HEADLINES

INFLATION RATE, NANANATILING PROBLEMA NG BANSA AYON SA ILANG EKONOMISTA

Ipinaliwanag ng mga ekonomista na nagpapatuloy pa rin ang problema ng mataas na presyo ng bilihin kahit na bumagal ang inflation rate ng bansa sa dalawang magkasunod na buwan.

Batay sa datos ng Philippine Statistics Authority (PSA), bahagyang bumagal ang headline inflation rate sa 6.4% noong Hunyo mula 6.8% noong Mayo.

Gayunman, bumilis pa rin ang core inflation rate ng bansa sa 4.4% noong Hunyo mula 4.1% noong Mayo.

Dahil dito, iginiit ng Bangko Sentral ng Pilipinas (BSP) na patuloy itong nakatutok sa isyu ng inlfation dahil nananatiling mataas ang presyo ng krudo at abono kahit na humupa na ang tensyon sa Strait of Hormuz.

Ayon sa mga ekonomista, mahaba pa ang gugugulin ng bansa upang makontrol nito ang inflation rate, lalo na sa mga non-food at non-energy sectors. | mula sa panulat ni Anjo Riñon

July 8, 2026 0 comment

HEADLINES HOT STORIES OF THE WEEK NATIONAL NEWS NEWS

PETISYONG INIHAIN SA KORTE PARA IPATIGIL ANG IMPEACHMENT TRIAL VS. VP SARA, PAGSASAYANG LANG NG PAPEL AYON SA PROSECUTION

written by DWIZ 882

“Goodluck sa kanila.”

Ito ang naging sagot ni House Prosecutor at Bicol Saro Party-list Rep. Terry Ridon, nang matanong kaugnay sa petisyong inihain ng grupo ni Atty. Israelito Torreon sa Korte Suprema para ihirit na pansamantalang ipahinto ang impeachment trial laban kay Vice President Sara Duterte.

Ito’y dahil sa pagkakahalal kay Sen. Francis Escudero bilang Senate Impeachment Court Presiding Officer.

Ayon kay Ridon, pagsasayang lang ng papel ang ginagawa ng mga petitioner.

Banat pa ni Ridon, hindi pa ba naaawa sa mga puno ang grupo ni Torreon?

Sa kabila nito, tiniyak naman ni Ridon na walang magiging epekto ang naturang petisyon sa House prosecution team, at inaasahang magpapatuloy ang paglilitis sa bise presidente.

Samantala, para naman kay House Deputy Speaker Paolo Ortega V, hindi na nakakagulat ang hakbang nina Atty. Torreon na mistulang “bread and butter” at “specialty” na ang paghahain ng petisyon.

Nilinaw ng House leader na walang pumipigil kina Torreon na maghain ng petisyon, pero ang isyu ng presiding officer ng impeachment court ay naresolba na sa unang araw pa lang ng paglilitis. | via Geli Mendez/DWIZ Patrol

July 8, 2026 0 comment

HEADLINES NEWS

ILANG LUGAR SA QUEZON CITY, BINAHA

written by DWIZ 882

Ilang lugar sa Quezon City ang nalubog sa baha matapos ang malakas na pag-ulan kagabi.

Ayon sa lokal na pamahalaan ng QC, hanggang baywang ang baha sa ilang lugar sa barangay Quirino 2B at barangay Damayan.

Hanggang tuhod ang baha sa ilang kalsada sa barangay North Fairview, Barangay E. Rodriguez, barangay Katipunan, at barangay Vasra.

Hanggang gutter naman ang bahang naranasan sa ilang lugar sa barangay Holy Spirit, Barangay Loyola Heights, Barangay Claro, at Barangay Kanluran.

May ilan ding lugar sa lungsod Quezon na nakaranas ng baha, ngunit nawala rin kalaunan.

Samantala, may naiulat ding hanggang gutter na baha ang Metropolitan Manila Development Authority (MMDA) sa Elliptical Kalayaan sa Quezon City at sa EDSA Ortigas service road sa Mandaluyong City. | mula sa panulat ni Anjo Riñon

July 8, 2026 0 comment

HEADLINES HOT STORIES OF THE WEEK

DATING ACTING SENATE SERGEANT-AT-ARMS APLASCA,TULUYAN NANG TINANGGAL NA SA PWESTO

written by DWIZ 882

Pinatawan ng Office of the Ombudsman ng parusang katumbas ng dismissal from the service si dating Acting Senate Sergeant-at-Arms, retired Police Major General Mao Ranada Aplasca, kaugnay ng insidente ng pamamaril sa loob ng Senado noong May 13, 2026.

