Home HEADLINES

HEADLINES

BUSINESSHEADLINESHOT STORIES OF THE WEEKNATIONAL NEWSNEWS

GOBYERNO, PLANONG MANGUTANG NG MAHIGIT ISANG TRILYONG PISO SA MGA LOKAL NA FINANCIER

written by DWIZ 882
trillion pesos pera

May planong umutang ang pamahalaan ng aabot sa P1.12 trillion sa domestic debt market sa ikatlong quarter ng taong ito sa gitna ng nagpapatuloy na paghina ng pambansang ekonomiya.

Batay sa datos na isinapubliko ng Bureau of Treasury (BTr), aabot sa P700 billion na treasury bonds at P420 billion na treasury bills ang uutangin ng pamahalaan.

Ayon kay National Treasurer Sharon Almanza, ito na ang pinakamalaking halaga na kayang utangin ng gobyerno habang pinapanatili nito ang kakayahang ayusin ang naturang halaga kung kakailanganin.

Samantala, iginiit ni John Paolo Rivera ng Philippine Institute for Development Studies na sinasalamin ng naturang panghihiram ng pamahalaan ang plano nitong mas piliin ang domestic financing, kahinaan ng piso kontra dolyar, at mas malaking gastos sa pangungutang sa labas ng bansa. — sa panulat ni Anjo Riñon

June 24, 2026 0 comment
0 Facebook Twitter Google + Pinterest
HEADLINESNEWS

DEFENSE SECRETARY TEODORO, SINAMPAHAN NG KASO KAUGNAY SA KANYA UMANONG MALTESE PASSPORT; AFP, TINAWANAN ANG ALEGASYON

written by DWIZ 882
011924 sec gilberto teodoro

Nagsampa ng kaso ang isang grupo laban kay Defense Secretary Gilberto Teodoro kaugnay sa pagkakaroon umano nito ng isang Maltese passport.

Ayon sa grupong Kaisahan ng mga Sundalo at Sibilyan sa Kaunlaran o KASUSIKA, lumabag umano si Teodoro sa Republic Act 8239, o ang Philippine Passport Act of 1996, dahil mayroon itong pasaporte ng bansang Malta kahit na isa siyang opisyal ng pamahalaan ng Pilipinas.

Samantala, isinantabi ng Armed Forces of the Philippines ang mga alegasyon na may mga heneral na magsasampa rin ng kaso laban kay Teodoro tungkol sa naturang isyu.

Ayon kay AFP West Philippine Sea spokesman, Rear Admiral Roy Vincent Trinidad, walang basehan ang umano’y plano ng ilang heneral na magsampa ng kaso laban sa kalihim, kaya’t mas mainam pang tawanan at huwag nang pansinin ang naturang salaysay.

Ipinukol din ni Trinidad na walang tensyon sa pagitan ni Teodoro at ng liderato ng sandatahang lakas, at dapat ding tawanan na lang ang anumang pahayag tungkol dito.

Ganito rin ang tugon ni AFP spokesperson, Colonel Francel Margareth Padilla, sa naturang reklamo, kung saan sinabi niyang hindi papansinin ng AFP ang mga alegasyong kinakaharap ni Teodoro, na binansagan niyang “walang basehan at hindi beripikado.” — sa panulat ni Anjo Riñon

June 24, 2026 0 comment
0 Facebook Twitter Google + Pinterest
HEADLINES

ATENEO, KINONDENA ANG PATULOY NA PAGKAKALAT NG FAKE NEWS

written by DWIZ 882
ateneo 2

Kinondena ng Ateneo De Manila University ang pagkalat ng mga “mapanira, walang basehan, at mapanganib na tsismis” na naka-direkta hindi lamang sa men’s basketball team nito, kundi pati na rin sa iba pang student-athlete, kanilang mga pamilya, at sa malawak na komunidad ng Ateneo.

Ayon sa Ateneo, batid nito ang hinanakit ng publiko sa pagkasawi nina Rene Baterbonia at Divine Adili ng Ateneo Blue Eagles, ngunit tiniyak nito na nakahanda itong tulungan ang mga atleta nito na magsampa ng kaso sa korte sakaling umabot ito sa sukdulan.

Nanawagan din ang pamunuan ng Ateneo sa komunidad nito na isumbong ang anumang insidente ng pagbabanta sa kaligtasan ng mga ito sa mga otoridad.

Magpapatuloy din anila ang pagdamay ng mga campus minister at counselor ng unibersidad sa mga indibidwal na maaaring mangailangan ng tulong sa aspeto ng mental health at espiritwalidad.

