ENTERTAINMENT

Usap-usapan ngayon sa social media platforms ang balitang hiwalay na ang artistang si Erika Portunak sa kaniyang boyfriend at basketball player na si Kobe Paras.

Kasunod ito nang pagbura ni Kobe ng mga post sa kaniyang Instagram account at pag-unfollow niya sa kaniyang rumored girlfriend.

Bukod pa dito, burado na rin ang lahat ng mga ipinost na litrato ni Erika kasama si Kobe.

In-unfollow din ni Erika ang basketball player sa kaniya Instagram account na nagresulta sa pagkawindang ng mga netizen.

Matatandaang noong June 15, 2022, namataang magkasama ang dalawa sa isang beach trip sa ibang bansa.

Bigong makadalo ang aktres na si Valeen Montenegro sa Spartan Beast race matapos magpositibo sa COVID-19.

Sa Instagram post ng komedyante, ibinahagi nito ang snippet ng kanyang training sessions para sa 32 kilometer-obstacle race.

Sa caption, ibinahagi ng aktres ang pagkadismaya nito at sinabing excited pa naman itong magcaption ng “spartang inaaaa” na trademark line nila ng co-actress na si Chariz Solomon.

Bagaman dismayado, proud at masaya naman ang aktres para sa kanyang mga kaibigan na nakadalo sa nasabing event. –  sa panulat ni Hannah Oledan

Ikakasal na ang dating child star na si Serena Dalrymple sa susunod na linggo.
Sa kaniyang instagram post, makikita ang love story nila ng kaniyang fiance na si Thomas Bredillet na nagsimula noong 2018 nang magkakilala sila sa isang dating app.
Matatandaan noong July ng nakaraang taon nang magbahagi ng larawan si Serena na nakasuot ng engagement ring.
Agad namang nagpaabot ng pagbati ang mga netizen sa child star.
Si Serena ay naging bahagi ng pelikulang “Tanging Ina” na gumanap bilang anak ni Ai Ai De Las Alas.

Nakuha na ng aktres na si Belle Mariano ang kanyang Outstanding Asian Star Award sa Seoul International Drama Awards sa South Korea.

Suot ni Belle ang isang Francis Libiran gown sa pagtanggap ng naturang award.

Nasungkit ng aktres ang naturang parangal dahil sa kanyang pagganap bilang Maxpein sa romance series na “He’s into Her,” na pinagbidahan nila ng kanyang love-team partner na si Donny Pangilinan.

Sa kanyang acceptance speech, sinabi ni Belle na isa siyang proud na filipino at kabilang sa kanyang mga pinasalamatan ang seoul international drama awards, gayundin ang kanyang co-star na si Donny at kanyang management.

Si Belle ang kauna-unahang filipino actress  na nagkamit ng naturang award, matapos unang gawaran ng naturang parangal sina Alden Richards noong 2019, at Dingdong Dantes noong 2020.

Nagpasalamat sa Maynilad Water Services ang aktres na si Ryza Cenon, matapos ang mabilis na aksiyon ng pamunuan hinggil sa mahigit P120, 000 na bill sa kanilang tubig.

Sa Instagram post ng Aktres, kaniyang ibinahagi ang litrato ng kanilang water bill, kung saan mula sa P120,000 na kanilang babayaran, ay bumaba nalang ito sa mahigit P2,100.

Ayon kay Ryza, maging ang pamunuan ng Maynilad ay nagtaka nadin sa laki ng kanilang babayarang water bill.

Dahil dito, agad na nagpunta ang Maynilad para palitan ang kanilang meter at i-check ang kanilang water line at napag-alaman na dahil sa leak o pagtagas ng tubig kaya tumaas ang kanilang water bill.

Ikinatuwa naman ni Ryza ang mabilis na pag-asista ng maynilad kung saan, ibinase nalang sa huling anim na buwan, ang kanilang bagong water bill na babayaran.

Binasag ng aktor na si Jericho Rosales at British Fashion Influencer na si Kim Jones ang kumakalat na balita sa social media na hiwalay na silang mag-asawa.

Sa birthday greetings na ipinost ni Kim sa kaniyang Instagram account, makikita ang palitan nila ng sweet messages ni Echo.

Bukod pa dito, ipinakita din sa publiko ni Kim ang larawan ng kaniyang mister habang nag-e-enjoy silang mag-swimming sa La Union.

Matatandaang nito lamang August, nagpost din si Echo ng litrato ng kaniyang asawa na patunay lamang na tahimik at masaya ang kanilang relasyon.

Ginagawan ng love angle sina Jane de Leon at Janella Salvador ng kanilang mga fans.

Kaya naman nasasabik ang mga fans sa Queerbait at tanungan kung saan aabot ang #DarLentina.

Nili-link ng mga netizens at binibigyan ng meaning ang mga eksena nilang magkasama.

Patuloy pa din ang pagsugpo ni Darna o Jane de Leon sa mga extra na naghahasik ng kasamaan sa pagdating ng bagong kontrabida ng clone man o si Neil Arcoleta sa hit primetime series ng Mars Ravelo’s Darna.

Ano nanaman kaya ang aabangan ng mga fans ng Queer loveteam na sina Jane at Janella? —sa panulat ni Jenn Patrolla

Nakatakdang idaos sa January 14, 2023 ang 71st edition ng Miss Universe 2022, sa halip na sa Disyembre.

Ito ang kauna-unahang pagkakataon na isasagawa sa New Orleans, Louisiana ang naturang kompetisyon.

Mahigit 85 delegado mula sa iba’t ibang bahagi ng mundo ang maglalaban para sa korona ng prestihiyosong pageant.

Ang Filipina-Italian beauty na si Celeste Cortesi ang magiging kinatawan ng Pilipinas para sa Miss Universe 2022.