HEADLINES

AGENDA PARA SA MGA MANGGAGAWA, INAASAHANG MABABANGGIT NI PANGULONG MARCOS SA KANIYANG NALALAPIT NA SONA 2026

Umaasa ang Kamanggagawa Party-list na magiging sentro ng nalalapit na State of the Nation Address o SONA 2026 ni Pangulong Ferdinand Marcos Jr. ang kapakanan ng mga manggagawang Pilipino.

Ayon kay Kamanggagawa Party-list Rep. Eli San Fernando, nais nilang marinig mismo mula sa bibig ng Pangulo na gagawing prayoridad ng administrasyon ang pagtugon sa suliranin ng labor sector.

Sinabi ni San Fernando na apat na taon na ang administrasyong Marcos, ngunit wala pa umanong naipapasang panukala na tunay na magpapataas ng sahod ng mga manggagawa.

Iginiit ng kongresista na may kapangyarihan ang Pangulo na sertipikahan bilang urgent ang mga panukalang tutulong sa matagal nang hinihintay ng mga manggagawa, gayundin ang panukalang buwagin ang Regional Wage Boards upang mapabilis ang pagpapatupad ng dagdag-sahod.

Nagbabala si San Fernando na kung hindi pa rin kikilos ang Pangulo sa usapin ng legislated wage hike, lalabas na walang silbi ang administrasyon at maiiwang legasiya ng Pangulo ang pagtalikod sa kapakanan ng mga manggagawang Pilipino.

Patuloy namang inaabangan ng labor groups kung kabilang sa mga prayoridad na iaanunsyo sa SONA ng Pangulo ang mga panukalang may kaugnayan sa sahod at karapatan ng mga Pinoy workers. | via Geli Mendez/DWIZ News

July 1, 2026 0 comment

HEADLINES HOT STORIES OF THE WEEK NATIONAL NEWS NEWS

NATIONWIDE FULL ALERT STATUS, IKINASA NG PNP

written by DWIZ 882

Nagpatupad ang Philippine National Police ng nationwide full alert status kaugnay ng emergency rally ng Iglesia Ni Cristo na nagsimula kahapon, June 30.

Layunin ng hakbang na matiyak ang seguridad at kaayusan sa buong bansa habang isinasagawa ang naturang kilos-protesta.

Pinangunahan ni PNP Chief, General Jose Melencio Nartatez Jr., ang situational monitoring mula sa PNP Command Center, upang matutukan ang mga pangunahing lugar, kabilang ang paligid ng people power monument sa EDSA.

Sa ngayon, patuloy na tumatanggap ng real-time updates ang PNP mula sa iba’t ibang field commanders sa buong bansa, upang mapalakas ang pagbabantay sa seguridad ng publiko at maiwasan ang aberya sa daloy ng trapiko sa mga pangunahing lansangan.

Tiniyak ng PNP na mananatili ang ipinatupad na full alert status hanggang sa matapos nang mapayapa at maayos ang naturang pagtitipon.| sa panulat ni Reabelle Medina

July 1, 2026 0 comment

HEADLINES NEWS

4 NA INDIBIDWAL, ARESTADO NG NCRPO, DAHIL SA PANANAKIT SA MGA PULIS EDSA

written by DWIZ 882

Arestado ang apat na indibidwal matapos ang kilos-protesta sa EDSA White Plains kahapon, June 30.

Ayon kay National Capital Region Police Office spokesperson Major Hazel Asilo, isa sa mga naaresto ang isang lalaking nanuntok ng pulis, isang bus driver, at dalawa pang indibidwal na sangkot sa kaguluhan sa nasabing protesta.

Sasampahan anya ng kasong Resistance and Disobedience ang dalawang indibidwal na nanakit ng mga pulis.

Samantala, iniimbestigahan pa ng mga awtoridad kung anong karagdagang kaso ang maaaring isampa laban sa dalawa pang nasakote.

Sa kasalukuyan, nananatili ang apat na naaresto sa Station 8 ng Quezon City Police District.| sa panulat ni Reabelle Medina

July 1, 2026 0 comment

HEADLINES NEWS

PANIBAGONG BATCH NG PRIVATE PROSECUTORS PARA SA IMPEACHMENT TRIAL LABAN KAY VP SARA, IPINAKILALA NA NG HOUSE PROSECUTION PANEL

written by DWIZ 882

Pormal nang ipinakilala ang panibagong batch ng private prosecutors na tutulong sa House Prosecution team sa impeachment trial laban kay Vice President Sara Duterte.

