HEADLINES

Hindi nagustuhan ng grupo ng mga nurse ang panukala ng DOH na “singular allowance” upang mabayaran na ang mga hindi pa naibibigay na benepisyo sa mga health workers.

Isinalarawan ni Maristela Abenojar, Filipino Nurse United President, ang naturang panukala na “meager, divisive at unfair”.

Giit ni Abenojar, tila binabarat na nila ang mga health workers sa dahil ilang beses na aniyang naantala ang pagbibigay ng benepisyo at hanggang sa ngayon ay hindi pa rin lahat makakatanggap.

Dagdag ni Abenojar, matatawag na “sacrificial lambs” ang ginagawang pagtrato ng gobyerno sa mga health workers dahil sa tila pagbabalewala sa kanilang ginagawang sakripisyo.—sa panulat ni Drew Nacino

Magpa-file ng Certificate of Candidacy sa Oktubre 6 sina Senator Panfilo Lacson at Senate President Vicente Sotto III .

Ayon kay Senator Lacson, tatakbo silang Presidente at Bise-Presidente ng bansa, kaugnay sa opisyal na pag-launch ng 2022 bid noong Setyembre 8.

Dagdag pa niya, mayroon silang oras upang mag-file dahil si Senate President Sotto ang may mas paniniwala base sa mga konsultasyon.

Samantala, tatakbo rin sa pagka-Pangulo sina Senator Manny Pacquiao at Manila Mayor Isko Moreno. —sa panulat ni Airiam Sancho

Pagpapaiksin ang quarantine period sa Thailand para sa vaccinated travelers at ibababa ito sa pitong araw simula Oktubre.

Ito’y ayon sa opisyal, upang maibalik ang turismo sa lugar sa kabila ng pandemya na noon ay mayroong 40 milyong  turista bawat taon.

Magsisimula sa Biyernes ang quarantine period na pitong araw sa halip na 14 na araw, para sa may mga vaccination certificate.

Habang 10 araw na quarantine sa walang certification na lulan ng eroplano at 14 na araw sa land transportation kaugnay  ng dalawang resulta na negatibo sa COVID-19 test. —sa panulat ni Airiam Sancho

Posible nang mapalawig ang voter registration ayon sa COMELEC.

Sinabi ni COMELEC Spokesperson James Jimenez, na nakatakdang talakayin ang usapin sa voter registration extension bukas, Setyembre 29.

Ito’y matapos ang mga panawagan mula sa publiko at maging sa mga mambabatas.

Nauna nang inaprubahan ng senado sa ikatlo at pinal na pagbasa ang panukalang nagpapalawig ng voter registration hanggang Oktubre 31, 2021.

Binigyang kunsiderasyon dito ang ang ilang beses na pagsuspindi ng voter registration dahil sa ipinatutupad na quarantine status.

Nakatakda sanang magtapos ang voter registration sa Setyembre 30, 2021.

Hindi nagustuhan ng grupo ng mga nurse ang panukala ng DOH na “singular allowance” upang mabayaran na ang mga hindi pa naibibigay na benepisyo sa mga health workers.

Isinalarawan ni Maristela Abenojar, Filipino Nurse United President, ang naturang panukala na “meager, divisive at unfair”.

Giit ni Abenojar, tila binabarat na nila ang mga health workers sa dahil ilang beses na aniyang naantala ang pagbibigay ng benepisyo at hanggang sa ngayon ay hindi pa rin lahat makakatanggap.

Dagdag ni Abenojar, matatawag na “sacrificial lambs” ang ginagawang pagtrato ng gobyerno sa mga health workers dahil sa tila pagbabalewala sa kanilang ginagawang sakripisyo.