ENTERTAINMENT

Hiniling ng aktres na si Sylvia Sanchez sa kaniyang anak na si Arjo Atayde at fiancee nito na si Maine Mendoza na bigyan agad siya ng apo.

Dumalo si Sylvia sa event para suportahan ang kanyang anak na si Gela na gumagawa ng kanyang Runway Debut bilang bahagi ng koleksyon ng Filipino fashion designer na si Jenni Contretas para sa Human Apparel Brand.

Sinabi ng aktress na hindi siya ang tipo ng manugang na nakikialam sa relasyon.

Aniya, bigyan na siya ng apo at huwag naman after five years.

Engaged si Arjo at Maine noong Hulyo 2022.

Samantala, sa isang instagram post noong Hulyo 30, ipinahayag ni Sylvia ang kanyang pagmamahal at suporta sa mag-asawa at malugod na tinanggap si Maine sa kanilang pamilya. —sa panulat ni Jenn Patrolla

Umani ng ibat-ibang komento sa mga netizen ang cryptic post ng aktres na si Sunshine Cruz sa kaniyang Instagram account.

Ito’y matapos ibahagi ni Sunshine ang isang mensahe kung saan, sinabi niya na “May mga taong nakalaan lang na manatili sa ating mga puso pero hindi sa ating buhay.’’

Matapos maglabas ng saloobin ng aktres, nagbigay naman ng ibat-ibang komento ang ilang celebrity artist maging ang mga netizen kung saan, kanilang sinabi na darating din ang tamang tao para kay Sunshine na makakasama niya hanggang sa pagtanda.

Hindi naman idinetalye ng aktres kung sino at para kanino ang kaniyang naging mensahe pero may ilang kumakalat na balita sa social media, na hiwalay na ito sa kaniyang boyfriend na si Macky Mathay.

Sa ngayon, wala paring kumpirmasyon kung ano na ang estado sa relasyon ng dalawa.

Humakot ng 14 na international recognition ang pelikulang ‘’Broken Blooms’’ na pinagbibidahan nina Therese Malvar at Jeric Gonzales.

Ang pelikulang broken blooms ay sumasalamin sa realidad ng kahirapan ng ilang pamilyang pilipino

Ayon kay Engr. Benjie Austria, producer ng Broken Blooms, maraming kabataan ang nahaharap sa pagsubok ngayon kaya naman, mai-aaply ang pelikula sa kanilang buhay.

Kamakailan, kinilala sa Brasilia International Film Awards ang pelikula na binubuo ng ilang kapuso stars sina Lou Veloso, Royce Cabrera, Jaclyn Jose kabilang sina Jeric at Therese.

Samantala, magkakaroon ng local screening ang pelikula at asahang  isasali’t ilalaban pa sa ibang international film competitions. —sa panulat ni Jenn Patrolla

Engaged na ang aktress na si Angelica Panganiban sa kasintahan nito na si Greg Homan.

Ito ang masayang ibinahagi ng aktress sa kaniyang vlog sa YouTube kung saan mapapanood ang proposal ni Greg.

Sa nasabing kilig proposal, nag-set up ng video recording si Greg habang kita sa frame si Angelica sa tabing-dagat at nag-aayos dahil akala niya ay picture taking lang.

Dito na ginawa ni Greg ang proposal na nakatanggap naman ng matamis na Yes ni Angelica.

Ayon kay Greg, maraming paraan sa buhay para sumaya, pero si Angelica lang ang kailangan niya.

Nabatid na limang buwan nang engaged si Angelica dahil four months pregnant na ito noong ginawa ang video.

Agad namang ipinaalam ng mag-fiance ang engagement sa kanilang pamilya at kaibigan. —sa panulat ni Jenn Patrolla

Hindi matutuloy ngayong taon ang concert sa Pilipinas ng Canadian pop superstar na si Justin Bieber.

Kinumpirma ito ng ovation productions matapos ang anunsyo ng singer na tinapos na nito ang kanyang ”Justice World Tour” sa Rock in Rio na idinaos sa Brazil.

Matatandaang ipinagpaliban din ng singer noong Hunyo ang nalalabing petsa ng kanyang tour matapos makaramdam ng matinding pagod kasunod ng pakikipaglaban nito sa sakit na Ramsay-Hunt Syndrome.

Sinabi naman ng ovation productions na valid pa rin ang ticket ng mga nakabili na nito para sa bagong petsa ng concert at maaari namang mag-refundang ticket holders .

Sa ngayon ay wala pang inilalabas na bagong petsa, venue at lugar na pagdadausan ng concert ni Bieber.