ENTERTAINMENT

Inamin ng aktor na si JM de Guzman na may paghanga ito sa singer-vlogger na si Donnalyn Bartolome.

Ito ay matapos ang surprise birthday party na inihanda ni Donnalyn para kay JM noong October 5 na ikinakilig ng karamihan.

Ayon sa aktor, nagpaparamdam ito ng pagtingin para kay Donnalyn ngunit sa ngayon aniya ay nananatili silang malapit na magkaibigan.

Nagkasama si JM at Donnalyn sa kampanya sa eleksyon para sa Probinsyano Party-List at sa ilang vlog collabs mula nang pasukin ni JM ang mundo ng vlogging noong Hunyo.

Paglalarawan ng aktor kay Donnalyn, sobrang bait, talino, headstrong, wise, responsible, at independent nitong tao.

Hinangaan ng netizens ang istilo ng isang mason na si Marvin Cabaccang dahil tila ba nag-a-acrobat ito sa kanyang trabaho.

Ito kasi ang paraan ng madiskarteng si marvin upang hindi matapakan ang sahig at ‘di bumakat ang paa sa kanyang ginagawa.

Isang netizen naman ang napacomment at sinabing “Wag mong galingan baka ma regular ka sa ginagawa mo.

Kilo-kilometrong layo ang naabot ng popstar royalty na si Sarah Geronimo nang maipaskil ang billboard nito sa Times Square sa New York.

Tampok ang larawan ni Sarah sa digital display bilang Philippine Ambassador ng ‘Equal’ na programa ng leading music streaming platform na Spotify.

Ayon sa popstar, dedicated ito para i-foster ang equity sa mga kababaihan sa industriya ng musika at ipagdiwang ang kanilang kontribusyon.

Bumida sa digital display ang larawan ni Sarah g mula sa kanyang photoshoot para sa comeback song nito na “dati-dati.”

Pinasalamatan naman ni Sarah ang Spotify para sa oportunidad na ibinigay nito sa kanya. –  sa panulat ni Hannah Oledan

Ini-release na ng singer-songwriter na si Jason Hernandez ang panibagong kantang ‘All I Can Do’ limang buwan matapos i-anunsiyo ang hiwalayan nila ng asawang si Moira Dela Torre.

Ang kanta ni Jason ay tila may hugot tungkol sa pagsisisi, pag-amin at pagpaparaya nito sa taong mahal dahil sa isang pagkakamali.

Nitong mayo ay inamin ni Jason ang pagiging “unfaithful” nito sa kay moira sa tatlong taon nilang pagsasama.

Samantala, inulan din ng spekulasyon si Moira nang i-release naman nito ang kantang “Babalik Sayo,” pero ayon sa singer, kanta lamang ito at bawal ang maging marupok. –  sa panulat ni Hannah Oledan

Nabili ng isang Thai billionaire ang Miss Universe Organization kasama ang dalawa pang USA-based pageants na miss USA at miss teen USA.

Hawak na ngayon ng JKN Global Group Public Company Limited o JKN Global Group PCL na pinamumunuan ng celebrity media tycoon at transgender rights advocate na si Jakapong “Anne” Jakrajutatip na ceo at biggest shareholder ng naturang kumpaniya.

Matatandaang ibinebenta ang nasabing organization sa halagang 20 million dollars o katumbas ng 1.1 billion pesos pero nabili lamang ito ng JKN company sa halagang 14 million dollars.

Ayon kay Jakapong, kanilang palalakasin ang nasabing organisasyon upang maipagpatuloy ang legasiya nito sa pagbibigay ng plataporma sa bawat indibidwal hindi lang sa ibat-ibang uri ng kultura, at tradisyon, kundi pati na rin sa pagpapaunlad nito para sa susunod pang henerasyon.

Sa darating na January 2023, nakatakdang ganapin ang Miss Universe 2022 sa New Orleans, Louisiana, America kung saan, inaasahang dadalo ang mga delegado mula sa walumput limang bansa kabilang na ang Pilipinas na pangungunahan ni Miss Universe Philippines 2022 Celeste Cortesi.

Pinagkaguluhan sa soical media ang naging kissing scene nina Janella Salvador at Joshua Garcia sa kapamilya teleserye na “Darna”

Makikita sa episode nito na pumunta si Joshua sa opisina ni Janella para bigyan siya ng rosas at manligaw.

Marami namang netizen ang nag-react sa eksena ng dalawa.