Trending ngayon sa social media ang isang marine student matapos humataw sa pagsayaw sa kanilang P.E. class.
Batay sa ibinahaging video ng isang netizen na si Kent Jaravilla , kitang-kita ang cute na cute na pagsayaw ni Dave Onidnes habang pinapatugtog ang girl in the mirror ni Sophia Grace.
Ang naturang pagsayaw kasi ni Dave ay para kasi sa kanilang P.E class kung saan sa caption ni kent “98 agad” ang marka nito.
Sa ngayon pumalo na agad sa 3M views ang naturang video.
Kumalat ang tsismis sa YouTube na buntis umano ang aktres na si Sunshine Cruz sa pang-apat na anak nila ng kanyang ex-husband na si Cesar Montano.
Ibinahagi ng aktres na may mga nagco-congratulate sa kanya dahil ‘di umano’y pagbubuntis at pagpapakasal sa aktor.
Sinabi ng aktres, pinadalhan siya ng ilang video tungkol sa kumakalat na pekeng balita kaya naman ito’y nagtaka dahil may mga bumabati.
Ni-reshare ni Sunshine ang mga nasabing video sa kanyang personal account at pinabulaaan ang mga kumakalat na balita.
Itinanggi ng aktres na walang katotohanang buntis at magpapakasal sa kanyang ex-husband. –mula sa panulat ni Jenn Patrolla
Agaw-eksena ang ilang Sparkle artists at online personalities sa kauna-unahang ‘The Sparkle Spell’ Halloween Ball, kung saan ibinida ng mga ito ang kani-kanilang “scariest, sexiest, and most stylish costumes.”
Kabilang sa mga nakatanggap ng award ay ang ”Start-Up PH” star na si Alden Richards na hinirang bilang best dressed male artist habang best dressed female artist naman si Andrea Torres.
Best dressed couple naman sina Gabbi Garcia at Khalil Ramos na nag-ala Britney Spears at Justin Timberlake.
Natanggap naman ni Miguel Tanfelix ang award para sa scariest costume habang may sexiest costume naman si Michelle Dee.
Hinirang naman bilang Star of the Night si Sofia Pablo at
Tiktok crowd favorites naman sina Sassa Gurl at Ken Chan.
Magkasama ang ex-couple na sina Janella Salvador at Markus Paterson sa ginanap na baptismal at 2nd birthday party ng anak nilang si baby Jude.
Makikita sa instagram account nina Markus at Janella, binati nila ang kanilang anak sa kaarawan nito.
Batay naman sa post ng nanay ni Janella na si Jenine Desideriosa Santuario De San Antonio sa Forbes park ginanap ang binyag ni baby Jude at isinagawa naman ang party sa ibang venue.
Maraming netizen naman ang natuwa na magkasama sa isang frame ang magulang ni baby Jude kung saan magandang memories ito para sa bata na makitang kumpleto silang tatlo.
Tinapos na ni Un-kabogable Vice Ganda at Idol Philippines Season 1 grand winner na si Zephanie Dimaranan ang isyu sa pagitan nilang dalawa.
Ito’y matapos sabihin ng TV host na manatili raw muna ito sa kanilang network.
Magugunitang, ini-ugnay ng mga netizen kay Zephanie ang parinig ni Vice Ganda bilang payo sa susunod na Idol winner.
Nilinaw naman ni Zephanie na ang kanyang paglipat sa kabilang network ay dahil inabutan siya ng pandemic at wala raw gaanong trabaho sa naturang network.
Nagulat naman si Vice dahil may isyu umano sa kanila kung saan hindi alam ng ibang tao na ipinaglaban ni Vice Ganda ito nuong panahon niya sa Idol PH Season 1.
Nagpasikat ang 5 K-pop groups sa kanilang performances sa I Pop U in Manila nitong nakalipas ng Biyernes ng gabi.
Sinalubong ng hiyawan ang K-pop girl group na Alice mula sa high energized fans na dumalo sa Smart Araneta Coliseum.
Memorable ito sa Xdinary Heroes na nagpamalas ng kanilang kauna-unahang performance sa Pilipinas.
Nagpakitang gilas din ang Golden Child sa pamamagitan ng stylish dance moves. Habang game na game ding kumasa sa mga challenges ang grupong Wayv.
Ginulat naman ng NCT Dream ang kanilang Pinoy fans sa kanilang hit songs performance na Hot Sauce at Beatbox.
Nagpahatid ng pasasalamat ang limang grupo sa suporta at mainit na pangtanggap sa kanila. – sa panunulat ni Maze Aliño- Dayundayon
Nanalo bilang all-time favorite love team sina Kathryn Bernardo at Daniel Padilla sa Jeepney TV fan awards.
Pinangalanan ng mga kapamilya fans bilang fave fantaseryes ang kanilang serye na “La Luna Sangre” habang got to believe ay nakakuha ng “fave teleserye win” para sa dekadang 2012 to 2021.
Sa pagdiriwang ng ika-10 taon nito sa industriya, in-stream ng Jeepney TV, ito ay ang JTV Fan favorite awards sa Facebook, Tiktok, at Youtube upang obigyan ng parangal ang mga sikat na palabas ng ABS CBN.
Samantala nakakuha din ng ibang awards ang ilang pelikula at teleserye ng kapamilya. - sa panunulat ni Jenn Patrolla
Dumating na ang South Korean actress na si Park Eun-Bin sa Manila kanina.
Base ito sa post ng Manila International Airport Authority (MIAA) na dumating ang actress sakay ng korean airlines flight KE621 sa NAIA terminal 1.
Gaganapin naman bukas ang pinakauna nitong Asian fan meet tour na “Eun-Bin Note: Binkan” sa New Frontier Theatre sa Quezon City.
Matatandaang si Eun-Bin ang gumanap na bida sa tinutukang K-drama na “Extraordinary Attorney Woo” kung saan isa siyang lawyer na may asperger’s syndrome.
Bibida ang kapamilya actress na si Andrea Brillantes sa isang international project.
Ayon sa aktres, dapat itong abangan ng mga manonood dahil iba ang tema nito kaysa sa mga nagdaang proyekto.
Dagdag pa ni Andrea, mga kapwa artistang Pinoy rin ang kasama nito sa kanyang international project.
Sa ngayon, tikom pa ang bibig ng aktres hinggil sa ginawang proyekto sa bansang Thailand dahil sa confidentiality nito ngunit tiniyak ni Andrea na hindi ito drama na kadalasang pinagbibidahan nito. —sa panulat ni Hannah Oledan
Inanunsyo ng Metro Manila Development Authority (MMDA) na walong pelikula ang nakapasok sa opisyal na entry sa ika-walong Metro Manila Film Festival (MMFF).
Ang walong pelikulang napili mulka sa mahigit 20 ay ang:
Sa ilalim ng temang “Balik Saya sa MMFF 2022,” hinimok ng MMDA at MMFF concurrent acting Chairman Engineer Carlo Dimayuga III ang mga moviegoers na suportahan ang programa na ilang taon nang bahagi ng christmas tradition ng mga Pilipino. Magsisimula ito mula December 25 hanggang January 7, 2023. – sa panulat ni Hannah Oledan