Kabilang sa pinangalanan ay sina Atty. Theodore Te na interim chairperson ng free legal assistance group o flag at dating dating Chief Public Information at spokesman ng Korte Suprema.

Ipinakilala rin si Atty. Reynaldo Robles, mula sa The Law Firm of Chan Robles and Associates, isang Civil and Criminal Litigator.

Kabilang din sa ipinakilala sina Atty. Arnold Labay at Atty. Mae Divinagracia.

Ipinakilala rin si dating Surgiao Del Norte Rep. Robert Ace Barbers bilang impeachment adviser at ika-apat na House Trial spokesperson.

Makakasama ni Barbers na magbigay ng mga lehitimong impormasyon sa panig ng prosecution ay sina trial spokesperson Reps. Zia Alonto Adiong at Renee’ Co.

Kinilala ang ambag ni Barbers sa matagumpay na pagdinig ng Quadcomm na naging dahilan din para maisulong ang impeachment complaints laban sa Bise Presidente.

Sa ngayon, nasa 15 private prosecutors na ang kabuuang bilang na tutulong sa 11-man house prosecution team na haharap laban sa impeachment case ni VP sara at posible pa itong madagdagan ayon sa prosecutors. | via Geli Mendez/DWIZ Patrol

June 29, 2026 0 comment

HEADLINES HOT STORIES OF THE WEEK NATIONAL NEWS NEWS

IMPEACHMENT TRIAL NI VP SARA POSIBLENG TUMAGAL NG PITONG BUWAN

written by DWIZ 882

Inaasahang tatagal ng pito hanggang walong buwan ang impeachment trial ni Vice President Sara Duterte.

Ayon kay Senate President Sherwin Gatchalian, posibleng umabot ito hanggang February 2027 noong sinimulan sa June 7 ang paglilitis ng senado na magsisilbing impeachment court.

Giit ni SP Gatchalian, kinakailangang balansehin ng senado ang oras sa pagitan ng impeachment trial at iba pang mahahalagang tungkulin, kabilang ang pagtalakay sa panukalang 2027 national budget.

Binigyang-diin din ng liderato ng senado na may iba pang prayoridad na batas na kailangan ding matutukan ng mga mambabatas.

Samantala, tiniyak ni SP Gatchalian na gumagawa na sila ng mga paraan upang mapabilis ang proseso ng impeachment trial.| sa panulat ni Reabelle Medina

June 29, 2026 0 comment

HEADLINES HOT STORIES OF THE WEEK NEWS

2 KATAO, NAWAWALA MATAPOS ANG PAGGUHO NG HINUHUKAY NA KALSADA SA LAS PIÑAS CITY

written by DWIZ 882

Dalawa ang nawawala habang lima ang nailigtas matapos ang pagguho ng hinuhukay na kalsada sa Las Piñas City.

Ayon sa mga awtoridad, naganap ang insidente sa Barangay Pamplona dos, kagabi.

Dahil dito, agad na rumesponde ang Bureau of Fire Protection (BFP), Philippine National Police (PNP), at Las Piñas City Disaster Risk Reduction and Management Office para sa search and rescue operations.

Sa ngayon, iniimbestigahan na ng mga awtoridad ang nangyaring insidente habang patuloy pa rin ang isinasagawang retrieval operations sa naturang lugar. | sa panulat ni Reabelle Medina

June 29, 2026 0 comment

HEADLINES HOT STORIES OF THE WEEK NATIONAL NEWS

HOUSE PROSECUTION PANEL, POSIBLENG BAWASAN ANG ILANG ARTICLES NG IMPEACHMENT LABAN KAY VP SARA

written by DWIZ 882

Posibleng bawasan ng House Prosecution Panel ang ilang articles ng impeachment laban kay Vice President Sara Duterte kung sapat na ang lakas ng ebidensya na maipapakita sa paglilitis.

Ayon kay House Prosecutor at Manila Representative Joel Chua, nakabatay sa bilang ng mga testigo ang kanilang schedule, ngunit maaari itong magbago depende sa bilis ng presentasyon ng ebidensya sa impeachment court.

Kung makapagpepresenta anya sila ng dalawa hanggang tatlong testigo sa isang araw, maaaring mas mapaiksi ang inaasahang tagal ng paglilitis na tinatayang aabot ng pito hanggang walong buwan.

Gayunman, tiniyak ng house prosecution team na tuloy ang kanilang paghahanda para sa lahat ng articles ng impeachment at wala anyang aatras sa kaso.| sa panulat ni Reabelle Medina

June 29, 2026 0 comment

HEADLINES RONDA PROBINSYA

17 silid-aralan sa Palawan, nalubog sa baha matapos ang malakas na ulan

written by DWIZ 882

Aabot sa 17 silid-aralan ng Panitian Elementary School sa Panitian, Sofronio Española, Palawan ang naapektuhan matapos bahain ang paaralan noong Hunyo 22 dahil sa malakas na pag-ulan.

