ENTERTAINMENT

Kinumpirma na ni Markus Paterson na halos isang taon na silang hiwalay ng kaniyang girlfriend at ina ng kaniyang baby na si Janella Salvador.

Kasunod ito ng maging paksa si Paterson sa social media matapos magbitiw ng pahayag tungkol sa pag-iwas sa pakikipagdate sa kasamahan nito sa industriya.

Depensa ng aktor, hindi ito tungkol kay Janella.

Gayunman, inamin ng aktor na mali ang naging interpretasyon niya sa kaniyang sinabi.

Sa ngayon, wala pang pahayag si Janella sa kanilang relasyon ni Markus.—sa panulat ni Hannah Oledan

Nadismaya ang  isang tiktok personality, hinggil sa pagkawala ng kaniyang mga mamahaling gamit nang dumating sa NAIA Terminal 3.

Ayon kay Adrian ‘Ady’ Cotoco, sakay siya ng eroplano ng Etihad Airways galing Madrid, Spain.

Dito niya na nakita na sira ang isa sa kaniyang tatlong maleta na naglalaman ng pasalubong na nagkakahalaga ng daan-daang libong piso.

Agad na nagtungo sa tanggapan ng Etihad Airways si Cotoco at naghain ng police report.

Samantala, humingi naman ng tawad ang Manila International Airport Authority (MIAA) ukol sa insidente.

Depensa ng MIAA, hindi sa pilipinas nasira ang maleta dahil batay sa ginawang imbestigasyon, sa mga foreign airports kung saan nag stop-over si Cotoco papuntang Maynila naganap ang insidente.—sa panulat ni Hannah Oledan

Iginiit ng aktres na si Julia Barretto na hindi siya sensitive pagdating sa mga kumakalat at naririnig niyang balita kina Joshua Garcia at Youtube vlogger na si Bella Racelis.

Sa isang programa sa tv, sinabi ng aktres na ang naging relasyon niya kay Joshua ay nakaraan na, kaya dapat na itong “i-let-go” ng may biyaya at pasasalamat.

Sinabi pa ni Julia na magkaibigan sila ni Joshua at hindi siya nagiging bitter dahil masaya siya kung saan masaya si Joshua.

Dagdag pa ng aktres, na approved din siya para kay Bella kung ito ang magiging happiness ni Joshua.

Matatandaang naging usap-usapan sa social media ang dalawa matapos i-story ni Joshua si Bella sa kaniyang IG account, dahilan para umani ng reaksiyon sa mga netizen.

Sa kabila ng kumakalat na mga larawan nina Joshua at Bella ay wala pang malinaw na kumpirmasyon hinggil sa kanilang real score.

Matapos ang halos 6 na taon, isang big yes na ang sagot ng aktres na si Vilma Santos sa tanong kung babalik na ba ito sa mundo ng pelikula.

Sa instagram post ni Vilma, makikita ang larawan kasama ang direktor na si Erik Matti at Film Producer na si Dondon Monteverde.

Nakasulat pa sa caption ng post na excited na si Vilma sa dalawang film project na nakalinya para sa kaniya.

Tuwang-tuwa rin si Matti sa desisyon ng star for all season lalo’t ito ang unang proyekto na makakasama niya sa pelikula ang aktres.

Noong 2016 huling lumabas sa takilya si Vilma sa family drama film na ‘everything about her’ at hindi na naulit dahil pumasok ito sa mundo ng politika.

Iginiit ng showbiz columnist na si Cristy Fermin na wala silang kinumpirmang balita hinggil sa umano’y hiwalayan nina Heart Evangelista at Chiz Escudero.

Kasunod ito ng kumakalat na isyu na nagsampa umano ng kasong cyberlibel si Senator Chiz Escudero laban kay nanay Cristy at sa isa pang dj ng isang Fm radio station.

Nabatid na nakabase ang nasabing demanda sa “fake news” na ibinalita umano ng dalawa sa isang programa sa radyo hinggil sa relasyon ng senador at ng aktres.

Samantala, sa naging pahayag mismo ni Sen. Chiz, kaniyang sinabi na wala siyang planong kasuhan si Cristy at nais lamang nitong magkaroon ng leksiyon ang lahat ng mga tagapaghatid ng balita.

Dapat parin na kilatisin muna ang mga balita para malaman kung totoo o peke ito dahil maaring makasuhan ang mga nagpapakalat ng “fake news” o maling impormasyon.

Mariing itinanggi ng aktor na si Markus Paterson ang akusasyong kumakalat ngayon sa social media na pinagbubuhatan niya ng kamay ang nakarelasyong actress-singer na si Janella Salvador.

Kasunod din ito ng kumpirmasyon ng singer na siya ay hiwalay na kay Markus at proud na ibinahagi ang pagiging single mom sa anak na si baby Jude.

Sa twitter post ni Markus, kaniyang sinabi na kailanman ay hindi niya nagawang manakit ng isang babae dahil maayos siyang inalagaan at pinalaki ng kaniyang mga magulang.

Matatandaang sinabi ng aktor na kung may isa siyang natutunan sa relasyon, yun ay ang hindi dapat nakikipag-date sa mga taong nasa industriya.

Isinapubliko na ng P-Pop Sensation na SB19 ang petsa ng kanilang nalalapit na world tour.

May tema ang kanilang tour na SB19 WYAT (Where You At).

Sakop ng concert ang iba’t ibang lugar sa Pilipinas at sa buong mundo.

Sa September 17 magaganap ang concert ng SB19 sa Manila, October 1 sa Cebu, October 8 sa Clark at October 15 sa Davao.

Sa international venue naman, magko-concert ang SB19 sa Dubai sa October 29, November 5 sa New York, November 12 sa Los Angeles at November 27 sa Singapore.

Ang limang miyembro o ang bumubuo sa grupong SB19 ay sina, Pablo, Stell, Ken, Justin at Josh.

Kabilang sa recipients ng Outstanding Asian Star Prize sa 17th Seoul International Drama Awards ang aktres na si Belle Mariano.

Kinumpirma ito ng Rise Artists Studio, kung saan si Belle ang kauna-unahang Pinay na nagkamit ng naturang award.

Nabatid na kabilang sa Filipino Nominees sa nasabing kategorya ang screen partner ni Belle na si Donny Pangilinan, gayundin ang Star Magic Artists na sina Charlie Dizon, Dimples Romana, Jake Cuenca, Maris Racal, Kaila Estrada, at Zanjoe Marudo.

Idaraos ang Formal awarding sa Seoul, South Korea, na ipapalabas sa KBS 2TV sa September 22.

Una nang nakuha nina Alden Richards at Dingdong Dantes ang naturang award noong 2019 at 2020.

Nagpasalamat ang on-screen and off-screen couple na sina Kathryn Bernardo at Daniel Padilla o kilala sa kanilang ship-name na “Kathniel” sa kanilang mga tagasuporta na 11 taon nang nakasubaybay.

Makikita sa instagram post ni Bernardo ang larawan nila ni Padilla na hawak ang isang cake na may disenyo ng kanilang animated characters habang tumutugtog sa background ang bersyon ni Padilla ng kantang Grow Old With You.

Una nang nagkatambalan sina Bernardo at Padilla noong 2011 sa youth-oriented series na Growing Up, na nasundan ng Princess and I, Pangako Sa’ yo at La Luna Sanggre.

Kaugnay nito, nagdiwang naman ng ika-sampung anibersaryo ang mag-nobyo noong mayo sa Thailand. —sa panulat ni Hannah Oledan