ENTERTAINMENT

Itinalaga ang pambato ng Pilipinas na si Roberta Angela — o Ro-An — Tamondong bilang isa sa limang 5th runners up ng Miss Grand International 2022 ilang araw matapos ang Grand Coronation Night.
Ito ay matapos mag-resign ni Mauritius Bet Yuvna Rinishta 3 araw matapos makoronahan noong October 25 sa Indonesia.
Ayon kay Miss Grand Mauritius, hindi umano aligned ang pakikitungo ng MGI sa Miss Grand Mauritius at iba pang organisasyon.
Mababatid na nanalo si isabella menin ng Brazil sa naturang pageant habang kabilang lamang si Ro-An sa top 20.- sa panunulat ni Hannah Oledan

Hinirang bilang 4^TH runner-up ang pambato ng Pilipinas na si MJ Ordillano sa katatapos lamang na Mister International 2022.

Idinaos ang grand coronation night nitong October 30 sa New Frontier Theater sa Quezon City, kung saan nagwagi  sa  International male pageant si Manuel “Manu” Franco ng Dominican Republic.

Maliban dito, nasungkit din ni Manu ang Best in Formal Wear award.

Itinanghal na first runner si Mister International India; second runner-up si Mister International Venezuela; third runner-up naman ang pambato ng Hong Kong at fifth runner-up ang pambato ng Spain.

Umani ng iba’t-ibang reaksiyon mula sa mga netizen ang halloween outfit ng ilang beauty queen at showbiz personality.

Ito’y matapos ibahagi ng mga beauty queen at actress-sexy model na sina, Catriona Gray, Nicole Cordoves, Kylie Verzosa, Ivana Alawi, Nadine Lustre, at Siobhan Muylan ang kanilang photo shoot sa kanilang social media account.

Ang nasabing nga litrato ay para sa “#thejellyeugeniodiscoheaven” na sumakto naman ngayong halloween kung saan, kanilang suot ang puting damit habang naliligo sa red fake blood.

Hinangaan naman ng mga netizen ang mga beauty queen partikular na si Catriona dahil sa kakaiba at padairing shoot na kaniyang ginawa.

Nahimatay sa ere ang award winning vlogger na si Wil Dasovich.
Ito ay matapos ang makapigil hiningang pagtalon nito sa Verzasca Dam sa Ticino, Switzerland na pinakamalaking bungee jump site sa mundo.
Ayon sa vlogger, ito ang unang beses na nawalan ito ng malay nang hindi dahil sa alak.
hinangaan naman ang video ni Wil ng ilang sikat na personalities tulad nina Nico Bolzico at Troy Montero.
Kamakailan lang ay itinanghal na kampeon si Wil sa “world vlog challenge” na ginanap sa Nepal kung saan nirepresenta niya ang bansa at tinalo ang ibang content creators mula sa iba’t ibang panig ng mundo. —mula sa panulat ni Hannah Oledan

Humingi ng tawad ang aktres-singer na si Sarah Geronimo mula sa kanyang pamilya matapos ang 2 taong kasal sa kanyang asawa na si  Matteo Guidicelli.

Ibinahagi ni Sarah sa kanyang instagram account ang isang sulat para sa kaniyang pamilya, fans, manager at publiko.

Sinabi ng aktres sa kanyang post, na gusto niyang kunin ang pagkakataon na ito para humingi ng tawad sa kanyang pamilya na labis na nasaktan sa kanyang naging desisyon sa buhay.

Pinasalamatan din ng aktres ang kaniyang mga magulang sa pagpapalaki sa kaniya at kaniyang mga kapatid

Kabilang din ang kaniyang mga fans at manager.

Matapos nito, nagpaalala naman si Sarah sa mga tao na ipakita ang kanilang pagmamahal sa mga mahahalagang tao. - sa panunulat ni Jenn Patrolla

Pinabulaanan nina Gabbi Garcia at Khalil Ramos ang mga tsismis na sila ay engaged na.

Nilinaw ni Khalil na hindi pa at may perfect timing para sa kasalan.

Gayunpaman, tiyak na kasal ang nasa isip ng magkarelasyon.

Ayon kay Khalil, ayaw nila  ng  premature na pag-iisip at gusto nila ng tamang timing.

Para naman sa aktres, 30 years old ang plano niyang edad para magpakasal.

Happy dating pa ang magkarelasyon at ine-enjoy ang kanilang dating stage. —sa panulat ni Jenn Patrolla

Baby boy ang first baby ng South Korean celebrity couple na sina Son Ye Jin at Hyun Bin.

Sa statement ng agency ni Ye Jin, nakasaad na nakatakdang manganak ang aktres sa Disyembre at maayos ang kalusugan nito.

Matatandaang noong Hunyo nang ianunsyo ng celebrity couple na magkakaroon na sila ng baby.

March 31, 2022 nang ikasal ang dalawa sa Aston House sa Grand Walkerhill Hotel sa Seoul.

Kinumpirma ng singer na si Selena Gomez na nagpositibo siya sa COVID-19

Ibinahagi ng “Lose You to Love Me” singer sa Instagram na dahil dito ay kinansela niya ang nakatakda sanang guesting sa “The Tonight Show Starring Jimmy Fallon.”

Sa ngayon aniya ay nagpapahinga siya at tiniyak sa kanyang fans na maayos ang kanyang kalagayan.

Pinaalalahanan naman ng singer ang kanyang fans na nariyan pa rin ang COVID-19 at dapat na tumanggap na ng booster shot.

Ibinahagi ng aktres at first time mom na si Angelica Panganiban ang first family portrait nila kasama ang fiance nitong si Greg Homan at ang newborn daughter nito na si Amila Sabine.

Sa isang photo makikita ang kanilang anak na suot ang engagement ring.

Sa isa namang photo ay makikitang magkahawak kamay ang mag-anak habang suot ni Angelica ang singsing.

Matatandaang kamakailan ay ipinakita na ni Angelica ang mukha ng anak nito sa publiko makaraan ang ilang linggo na pasulyap lamang ang pagpapakita kay “Baby Bean.” –  sa panulat ni Hannah Oledan