Sa huli, nanawagan ang Ateneo na panatilihing mahinahon, nakabatay sa katotohanan, at sensitibo sa kalagayan ng ibang tao ang mga usapin tungkol sa insidente; dahil hindi anila nito palalampasin ang anumang banta laban sa sinuman sa Ateneo community. — sa panulat ni Anjo Riñon

June 24, 2026 0 comment
0 Facebook Twitter Google + Pinterest
HEADLINESHOT STORIES OF THE WEEKNEWSRONDA PROBINSYATRENDING

MGA NASAWI SA SCHOOL SHOOTING SA TACLOBAN, PINANGALANAN NA

written by DWIZ 882
TACLOBAN SHOOTING INCIDENT

Pinangalanan na ang tatlong estudyanteng biktima ng pamamaril sa San Jose National High School sa Tacloban City.

Kinilala ang mga biktima na sina Joyancee “Yancee” Separa (15, grade 9 student); Ayessa Nicole Dazo (14, grade 9 student); at Chris Lorenz Fabian (15, grade 10 student).

Nabatid na kinuhanan ni Separa ang isa sa mga viral video ng insidente bago siya binaril.

Si Dazo naman ang nakuhanan ng isa pang video na karga-karga ng ilang indibidwal upang itakbo sa ospital, ngunit kalauna’y idineklarang dead-on-arrival.

Itinuturing namang bayani si Fabian matapos niyang tinangkang harangin ang pintuan ng isang classroom, dahilan upang makatakas ang kanyang mga kaklase.

Sinubukan din niyang protektahan ang kanyang mga kaklase, ngunit tinamaan siya ng bala sa likod, na kanyang ikinamatay.

Samantala, inanunsyo ng Malacañang na makatatanggap ng tig-P150,000 na financial assistance ang pamilya ng mga nasawing estudyante. — sa panulat ni Anjo Riñon

June 24, 2026 0 comment
0 Facebook Twitter Google + Pinterest
HEADLINESNEWS

ATENEO PRESIDENT FR. YAP, NAKATAKDANG HUMARAP SA PNP-CIDG NGAYONG BIYERNES

written by DWIZ 882
ateneo de manila

Inilipat sa Biyernes, Hunyo 26, ang pagharap ni Ateneo De Manila University President Fr. Roberto Yap sa imbestigasyon ng Philippine National Police-Criminal Investigation and Detection Group (PNP-CIDG) kaugnay ng pagkamatay ng dalawang miyembro ng Ateneo Blue Eagles na sina Rene Baterbonia at Divine Adili.

Una nang sinabi ni Interior Secretary na si Jonvic Remulla na nakatakda sana ang pagharap ni Fr. Yap noong Huwebes, Hunyo 25.

Ayon kay PNP Spokesperson na si Allen Rae Co, nais ng pulisya na marinig ang panig ng unibersidad tungkol sa insidente. Bilang pangulo ng Ateneo, inaasahang si Fr. Yap ang magbibigay ng pahayag para sa paaralan.

Si Fr. Yap ay kabilang sa halos 50 katao na pinadalhan ng subpoena bilang bahagi ng imbestigasyon sa pagkamatay nina Baterbonia at Adili.

Bago ito, humarap na rin sa CIDG noong Hunyo 19 ang dating Ateneo basketball head coach na si Tab Baldwin.— sa panulat ni Anjo Riñon

June 23, 2026 0 comment
0 Facebook Twitter Google + Pinterest
HEADLINESHOT STORIES OF THE WEEKNATIONAL NEWSNEWS

PANUKALANG IBABA ANG CRIMINAL LIABILITY AGE SA SAMPU, MULING ISINULONG

written by DWIZ 882
MENOR DE EDAD STUDENT KABATAAN

Nanawagan si Senador Robin Padilla na muling talakayin sa senado ang panukalang ibaba sa sampung taong gulang ang maaaring makasuhan sa bansa sa pamamagitan ng pag-amyenda sa Juvenile Justice and Welfare Act.

Ayon kay Senador Padilla, kailangan ng agarang aksyon kasunod ng mga seryosong insidenteng kinasasangkutan ng mga menor-de-edad, kabilang ang school shooting sa San Jose National High School sa Tacloban City, Leyte.

Iminungkahi rin ni Sen. Padilla ang posibleng pagdaraos ng special session sa senado, upang mapag-usapan ang panukala at iba pang hakbang para sa kaligtasan ng mga estudyante sa loob at labas ng mga paaralan.| sa ulat ni Reabelle Medina

June 23, 2026 0 comment
0 Facebook Twitter Google + Pinterest
HEADLINESHOT STORIES OF THE WEEKNEWSTRENDING

HINDI “GET-OUT-OF-JAIL CARD” O LIBRE ANG MGA KABATAAN SA BATAS – SEN. PANGILINAN

written by DWIZ 882
KABATAAN TACLOBAN SHOOTING INCIDENT CURFEW

Iginiit ni Sen. Francis “Kiko” Pangilinan na may kaukulang pananagutan ang mga menor-de-edad na nasasangkot sa krimen sa ilalim ng Juvenile Justice and Welfare Act.

