ng Taguig

“Being a mere opinion, this statement does not have the force of law and does not bind Taguig. SC itself doesn’t issue opinions. How can OCA issue one? In fact, SC simply noted a similar query from DILG”” saad ng Taguig LG.

Dagdag pa nito, ang opinion na inilabas ng OCA ay hindi na sakop ng kapangyarihan nito dahil hindi na ito bahagi ng routine administrative matter na dapat nitong pangasiwaan sa mga trial court

“The matter relating to Taguig exercising its rights as the winning party involves a judicial adjudication. It is definitely not a “routine administrative matter,” giit ng Taguig LGU

Taliwas din umano ang opinion ng OCA sa nature at tono ng mismong desisyon na inilabas ng Korte Suprema na self-executing

“The opinion thus unfortunately encourages delay and even defiance, instead of respect and immediate voluntary compliance, with final and executory judgments of the Supreme Court,” giit ng Taguig

Tinukoy din ng Taguig ang prinsipyong inilatag ng Korte Suprema sa kaso ng Camarines Norte v Province of Quezon. Sa nasabing kaso, pinuri ng korte ang COMELEC, DBM, DOF at DENR sa pagkilala nito sa desisyon ng hukuman na nasasabing sakop ng Camarines Norte ang siyam na barangay mula sa Quezon. Kasabay nito, pinatawan ng korte ng contempt ang mga opisyal ng Quezon Province dahil sa pagbalewala sa inisyu nilang final decision

Dahil dito, pursigido ang Taguig na maghain ng legal remedy para igiit ang kanilang karapatan salig sa desisyon ng korte at ng itinatakda ng batas

“Taguig shall pursue all legal remedies against those who act to frustrate, obstruct, delay, or defy and contribute to or abet the defiance or delay in the implementation of the Supreme Court’s Decision,” saad sa inilabas na statement ng Taguig

Matatandaan na dalawang beses nang ibinasura ng SC ang tangka ng Makati City na mairekonsidera ang pinal na desisyon ng SC subalit nanindigan ang mga mahistrado na ang Parcel 3 at 4 sa PSU 2031 na kinabibilangan ng 10 barangay ay nasa legal na hurisdksyon ng Taguig base na rin sa iprinisintang historical, documentary at testimonial evidences.

Ipinanawagan ni Pangulong Ferdinand Marcos Jr. ang mga hakbang upang mapanatili ang kapayapaan sa Korean Peninsula.

Kasunod ito ng pulong ng Pangulo kay Komeito Party Chief Representative Yamaguchi Natsuo ng Japan sa Malakanyang.

Sinabi ng Pangulo na nakababahala ang kilos ng North Korea na patuloy sa paglulunsad ng missile tests.

Mahalaga, ayon kay Pang. Marcos, ang pagtutulungan ng mga bansa sa Asya para mapahupa ang tensyon.

“We consider it a critical issue that, really, we in the region must work together very, very hard to try to alleviate the tensions, to try to make all the proponents of peace in the region be the dominant voice,” ayon sa Pangulo.

Samantala, binanggit ng Presidente ang kasunduan sa pagitan ng Japan at Pilipinas na hindi lamang bilateral basis kundi maging multilateral basis sa usapin sa West Philippine Sea.

Kinilala naman ng Pangulo ang mahalagang kontribusyon ng Japan sa Pilipinas hindi lamang sa mga kagamitan kundi sa iba pang mga kasunduang nabuo sa pagitan ng dalawang bansa.

Napag-alaman na isang kasunduan ang nakatakdang lagdaan sa pagitan ng Pilipinas at ng Vietnam na layong mapalakas ang maritime cooperation sa West Philippine Sea.

Ang pahayag ay ginawa ni PBBM kasunod ng panibagong insidente sa West Philippine Sea kung saan ginamitan pa ng water cannon ng China Coast Guard (CCG) ang barko ng Philippine Coast Guard (PCG).

Sa pakikipag-usap ni Pangulong Marcos kay outgoing Vietnam Ambassador to the Philippines Hoang Huy Chung, binigyang-diin nito ang kahalagahan ng maritime cooperation sa pagitan ng dalawang bansa.

Iginiit ng Pangulo na sa pamamagitan ng “solid agreement” mas magiging madali na harapin ang “common challenges” sa usapin ng territorial disputes.