Bagama’t hindi inabot ng baha ang kindergarten classroom, maraming silid-aralan ang napasok ng tubig na nagdulot ng pinsala sa mga gamit ng mga estudyante at guro. Kabilang sa mga naapektuhan ang mga silid na kamakailan lamang inayos sa pamamagitan ng Brigada Eskwela.

Dahil dito, humihingi ng tulong ang paaralan sa mga magulang, barangay opisyal, lokal na pamahalaan, at iba pang stakeholders upang maibalik sa maayos na kondisyon ang mga silid-aralan at mapalitan ang mga nasirang kagamitan. Patuloy naman ang paglilinis at monitoring sa lugar.

June 25, 2026 0 comment

BUSINESS HEADLINES HOT STORIES OF THE WEEK NATIONAL NEWS

SMS o One Time Passwords, bawal na para sa malalaking online transactions – BSP

written by DWIZ 882

Simula ngayong araw, Hunyo 25, 2026, hindi na maaaring gumamit ng SMS o email one-time passwords (OTPs) ang mga bangko at e-wallet para sa mga online transactions na may mataas na panganib, ayon sa bagong patakaran ng Bangko Sentral ng Pilipinas (BSP).

Sa halip, gagamit na sila ng mas ligtas na paraan ng pag-verify tulad ng biometrics (fingerprint o face scan) at iba pang advanced security features upang maprotektahan ang mga customer laban sa fraud at hacking.

Saklaw ng patakaran ang karamihan sa mga bangko at e-wallet sa bansa. Para naman sa mga low risk na transaksyon, maaari pa ring gamitin ang SMS OTP.

Ayon sa BSP, layunin ng hakbang na gawing mas ligtas at mas secure ang digital banking at online payments para sa publiko.

June 25, 2026 0 comment

HEADLINES HOT STORIES OF THE WEEK NATIONAL NEWS NEWS TRENDING

KASUNOD NG TACLOBAN SHOOTING INCIDENT, AGARANG PAGPASA NG DIGITAL SAFETY OF MINORS ACT, IPINANAWAGAN SA KAMARA

written by DWIZ 882

Nanawagan si House Deputy Speaker David “Jayjay” Suarez ng agarang pagpasa sa House Bill No. 9825 o Digital Safety of Minors Act, kasunod ng shooting incident sa San Jose National High School sa Tacloban City na ikinasawi at ikinasugat ng ilang mag-aaral.

Nagpaabot si Suarez ng pakikiramay sa pamilya ng mga biktimang nasawi at maging sa mga naapektuhan ng madugong trahedya at iginiit na walang magulang, guro, o komunidad ang dapat makaranas ng ganitong klaseng sakit at takot.

Aniya, ang paaralan ay dapat ligtas na lugar o kanlungan ng pagkatuto at pagbuo ng pangarap ng mga mag-aaral at hindi ng karahasan.

Batay sa imbestigasyon ng mga otoridad, ang mga suspek ay na-expose umano sa mararahas na online content at may nakababahalang post sa social media na nagdulot ng pangamba sa epekto ng online safety.

Patunay aniya ito na dapat palakasin at higpitan ang proteksiyon ng mga menor de edad sa digital space sa pamamagitan ng age verification, parental consent, default safety settings, at pagbabawal sa targeted advertising sa mga bata.

Itinuturing ni Suarez na “wake up call” ang naganap na pamamaril sa Tacloban na kailangang maging seryoso sa pagprotekta sa mga anak pagdating sa paaralan, tahanan, at maging sa digital world na araw-araw nilang ginagalawan.

Iginiit ni Suarez, na hindi dapat binabalewala ang epekto ng harmful content, cyberbullying, online exploitation, at masasamang impluwensya sa mga kabataan.

Naniniwala si Suarez, na kapag ang mga bata ay naiiwan sa digital spaces nang walang sapat na gabay at proteksiyon, lumalaki ang panganib sa kanilang kaligtasan, pag-iisip, at paghubog bilang isang tao.

Nanawagan rin si Suarez sa mga kaukulang ahensya na palakasin ang security protocols sa mga paaralan at magbigay ng suporta sa mga pamilyang apektado ng pamamaril sa Tacloban. | via Geli Mendez/DWIZ Patrol

June 24, 2026 0 comment

Newer Posts

Older Posts