Kasunod ito ng panawagan na ibaba ang edad ng criminal responsibility matapos ang insidente ng pamamaril sa San Jose National High School sa Tacloban City, na ikinasawi ng apat na katao at ikinasugat ng 15 indibidwal.

Ayon kay Senador Pangilinan, sa ilalim ng nasabing batas, hindi nangangahulugang malaya sa pananagutan ang mga bata na nakagawa ng krimen.

Sa halip, isinasailalim sila sa mga intervention program, layong maiwasan ang pag-ulit ng krimen.

Binigyang-diin din ni Sen. Pangilinan na labag sa batas ang pagpapalaya sa mga menor-de-edad na nasasangkot sa krimen nang walang tamang proseso at interbensyon. | sa panulat ni Reabelle Medina

June 23, 2026 0 comment
0 Facebook Twitter Google + Pinterest
HEADLINESHOT STORIES OF THE WEEK

ARCHDIOCESE OF PALO, NAGLUKSA SA NANGYARING PAMAMARIL SA TACLOBAN

written by DWIZ 882
PAMAMARIL SA TACLOBAN SHOOTING INCIDENT

Nagluluksa ang Archdiocese of Palo sa nangyaring pamamaril sa San Jose National High School sa Tacloban City, na ikinasawi ng apat na estudyante nito.

Sa pahayag na inilabas ni Palo Archbishop John Du, inihahandog niya ang kanyang panalangin hindi lamang sa pamilya ng mga nasawi at nasugatan, kundi pati na rin sa mga naapektuhan sa insidente.

Dagdag pa ng Arsobispo, nagsisilbing hamon ang naturang pamamaril sa kung papaano pinapalaki ng lipunan ang mga kabataan at kung ano ang mga aral na iniiwan sa mga ito.

Hinimok din ni Archbishop Du ang publiko na magkaisa at tiyaking hindi na muling mangyayari ang nasabing insidente ng pamamaril.

Samantala, ibinahagi naman ni Fr. Mark Ivo Velasquez, isang pari ng Archdiocese of Palo, ang kanyang karanasan sa kanyang pagdalaw sa pinangyarihan ng pamamaril.

Ayon kay Fr. Velasquez, bukod sa pananalangin sa palibot ng paaralan, dinamayan din niya ang mga naapektuhan ng pamamaril. — sa panulat ni Anjo Riñon

June 23, 2026 0 comment
0 Facebook Twitter Google + Pinterest
HEADLINESHOT STORIES OF THE WEEKNATIONAL NEWSNEWS

PISO KONTA DOLYAR, MULING HUMINA

written by DWIZ 882
PISO KONTRA DOLYAR

Noong Hunyo 22, ang palitan ay nagsara sa P61.12 kada US dollar, mas mahina ng 34 sentimos kumpara sa P60.775 kada dollar noong Hunyo 19. Ibig sabihin, mas maraming piso ang kailangan ngayon para makabili ng isang dolyar.

Ayon kay John Paolo Rivera ng Philippine Institute for Development Studies, ilan sa mga dahilan ng paghina ng piso ay:

  • Mas maraming mamumuhunan sa buong mundo ang mas pinipiling humawak ng US dollar.
  • Tumaas muli ang presyo ng langis at produktong petrolyo, na kadalasang nagpapataas ng pangangailangan ng bansa sa dolyar para sa pag-aangkat.

May ilang ekonomista rin na nagsabi na kahit itinaas ng Bangko Sentral ng Pilipinas ang policy rate (interest rate), hindi nito napalakas ang piso dahil natabunan ang epekto nito ng mga kaguluhan at kawalang-katiyakan sa iba’t ibang bahagi ng mundo.

Sa madaling salita: Humina ang piso dahil mas malakas ang demand para sa US dollar at dahil sa pagtaas ng presyo ng langis, habang ang mga pandaigdigang problema ay nakaapekto rin sa halaga ng piso. — sa panulat ni Anjo Riñon

June 23, 2026 0 comment
0 Facebook Twitter Google + Pinterest
HEADLINESHOT STORIES OF THE WEEK

LABI NI ATENEO PLAYER DIVINE ADILI, IHAHATID NA PAUWI SA NIGERIA

written by DWIZ 882
ATENEO PLAYER ADILI

Ihahatid ngayong araw, Lunes, Hunyo 22 ang labi ni Divine Adili mula sa Arlington Memorial Chapels sa Quezon City patungong paliparan para sa repatriation sa kanyang bansang Nigeria.

Dinaluhan ng mga kaibigan, kamag-anak, kasamahan sa koponan, at mga opisyal ng Ateneo de Manila University ang paghahatid sa 21-anyos na manlalaro.

Si Adili at ang kanyang teammate na si Rene Baterbonia ay nasawi matapos malunod sa isang team-building activity sa Dipaculao, Aurora noong Hunyo 8.

June 22, 2026 0 comment
0 Facebook Twitter Google + Pinterest
Newer Posts
Older Posts