Pinatutsadahan ng aktres na si Pokwang ang isang kumento sa Instagram post nito tungkol sa relasyon nila ng kanyang dating asawa.
Sa Instagram, ibinahagi nito ang masayang pagdiriwang ng kaarawan ng kanyang ex partner na si Lee O’Brian kung saan makikitang mukhang walang masamang tinapay sa pagitan nila ng dating karelasyon.
Kasama nitong nagdiwang ang anak nilang si Malia O’Brian at panganay ni Pokwang na si Mae Subong.
Isang netizen naman ang nagtanong kay Pokwang kung bakit pa kailangang maghiwalay, gayong okay naman pala sila?
Dagdag pa ng netizen, sayang lang ang luha ng aktres.
Hindi naman nagpapigil si Pokwang at sinagot ang katanungan ng commenter.
Ayon sa aktres, maaari naman aniya siyang maging masaya at hindi mamuhay sa dilim kahit pa matapos ang isang bagay sa buhay nito.
May sampung buwan na rin mula nang inanunsyo nina pokwang at lee ang kanilang hiwalayan noong november 2021.
Samantala, ayon kay pokwang ay nananatili silang co-parents para sa four-year-old baby nilang si Malia.