Napatunayang may pananagutang administratibo si Aplasca sa kasong Grave Misconduct at Gross Neglect of Duty matapos umano siyang mag-warning shots nang walang sapat na dahilan, na naglagay sa panganib sa mga mamamahayag, empleyado ng Senado, at iba pang sibilyan.

Una nang Iginiit ni Aplasca na ginawa niya ito upang maprotektahan ang Senado, ngunit sinabi ng Ombudsman na walang agarang banta sa kanyang buhay o sa kanyang mga tauhan.

Dahil retirado na si Aplasca, papatawan siya ng multang katumbas ng isang taong sahod na ibabawas sa kanyang retirement benefits, habang mananatili ang iba pang kaukulang parusa. | via Jenn Patrolla/DWIZ Patrol

July 7, 2026 0 comment

HEADLINES HOT STORIES OF THE WEEK NATIONAL NEWS

PAMAHALAAN, TARGET PAGLAGUIN ANG PAMBANSANG EKONOMIYA SA 3.7% SA HULING QUARTER NG TAON

written by DWIZ 882

Dapat umabot sa 3.7% ang paglago ng ekonomiya sa huling quarter ng taon.

Ito ayon sa Department of Economy, Planning, and Development (DepDev), ay upang maabot ng Pilipinas ang revised growth target nito sa pagitan ng 3.5% at 4.5%, na ibinaba ng Development Budget Coordination Committee mula sa 5% hanggang 6% dahil sa mga isyu sa pulitika, mula sa flood control scandal hanggang sa digmaan sa Gitnang Silangan.

Batay naman sa datos ng Department of Budget and Management (DBM), bumulusok ng 45.6% ang infrastructure spending ng pamahalaan sa unang apat na buwan ng taon, o katumbas ng P189.3-B, mula sa naitalang P347.6-B sa kaparehong panahon noong nakaraang taon.

Kaugnay nito, naniniwala si DepDev Secretary Arsenio Balisacan na posible pang maka-recover ang pambansang ekonomiya sa ikalawang bahagi ng taon sa gitna ng kawalang-katiyakan tungkol dito. | Sa panulat ni Anjo Riñon

July 7, 2026 0 comment

HEADLINES HOT STORIES OF THE WEEK NATIONAL NEWS

KASO NG COVID-19 SA QUEZON CITY, HINDI DAPAT IKABAHALA – Mayor Belmonte

written by DWIZ 882

Tiniyak ng pamahalaang lungsod ng Quezon na hindi dapat ikabahala ang pagtaas ng bilang ng mga kaso ng COVID-19 sa lungsod, dahil karamihan sa mga naitalang pasyente ay nakaranas lamang ng banayad na sintomas at walang naitalang malulubhang kaso.

Ayon sa City Government, umabot sa 84 ang kumpirmadong kaso mula June 11 hanggang July 1, kung saan karamihan sa mga nagpositibo ay nakaranas ng lagnat, ubo, sipon at pananakit ng katawan.

Samantala, binigyang-diin ni Mayor Joy Belmonte, na nananatiling kontrolado ang sitwasyon at patuloy ang pagbabantay ng mga kinauukulang tanggapan.

Nakikipag-ugnayan na din, anya, ang lungsod sa Department of Health para sa genome sequencing, upang matukoy ang umiikot na COVID-19 variant sa lugar.

Payo ng mga opisyal sa publiko na magsuot ng face mask sa matataong lugar, maghugas ng kamay nang madalas at agad magpakonsulta kapag nakaranas ng sintomas. | sa panulat ni Reabelle Medina

July 7, 2026 0 comment

HEADLINES HOT STORIES OF THE WEEK NATIONAL NEWS

BAHAGYANG PAGHINA NG INFLATION RATE NOONG HUNYO, HINDI HUDYAT NA BUMUBUTI NA ANG EKONOMIYA – ECONOMIST

written by DWIZ 882

Nagbabala ang mga ekonomista na hindi hudyat ng pagbuti ng sitwasyon ng bansa ang bahagyang paghina ng inflation rate noong hunyo.

