ENTERTAINMENT

Inamin ng Eat Bulaga host na si Maine Mendoza na napapagod na itong mag-explain sa ilang fans ng ALDUB na dati nilang tambalan ng Kapuso star na si Alden Richards tungkol sa totoo nilang estado.

Sa interview kasama ang manager nitong si Ogie Alcasid kamakailan, inamin ni Maine na may iilang fans pa rin ang kumakapit sa imahinasyon na totoo ang ALDUB at mag-asawa ito at may-anak na.

Kinuha naman ni Maine ang oportunidad na sabihing walang katotohanan ang mga haka-haka tungkol sa kanila ni Alden.

Sa ngayon ay masaya ang TV host-comedienne sa kanyang career at love life.

Mababatid na na-engage si Maine noong July 2022 sa kanyang actor-politician Boyfriend na si Arjo Atayde makalipas ang tatlong taon nilang pagiging magkarelasyon. —sa panulat ni Hannah Oledan

Engaged na si Robi Domingo sa kanyang non-showbiz girlfriend na si Maiqi Pineda.

Naganap ang proposal sa Shibuya Crossing sa Tokyo, Japan kahapon.

Una nang plinano ng kapamilya host na isagawa ang marriage proposal sa New York pero dahil sa conflict of schedule ay binago niya ito.

Si Robi at Maiqui ay batchmates sa Ateneo De Manila University.

October 2020 nang magkita ulit ang dalawa kung kailan parehas na silang single.

Hindi naman tinukoy ng aktor kung kailan sila naging magkarelasyon ni Maiqui, pero unang lumabas ang balitang nagde-date ang dalawa noong September 2018.

Samantala, kasama naman nina Robi at Maiqui sa halloween break kasama ang ilang malapit nito na sina Kathryn Bernardo, Daniel Padilla, Ria Atayde, Zanjoe Marudo at Joshua Garcia na nakasaksi sa proposal. —sa panulat ni Hannah Oledan

Nagsampa ng tatlong kaso ang sexy star na si Debbie Garcia laban sa Kapamilya actress na si Barbie Imperial matapos umanong saktan siya nito.

Inihain kahapon ng Viva starlet sa Quezon City Prosecutor’s Office ang slight physical injuries case, grave oral defamation at grave slander by deed laban kay Barbie.

Matatandaang nakunan ng CCTV ang naganap na confrontation sa pagitan ng dalawang aktres na nag-trending pa sa social media.

Sinasabing pinagselosan umano ni Barbie si Debbie noong sila pa ng aktor na si Diego Loyzaga, kung saan naging on-screen partner ni Debbie ang aktor sa Vivamax film na “The Wife.”

Sa ngayon ay wala pang pahayag ang kampo ni Barbie sa nasabing insidente. —sa panulat ni Hannah Oledan

Nasaksihan ni Kim Atienza o kilala rin bilang “Kuya Kim,” ang naganap na stampede sa Itaewon, South Korea.

Naroon ang mamamahayag kasama ang kaniyang team para sa unang anibersaryo ng kanilang programang “Dapat Alam Mo!” kung saan may live coverage sana ito para sa Halloween parade, na isang tradisyon sa nasabing bansa ngunit nauwi ito sa isang trahedya.

Ayon kay Kuya Kim, mula nang nag-umpisa ang party ay nagdagsaan na ang mga kabataang Korean at ibang foreigner hanggang sa namalayan nalang niya ang nagsidatingang ambulansya at fire truck.

Base sa naging obserbasyon ni Kuya Kim, wala umanong crowd control at naging complacent ang pamahalaan ng South Korea.

Sa pinakahuling datos, nasa 151 na ang nasawi, 19 dito ang foreigners at isang sikat na South Korean actor.
Samantala, nakapagtala rin ng 82 na taong sugatan, at 19 sa mga ito ang seriously injured. —sa panulat ni Hannah Oledan