ENTERTAINMENT

Pasok si Pinoy actor Jon Jon Briones sa Beauty and the Beast special sa ABC.

Ayon sa The Hollywood reporter, gagampanan ni Briones ang papel ni Maurice na ama ni Belle.

Si Maurice ay isang inventor na binabatikos ng mga villagers dahil sa paggawa ng anila’y kakaibang devices at nang mawala ito sa isang gubat at nakapasok sa kaharian ni Beast, si Maurice ay nakulong dahil sa trespassing.

Si Briones ay nakilala sa kanyang role sa ratched at american horror story: Apocalypse.

Gaganap namang Belle ang Pinoy American Grammy winner na si HER na siya ring producer at bahagi rin ng cast sina Josh Groban bilang Beast, Martin Short, David Alan Grier, Shania Twain, Joshua Henry, Leo Abelo at Rizwan Manji samantalang narrator naman si Rita Moreno.

Ikinatuwa ng comedy genius na si Michael V ang naging obserbasyon ng mga netizens sa isang post kung saan highlight ang pagiging magkakamukha nila ng mga anak nitong sina Brianna at Migo.

Ayon sa mga netizens, tila ginawa sa photo shop ang viral family picture ng aktor kung saan hindi lang doble, kundi trumiple pa ang mukha ni Bitoy.

May mga nagsasabi rin na puwede na nilang gampanan ang Bubble Gang segment na Bitoy, Itoy at Bebang na segment ng aktor.

Samantala, sinabi ng aktor na nakadepende ito sa kagustuhan ng kanyang mga anak ngunit aniya, ang mahalaga ay makapagtapos muna ito ng pag-aaral.

Mababatid na naimbitahan na bilang guest si Brianna sa Bubble Gang noon at ngayon ay kabilang naman ito sa Filipino adaptation ng Korean drama na start up. —sa panulat ni Hannah Oledan

Itinanghal na ”Biggest Earning Instagram User” sa Pilipinas noong 2021 ang beauty queen-actress na si Pia Wurtzbach.

Ayon sa Net Credit, isang online personal lender na naka-base sa Chicago, tanging si Queen P ang Filipino celebrity na nakapasok sa listahan.

Batay pa sa Chicago-Based Lender Group, nakalikom ang Miss Universe 2015 ng USD 3,669,205 o nasa P216 million sa Instagram noong nakaraang taon.

Samantala, nanguna sa naturang listahan ang football superstars na sina Cristiano Ronaldo ng Portugal habang pumangalawa naman si Lionel Messi ng Argentina.

Napabilang din sa listahan ang ilan pang international stars tulad nina Ellen Degeneres, Justin Bieber, Dua Lipa, at Lisa at Jisoo ng Blackpink.

Maglalabas ng bagong single na “Pueda Ba” ang aktres-singer na si Maymay Entrata sa Biyernes, October 21.

Ipapalabas din ang music video para sa bagong single sa Biyernes ng alas-7:00 ng gabi.

Follow-up ang “Pueda Ba” sa hit na “Amakabogera”.

Kamakailan, hinirang si Entrata para sa Best Asia Act in the 2022 MTV Europe Music Awards (EMA), kasama ang Niki ng Indonesia, Silvy ng Thailand, The Rampage from Exile Tribe ng Japan at Tomorrow x Together ng South Korea.

Samantala, pwedeng bumoto ang mga fans ng kanilang paboritong artist para manalo sa kanilang kategorya hanggang Nobyembre 9. —sa panulat ni Jenn Patrolla 

Kinumpirma ng aktres na si Maxene Magalona na hiwalay siya sa kanyang asawa na si Rob Mananquil.

Nagpost si Maxene ng pictures niya na suot ang kanyang wedding gown na ginamit niya noon sa Boracay.

Sa caption ng kanyang post, nagbahagi siya ng “7 ways to move on after a break-up”.

Matatandaan nitong January, pumutok ang balitang hiwalay na sila ngunit, ngayong Oktubre lang niya inanunsyo na single na ang aktres.

Magpopokus na muna sa sarili ang aktres at ipagdarasal para sa sarili na tuluyang maghilom ang sakit na dala ng nasirang pasasama.  —sa panulat ni Jenn Patrolla