Kabilang sa mga inaalala ng mga ekonomista ang posibleng pagtaas ng mga produktong agrikultural dahil sa paparating na Super El Niño.

Nabatid na baghagyang tumaas ang inflation rate ng bansa noong Hunyo, kumpara sa 6.87% ang naitalang headline inflation noong Mayo.

Kabilang din sa mga inaalala ng mga ekonomista ang muling pagtaas ng presyo ng produktong petrolyo sa gitna ng patuloy na tensyon sa pagitan ng Estados Unidos at Iran. | sa panulat ni Anjo Riñon

July 6, 2026 0 comment

HEADLINES

House prosecution team, handang ilatag ang mga ebidensya sinuman ang presiding officer

written by Angelica Doctolero

Handang-handa ang House prosecution team na magprisenta ng mga ebidensya at testigo sinoman ang uupong presiding officer para sa impeachment trial laban kay Vice President Sara Duterte.

Ito ang inihayag ni House trial spokesperson at Lanao del Sur Rep. Zia Alonto Adiong matapos mahalal bilang impeachment presiding officer si Sen. Chiz Escudero sa Senado.

Ayon kay Adiong, tulad ng paulit-ulit nilang binibigyang-diin, isandaang porsyento silang nakahanda para sa paglilitis.

Aniya, malakas at matibay ang kanilang hawak na kaso na pinagbatayan sa Articles of Impeachment laban sa Pangalawang Pangulo.

Sa kabila nito, buo ang respeto ng House prosecution at kanilang igagalang ang magiging desisyon ng senator-judges at ng buong impeachment court.

July 6, 2026 0 comment

HEADLINES NATIONAL NEWS NEWS

Filipino Workers Pinaka-Stressed sa Southeast Asia – Gallup

written by DWIZ 882

Lumabas sa Gallup State of the Global Workplace 2026 report na ang mga manggagawang Pilipino ang may pinakamataas na antas ng stress sa Southeast Asia, kung saan 50% ang nakaranas nito sa nakaraang araw.

Sa kabila nito, sila rin ang may pinakamataas na employee engagement sa rehiyon, na may 39% na nananatiling psychologically connected sa kanilang trabaho.

Ayon sa Gallup, ipinapakita ng resulta na maaaring magsabay ang matinding dedikasyon sa trabaho at mataas na antas ng personal na stress.

July 2, 2026 0 comment

HEADLINES HOT STORIES OF THE WEEK NEWS

SIMBAHANG KATOLIKA, NANAWAGAN NA IGALANG AT TUPARIN ANG KONSTITUSYON AT HAYAANG UMUSAD ANG PROSESO NG IMPEACHMENT

written by DWIZ 882

Nanawagan si Reverend Father Joselito Sarabia na igalang at tuparin ang mandato ng impeachment process alinsunod sa itinakda ng Konstitusyon.

Pahayag ito ni Father Sarabia kasunod ng sinabi ni House Prosecutor at Mamamayang Liberal Party-list Rep. Leila de Lima na posibleng taktika lamang umano ni Vice President Sara Duterte ang isinagawang rally ng Iglesia ni Cristo o INC upang ilihis ang atensyon ng publiko sa kinakaharap nitong impeachment case.

Ayon kay Father Sarabia, bukod sa pagpapakita ng suporta ng INC kay Senador Rodante Marcoleta na nahaharap din sa mga kaso, posible ring naging dahilan ng rally ang usapin ng impeachment laban sa Bise Presidente.

Ipinaalala ni Sarabia ang naging karanasan ni De Lima, na halos pitong taong nakulong dahil sa mga kasong may kaugnayan sa ilegal na droga bago tuluyang napawalang-sala, bilang halimbawa ng kahalagahan ng patas na pagtrato at pagsunod sa due process.

Dagdag pa niya, dapat igalang ang anumang magiging desisyon ng Ombudsman at hayaang umusad ang legal na proseso, kabilang ang inaasahang pagsisimula ng impeachment trial laban kay VP Sara sa Hulyo 6. | via Geli Mendez/DWIZ News

July 2, 2026 0 comment

Newer Posts

Older Posts