ENTERTAINMENT

Gumaling na sa covid-19 ang aktres na si Jessy Mendiola.

Ito ang kinumpirma ni Jessy sa kabila ng kanyang pagbubuntis sa unang anak nila ni Luis Manzano.

Ayon sa aktres, September 3 siya nagpositibo sa covid-19 at nakaranas ng sintomas sa loob ng labing-isang araw.

September 13 nag-negatibo si Jessy at bagaman na-expose ang asawang si Luis, hindi ito nahawaan ng virus.

Pinayuhan naman ni Jessy ang mga mommies na patuloy sumunod sa health protocols sa loob ng bahay, lalo na kung may mga kasamang vulnerable.

Sa mga nais matuto ng mga praktikal na learning tips mula sa sikat na ABS-CBN Star Magic talent na si JC Alcantara, samahan siya sa This isKwela “Study With Me” Facebook livestream bukas, September 16, bandang 7:00 ng gabi.

Nabatid na isa itong online education FB community ng Globe kung saan kahit ano pang edad ay maaaring matuto at maka-diskubre ng mga mura, accessible, at ligtas na oportunidad para makamit ang mga pangarap sa buhay.

Sinasabing kasama ito sa suporta ng telco sa United Nations Sustainable Development Goals, partikular ang UN SDG No. 4 na nagsisiguro ng inklusibo at patas na kalidad ng edukasyon at nagtataguyod ng panghabambuhay na pagkakataon sa pag-aaral para sa lahat.

Nag-iimbita ang This isKwela ng mga eksperto at celebrities para magbahagi ng kanilang kaalaman at karanasan para mas maging nakaeengganyo.

Matatandaan na ang unang matagumpay na “Study With Me” class ay pinangunahan ni GMA talent Arianne Bautista.

Sa pagkakataong ito naman, si JC, kilala bilang si Mico Ramos sa Hello Stranger BL web series at bahagi ng Team Globe of Good, ang makakapiling ng mga gustong matuto, kasama ang This isKwela community resident Group Expert na si Angelo “Sir” Sicat.

Inaasahang tatalakayin nila ang personal branding online at kung paano maging career ang mga interest at passion.

Bukod sa mga praktikal na kaalaman, maaari ring manalo ng bagong smartphones ang mga miyembro ng This isKwela na sasali sa livestream.

Ayon kay Yoly Crisanto, Group Chief Sustainability at Corporate Communications Officer ng Globe, gumagamit sila ng digital technologies gaya ng This isKwela para matulungan ang mga Pinoy na mapaganda ang kanilang online presence at social media account branding.

“Kapaki-pakinabang ito para sa career development at sa paghahanap ng oportunidad sa hanapbuhay. Kasama sa pagpapabuti ng personal online presence ang kaalaman tungkol sa ligtas na interaksyon gamit ang internet at ang pagkakaroon ng isang propesyonal na online footprint,” pahayag ni Crisanto.

Bunga nito, hinihikayat ng Globe, bilang isang malakas na tagapagtaguyod ng de-kalidad na edukasyon at paggamit ng teknolohiya para iangat ang buhay, ang lahat na sumali sa This isKwela FB Community.

Bisitahin ang website ng Globe para sa mga karagdagang kaalaman tungkol dito.

Inanunsiyo ng ABS-CBN na hindi matutuloy ang ABS-CBN ball na nakatakda sana ngayong Oktubre a-2.

Sa inilabas na statement ng tv network, pinostpone muna ang event dahil sa mga nangyayari sa kasalukuyan.

Nagpasalamat naman ito sa mga Kapamilya stars, industry partners at mga kaibigan dahil sa walang-humpay na suporta.

Noong September 14, 2019 pa huling idinaos ang ABS-CBN ball na naganap sa Shangri-La the Fort sa Bonifacio Global City.

Nananatiling positibo ang mag-asawang sina Maricar Reyes at singer na si Richard Poon kahit hindi parin nabibiyayaan ng sariling anak.

Nabatid na 9 na taon nang nagsasama ang mag-asawa matapos ikasal noong 2013.

Ayon kay Maricar, sinubukan na nilang mag-asawa ang lahat ng paraan para magkaroon ng anak mula pa noong 2^nd Anniversary nila, pero hindi parin ito ibinibigay sakanila.

Sinabi ni Maricar na sa katunayan, nagpasuri na rin sila sa doktor at wala namang nakitang problema sa kanilang dalawa.

Nilinaw naman ni Maricar na ‘’at peace” parin sila ni Richard kung saan, kanilang hihintayin ang araw kung kailan sakanila ibibigay ng Panginoon ang kanilang hiling na magkaroon ng sariling anak.

Nagsalita na ang aktres na si Barbie Imperial kaugnay sa pag-iisyu sa kanila ni Daniel Padilla.

Nag-ugat ito ng bumisita si Barbie sa bahay ng pamilya ni Daniel, kung saan nakasama pa nito ang ina ng aktor na si Karla Estrada.

Bagaman hindi pinaliwanag ni Barbie kung bakit naroon siya sa bahay ni DJ, inamin nito na nahiya siya kay Kathryn Bernardo noong mga panahong iyon.

Pag-amin pa ni Barbiel, ang kapatid ni Daniel na si Maggie ang sadya niya at hindi ang boyfriend ni Kathryn.

Nilinaw naman ng aktres na hindi siya ang tipo na papatol sa mayroon ng karelasyon.