ENTERTAINMENT

Consistent ang aktres na si Julia Montes sa pagpapaabot ng birthday message para sa kaniyang rumored boyfriend na si Coco Martin.

Sa instagram post na ibinahagi ni Julia sa kaniyang instagram account, isinulat nito ang caption na ‘continue to be you’ ; Happy birthday.

Kahapon nang ipinagdiwang ni coco ang kaniyang ika-41st birthday.

Noong nakaraang taon, kasama rin ni Coco si Julia sa pagdiriwang nito ng kaarawan na may kasama pang sweet at lengthy message.

Viral ngayon ang isang video ng isang netizen matapos ipost nito sa social media ang pagharang ng isang ulo ng manonood habang kinukunan nito ang isang basketball game sa isang court.

Makikita kasi sa video ni Romeo Luis San Pedro, na habang nagvivideo ito ay biglang sumilip ang ulo ng isang manonood at hindi nakita kung pumasok ba ang bola o hindi.

Saad naman nito sa kanyang caption ay “ganda ng laban. Hulaan niyo na lng kung pumasok o hindi” saad naman ni Romeo sa kanyang post.

Samantala, umabot naman sa mahigit isang milyong views ang naturang video.

Nagsama ang trio na Dolainab na binubuo nina Donnalyn Bartolome, Jelai Andres, at Zeinab harake sa isang halloween photo.

Ito ay matapos ang kaliwa’t kanang pambabatikos na natanggap ni Zeinab dahil sa diumanoy pangba-backstab sa mga kaibigan.

Makikita ang photo na inupload ni donna na naka “Powerpuff girls” theme ang mga ito para sa kanilang collaboration.

Kasama ni zeinab ang kaniyang anak na si bia na ginagaya ang karakter ni Mojo Jojo.

Samantala, iba’t ibang komento ang natanggap ng dolainab mula sa mga netizen pero ang importante anila ay nagkasama-sama sila.

Isang sementeryo, inililibing ang mga alagang hayop

Maliban sa mga aso at pusa, inililibing din dito ang mga isda at iba pang hayop sa karagatan.

Itinayo ang fish cemetery ng Bureau of Fisheries and Aquatic Resources sa Dagupan City nuong 1999.

Katulad ng ibang sementeryo, may lapida rin ang mga inililibing sa nabanggit na fish cemetery.

Itinalaga ang pambato ng Pilipinas na si Roberta Angela — o Ro-An — Tamondong bilang isa sa limang 5th runners up ng Miss Grand International 2022 ilang araw matapos ang Grand Coronation Night.
Ito ay matapos mag-resign ni Mauritius Bet Yuvna Rinishta 3 araw matapos makoronahan noong October 25 sa Indonesia.
Ayon kay Miss Grand Mauritius, hindi umano aligned ang pakikitungo ng MGI sa Miss Grand Mauritius at iba pang organisasyon.
Mababatid na nanalo si isabella menin ng Brazil sa naturang pageant habang kabilang lamang si Ro-An sa top 20.- sa panunulat ni Hannah Oledan

Hinirang bilang 4^TH runner-up ang pambato ng Pilipinas na si MJ Ordillano sa katatapos lamang na Mister International 2022.

Idinaos ang grand coronation night nitong October 30 sa New Frontier Theater sa Quezon City, kung saan nagwagi  sa  International male pageant si Manuel “Manu” Franco ng Dominican Republic.

Maliban dito, nasungkit din ni Manu ang Best in Formal Wear award.

Itinanghal na first runner si Mister International India; second runner-up si Mister International Venezuela; third runner-up naman ang pambato ng Hong Kong at fifth runner-up ang pambato ng Spain.