ENTERTAINMENT

Binigyang pagkilala ng Philippine Animal Welfare Society (PAWS) ang singer na si Jonalyn Viray dahil sa kaniyang 70 rescued animals.

Nabatid na nagpatayo si Jona ng Animal Shelter kung saan, umaabot sa P70, 000 ang kaniyang ginagastos kada buwan para sa kaniyang mga alagang aso at pusa.

Dahil dito, ikinatuwa at hinangaan ng PAWS ang singer dahil sa kaniyang dedikasyon para sa matagal nang adbokasiya.

Ayon kay Jona, mas lalo siyang naging malapit at hands-on sa kaniyang rescued animals mula nang magsimula ang pandemya na naging dahilan din ng kaniyang halos isang taong pamamahinga sa showbiz mula 2021 hanggang unang quarter ng 2022.

Naglabas ng warrant of arrest ang isa pang korte sa Taguig City laban sa TV Host na si Fernand a.k.a. Vhong Navarro.

Ito ay kinumpirma ni Taguig Police Chief Col. Robert Baesa nang matanggap nila ang kopya ng warrant of arrest laban kay Navarro.

Walang inirekomendang piyansa ang nasabing warrant kaugnay sa kasong panggagahasa sa modelong si Deniece Cornejo.

Sa kasalukuyan, nahaharap na sa dalawang kaso ng panggagahasa si Navarro sa Taguig Regional Trial Court (RTC) at Acts of Lasciviousness na parehong may kaugnayan sa mga reklamong inihain ni Cornejo. - sa panulat ni Hannah Oledan

Sasabak sa international competition ang tatlong kandidata ng Pilipinas.

Sa naganap na send-off party sa Novotel Manila Araneta City na pinangunahan ng national organization para sa mga delegado ng bansa, inanunsiyo ang tatlong title holders na nakatakdang sumabak sa kompetisyon.

Kabilang sa mga pambato ng Pilipinas na sasabak sa pageant ay sina Gabrielle Basiano ng Borongan Eastern Samar para depensahan ang Miss Intercontinental 2022 sa darating na October 14; Chelsea Fernandez ng Tacloban City para ilaban ang korona ng kapwa pinay at kasalukuyang miss globe titleholder na si Maureen Montagne sa darating na October 15; at Roberta Tomandong ng Laguna para naman sa Thailand-based Miss Grand International Crown sa darating na October 25.

Umaasa naman ang Pilipinas na masusungkit at mai-uuwi ng tatlong kandidata ang mga korona laban sa ibang mga bansa.

Napa-sanaol nalang ang ilang netizens sa ibinahaging photos at videos ni Erika Poturnak sa instagram kasama ang basketball player na si Kobe Paras.

Sa IG stories ni Erika, makikita ang ilang clip kabilang ang goofy dance ng basketball player sa isang parking lot, na sinamahan niya ng birthday cake emoji na tila birthday greeting nito kay Kobe.

Sa isa pang video, makikita na sweet na sweet ang dalawa at may nakasaad na ”miss you lots.”

Una rito, naging usap-usapan na rin kung ano nga ba ang namamagitan sa dalawa dahil sa ilang larawan nila na magkasama sa Bali, Indonesia.

Sa ngayon ay hindi pa malinaw kung ano ang real score sa pagitan nina Erika at Kobe.

Umalma ang aktor at komediyanteng si Dennis Padilla matapos ang naging rebelasyon sakaniya ng anak na si julia barretto.

Kasunod ito ng interview kay Julia sa ginawang Youtube vlog ni Karen Davila kung saan, hindi nagustuhan ni Dennis ang mga sinabi ng kaniyang anak.

Nabatid na sinabi Ni Julia na hindi pa siya handang papasukin muli sa kaniyang buhay ang kaniyang ama dahil sa hindi pagkakaintindihan at problema sa kanilang pamilya.

Ayon kay Julia, imbis na pagmamahal at pagprotekta ay galit at hinanakit lang ang kanilang natatanggap mula sa kanilang ama.

Samantala, sa instagram account ng aktor, agad siyang naglabas ng saloobin kung saan, sinabi niya na dinepensahan niya ang kaniyang mga anak at siya umano ang dapat takbuhan sa tuwing may pinagdadaanan ang mga ito at hindi ang ibang tao.

Dagdag pa ni Dennis, humingi na siya ng tawad sa lahat ng kaniyang nagawa at pagkukulang bilang isang ama pero nagalit pa umano ang mga ito sakaniya.

Nanawagan din ang komediyante kay Karen Davila na maging fair ito sa lahat at huwag maging one-sided.

Sa huli, umaasa si Dennis na maging siya ay i-interviewhin at hihingan ng kasagutan ni Karen hinggil sa isyu ng kanilang pamilya.

Masayang ibinahagi ng aktres na si Kris Bernal sa kanyang instragram account ang ilang kuha mula sa kanilang kasal ng kanyang asawang si Perry Choi ilang araw bago ang kanilang 1^st wedding anniversary sa September 25.

May caption na ‘I have never been happier’ ang naturang post kung saan ibinahagi ng aktres ang kanyang pagiging maswerte sa asawa na aniya nagpapasaya sa kanya ngayon

Matatandaang sa Magallanes Church ikinasal sina Kris at Perry noong September 25,2021

Aminado si Bianca King na bahagya siyang naharapan sa unang trimester ng kanyang pagbubuntis dahil sa mga naranasang anxiety at pagkabahala.

Pero ani Bianca, kanya na itong nalampasan at kasalukuyan na siyang nasa pregnancy bliss.

Naninirahan na ngayon sa Australia ang aktres kasama ang kanyang mister na si Ralph Wintle.

Bibisitahin lamang sana ni Bianca si Wintle noong 2019 sa Australia ngunit inabutan ito ng COVID 19-lockdown doon kung saan dito na napagpasyahan ng dalawa na magpakasal.