”There’s no one like you.”
Iyan ang bahagi ng short but sweet birthday message ng aktres na si Rhian Ramos sa kanyang ‘booboo’ na si Sam Verzosa na CEO ng Frontrow enterprise.
Maliban sa message, ibinahagi rin ni Rhian ang isang larawan kung saan makikitang masaya at sweet na sweet ang dalawa.
Noong Hulyo nang kumpirmahin ng aktres ang relasyon nila ni Sam.
Nagkaroon ng surprise appearance si Maris Racal sa concert ng boyfriend nito na si Rico Blanco sa Araneta Coliseum noong Linggo.
Ito ang unang major solo concert ni Rico mula nang magsimula ang pandemya.
Nagmistula namang fangirl si Maris na nagchi-cheer para sa kanyang nobyo sa tuwing nagpeperform ito ng kaniyang mga kanta.
Ibinahagi rin ng actress-singer sa social media, partikular sa instagram stories nito, ang mga video na kuha mula sa concert.
Sa isang video clip, nakakuha pa ng special shout out mula kay Rico at na-feature pa sa screen si Maris nang tanungin ng huli kung nasaan ito.
Nasundan naman ito ng isa pang sweet moment nang kantahin ng dalawa ang kanta ni Maris na “Abot Langit.”
Matatandaang Mayo noong nakaraang taon nang kumpirmahin ni Maris ang kaniyang relasyon kay Rico. —sa panulat ni Hannah Oledan
Sinimulan nang trabahuin ni Zephanie ang kanyang album at concert habang walang palyang pinapasaya ang kapuso fans sa kanyang weekly performances sa Kapuso noontime show All-Out Sundays.
Kinanta ni Zephanie ang Sparkada theme song “Kung Ikaw ang Kasama,” Bolera theme song “Kaagapay,” at Apoy sa Langit theme song “Tunay na Minamahal.” na ayon sa rising pop princess, ay isa sa mga pangarap ng mga singers ang maka kanta ng theme songs
Bukod sa pag-awit, susubukan din ni Zephanie ang galing nito sa pag-arte.
Una nang gumanap sa telenovela ang mang-aawit sa 2012 series ng GMA na Biritera. —sa panulat ni Hannah Oledan
Mariing itinanggi ng actress-singer na si Rita Daniela ang isyung hiwalay na umano sila ng ama ng kaniyang ipinagbubuntis.
Kasunod ito ng kumakalat na balita na nag-break sila ng kaniyang non-showbiz businessman boyfriend na ama rin ng kaniyang baby.
Nabatid na naging usap-usapan sa social media kung sino ang ama ng ipinagbubuntis ni Rita dahil hindi parin nito ipinapakilala sa publiko hanggang sa ngayon.
Ayon kay Rita, walang katotohanan ang balitang hiwalay na sila ng kaniyang boyfriend at ama ng kaniyang baby kaya hindi dapat pinapatulan ang mga nonsense issue na ibinabato sa kaniyang personal life.
Nanawagan ang actress sa mga netizen na huwag agad paniwalaan at suportahan ang mga page na nagpapakalat ng maling impormasyon tungkol sakaniya para lang makakuha ng atensiyon, comments, at likes.
Nilinaw din ni Rita na mas pinili niyang manahimik at maging pribado ang kaniyang personal na buhay lalo na sa kaniyang pagbubuntis dahil hindi naman lahat ng nakikita ng mga tao sa social media ay totoo kaya itigil na ang pagkakalat ng fake news.
Umani ng standing ovation ang Pinoy na aktor na si Billy Crawford matapos ang kanilang dance performance sa French version ng TV show na Dancing with the Stars.
Nakakuha ng four buzzes mula sa mga judge sina Billy at ang kanyang dance partner na si Fauve Hautot nang sayawin nila nang walang-mintis ang ‘Watermelon Sugar’ ni Harry Styles na nakapukaw ng atensyon ng mga manonood.
Dahil rito, automatically qualified na sina Billy at Fauve para sa next round ng kumpetisyon. —sa panulat ni Hannah Oledan
Matapos ang walong taon, muling nagsama sa bigscreen ang KimXi love team o kilalang real life couple na sina Kim Chiu at Xian Lim.
Sa inilabas na trailer nitong Sabado, ipinakita ang isang 2011 hit korean adaptation kung saan, excited na ang lahat sa pagbabalik ng power couple na talagang inabangan ng kanilang mga fans.
Sa darating na Setyembre a-28 ang “always movie” na pagbibidahan ng dalawa ay mapapanood na sa lahat ng sinehan sa ilalim ng VIVA Films.
Ikinuwento ng aktor na si Buboy Villar na malaki ang naitulong ng aktres na si Marian Rivera-Dantes sa kanyang career.
Ayon kay Buboy naging ate niya si Marian noong maging katrabaho niya ito sa palabas na Dyesebel at ngayo’y kumare na niya.
Aniya kung hindi dahil sa tiwala ni Marian at Direk Joyce Bernal ay hindi mabubuo ang Buboy na kanya ngayong screen name.
Matatandaang si Buboy ay naging co-star ni Marian sa iba’t-ibang palabas gaya ng Amaya at Super Inday.
Arestado ang isang vlogger at dalawa pang kasamahan nito matapos ang isinagawang buy-bust operation sa Barangay San Isidro sa San Pablo City Laguna.
Kinilala ng mga otoridad ang mga suspek na sina Jerome Layson, 31, vlogger; Ginalyn Benisa, 30, at Crismark Alimagno, 21, pawang taga-brgy. San Isidro, San pablo city.
Nakumpiska naman ang 9 na medium-sized, heat-sealed transparent plastic bag na naglalaman umano ng high-grade na dahon at buto ng marijuana.
Tinataya namang nasa 2.5 kilo at nagkakahalaga ng P 3,750,000 nasabat na droga.
Nahaharap naman ang mga salarin sa kasong paglabag sa Comprehensive Dangerous Drugs Act of 2002.- sa panunulat ni Hannah Oledan
Bago pa isilang, labis nang pagmamahal ang natatanggap ng unang baby nina athlete Melissa Gohing at aktor na si Rocco Nacino.
Makikita ito sa dalawang Instagram post ng aktor hinggil sa naganap na dalawang baby showers na isinagawa sa magkahiwalay na lugar.
Present sa Part 1 ng baby shower ang respective families ng mag-asawa at ang Q Team na ginanap sa Newport City.
Sunod naman itong isinagawa sa Illo’s home, Greenhills na syang paboritong lugar nina Rocco at Melissa.
Matatandaan na noong Hunyo, una nilang inanunsyo na isang baby boy ang nakatakdang isilang ni Melissa.
Taong 2020 naman nang maging engaged sina Nacino at Gohing, at ikinasal noong January 2021.
Kinumpirma ng Youtube Vlogger at influencer na si Zeinab Harake na in a relationship na siya ngayon.
Ito’y kasunod ng kontrobersyal na paghihiwalay nila ng rapper at social media personality na si Skusta Clee.
Sinabi pa ni Harake na gusto niyang mapanatiling low key ang kaniyang relasyon sa bagong boyfriend para magkaroon ng privacy.
Matatandaang nuong May 8 nang kumpirmahin ni Zeinab ang kanilang paghihiwala matapos ang naging panayam sa kaniya sa youtube channel ng tv host na si Toni Gonzaga.