Nagpasalamat din si Pangulong Marcos kay Chung sa kanyang ipinakitang kasipagan sa panahon ng kanyang panunungkulan.

Sa panig ni Chung, ipinaabot nito ang pasasalamat ni Vietnam President Vo Van Thuong kay Pangulong Marcos at sa gobyerno ng Pilipinas.

Pinangunahan ng National Telecommunications Commission (NTC) ang paglulunsad ng automated platform para sa licensing at permitting processes ng ahensya.

Ang Online Processing System with Digital Payment System (OPS-DPS) Project ng NTC ay bilang tugon sa layunin ni Pangulong Ferdinand “Bongbong” R. Marcos, Jr. na bilisan ang mga hakbang para gawing digitalize ang mga proseso sa gobyerno.

Sa ilalim ng nasabing proyekto ng NTC, inaasahang mas mapapabilis ang proseso at pag-iisyu ng lisensya, permit, certificates, authorizations, at clearances para sa mga telecommunications at internet infrastructure.

Ang soft launch para sa OPS-DPS ay dinaluhan ng mga kinatawan mula sa by Htech Corporation ang system provider, Globe Telecom, Inc. (Globe) at mga kinatawan mula sa NTC.

Ang grand launch para sa proyekto ay target na maisagawa sa October 2023.

Tiniyak ni Pangulong Ferdinand Marcos Jr. na may sapat na stock ng bigas sa bansa na kayang tumagal sa panahon ng pag-iral ng El Niño phenomenon.

Inihayag ito ng pangulo kasunod ng pulong sa Private Sector Advisory Council and Philippine Rice Stakeholders Movement (PRISM) sa Malacañang.

Ayon sa pangulo, stable ang rice situation sa bansa at may sapat na suplay hanggang sa matapos ang El Niño sa susunod na taon.

Sa naturang pulong, iprinisinta ng Department of Agriculture (DA) at ng PRISM ang rice supply outlook ng bansa hanggang sa katapusan ng taong 2023.

Ipinatawag ng pangulo ang pulong para talakayin ang status ng rice industry at ang mga ipinatutupad na hakbang para masiguro ang sapat na suplay ng bigas sa bansa.

Sa pagtaya naman ni DA Undersecretary Merceditas Sombillo, ang projected ending stock ng bigas para sa taong 2023 ay 1.96 million metric tons (MMT) na kayang tumagal ng 52-araw.

Ang harvest season ng palay ay nakatakdang magsimula sa Setyembre at Nobyembre ngayong taon.

Makaraang lumutang ang sinasabing hindi maayos na pagbibigay ng benepisyo sa ilalim ng Republic Act 11861 o ang Expanded Solo Parent Act, nangako si Sen. Chrostopher “Bong” Go na sisilipin ang naturang isyu.

Sa isang panayam, sinabi ni Sen. Go, na maghahain siya ng panukalang batas sa senado para ma-review ang implementasyon ng batas.

“Para sa mga solo parent ‘yan. Pero kung hindi naman nila natatanggap ang mga benepisyo nito, ano pa ang saysay,” ayon sa senador mula sa Davao.

Sinabi ni Go na ikokonsulta niya rin ang usapin kay Senadora Riza Hontiveros na siyang primary author ng batas.

Dagdag pa ng mambabatas, nakarating nga sa kanya na kahit ang malalaking lungsod ay hindi naibibigay ang P1,000 na monthly allowance sa mga solo parent na nakasaad naman sa nasabing batas.

“Ang mas masaklap yung mga solo parent sa 5th o 6th class municipalities ay wala talagang natatanggap na ni singko dahil ayon sa balita, wala daw sila pagkukunan ng pondo,” ani Go.

Nagtataka din ang senador kung bakit hindi rin naibibigay ang 10 percent discount sa grocery store at mga botika para sa mga solo parent na may anak na 6 years old and below.

Isa kasi sa probisyon ng batas ay exempted ang mga solo parent sa value added tax kung ang kanilang kita ay hindi lalagpas ng P250,000 kada taon.

May 10 porsyentong diskwento rin naman sila sa mga gamot, pagkain at gamit ng bata tulad ng diaper, gatas, gamot at bakuna.

Si Sen. Go ay isa sa mga co-author ng Expanded Solo Parent Act.