ENTERTAINMENT

Pinahanga ng aktres at singer na si  Maris Racal ang kaniyang mga fans sa pinakabago at una nitong sexy bikini pictorial.

Sa kaniyang Instagram, ipinakita nito ang kaniyang ‘sexy side’ suot ang two-piece swimsuit sa isang beach resort sa Baler, Aurora na bahagi na rin summer special at anniversary ng kinabibilangang ahensya.

Pero pag-amin ni Maris, hindi niya maiwasan na makaramdam ng kaba at nag-ipon pa raw siya ng maraming confidence para lamang maisagawa ng shoot.

Mabuti na lamang daw ay supportive ang mga taong nakapaligid sa kaniya.

Nilinaw ni UP Maroons player at Newbie Actor na si RICCI RIVERO ang isyu ng umano’y pag-like niya sa isang bikini photo ng isang tiktoker.

 Sa isang Instagram story, ibinahagi ni Ricci ang isang screenshot kung saan makikita ang pag-heart umano niya sa nasabing larawan.

Paliwanag ni Ricci, hinding hindi niya ito gagawin, at malinaw aniyang edited ang picture.

 Sinabi pa nito na mas sexy ang kanyang girlfriend kumpara sa babaeng nakasuot ng bikini.

 Mababatid na mag-iisang buwan nang magkasintahan sina Ricci at ang Kapamilya actress na si Andrea Brillantes.

Photo courtesy: @_ricciiirivero Twitter account

Trending ngayon ang actor-model na si Alden Richards matapos kumalat sa social media ang isang photo kasama si Miss Universe Spain 2021 Sarah Loinaz.

 Usap-usapan din na nagkita ang dalawa matapos bumisita ang beauty queen sa Pilipinas para sa isang pictorial shoots.

 Nabatid na ipinost ng latina beauty queen sa kaniyang Instagram account ang selfie photo kasama si Alden at iba pang kuha sa Pilipinas.

 Dahil dito, naging usap-usapan sa mga netizen ang naturang photo kung saan, marami ang nagtatanong kung si Sarah ba ang bagong nagpapatibok sa puso ni Alden.

 Ayon kay Sarah, bukod sa pagiging gwapo, isa sa mga katangiang taglay ni Alden ay ang pagiging humble kung saan, nalaman ng beauty queen na si Alden ay maraming tinutulungang charity.

 Sa ngayon, wala pang sagot ang aktor tungkol sa nasabing isyu.

Matapos ang ilang araw na pananatili sa Pilipinas, nagpaalam na si Reigning Miss Universe 2021 Harnaaz Sandhu kung saan babalik sa New York.

Ibinahagi ng beauty queen, hindi na sya makapaghintay na makabalik sa pilipinas kung saan inilarawan pa nito bilang the best kung saan nakapasyal ito sa Vigan, Ilocos Sur.

Base sa instagram stories na inupload nng 22 year old, nagpasalamat naman ito sa pagmamahal at suporta na ipinakita sa kanya sa bansa.

Matatandaang, nagsilbi bilang isang hurado si Harnaaz sa idinaos na coronation ng Miss Universe Philippines kung saan kinoronohan ang pasay beauty queen na si Celeste Cortesi.

Napili bilang official Korean Ambassador ng Pilipinas ang aktres na si Kyline Alcantara.

Ayon sa aktres, isang Korea Tourism Organization (KTO) ang lumapit sa kaniya para i-promote ang “Ganda Korea Ad Campaign” na sakto namang sa pagiging korean fan ni Kyline.

Say ni Kyline, dream come true ang mapili bilang isang ambassador kaya excited na siyang makita sa personal si Lee Min Ho at iba pang sikat na korean celebrities.

Sa ngayon, looking forward si Kyline na mabisita ang mga magagandang tanawin na napapanood lamang niya sa mga koreanovela.

Viral ngayon sa social media sina Barbie Imperial at K-Brosas matapos mapasabak sa tagayan sa gitna ng kanilang caravan.

Sa video na ipinost ng isang netizen, habang nasa gitna ng caravan si Barbie, isang lalaki ang lumapit at nag-abot ng isang baso ng alak na agad namang kinuha ng aktres saka ininom.

Umabot ng 113K likes at 6.7M views ang naturang video na umani ng 5.9K comments sa mga netizen.

Samantala, viral din ang video na ipinost ni K-Brosas kung saan, napasabak din ito sa kantahan at inuman habang nagsasagawa ng caravan sa Quezon City.

Dahil dito umani ng ibat-ibang reaksiyon mula sa mga netizen ang pakiki-jamming ng komediyante kung saan, nakalibre ang mga tao sa paconcert ni K-Brosas.

Ayon sa mga netizen, ganong klase ng tao ang kanilang gusto dahil walang arte at marunong makisama sa publiko.