ENTERTAINMENT

Sasabak para sa Miss International Crown Competition ngayong taon si Binibining Pilipinas International 2021 Hannah Arnold.

Ito ang kinumpirma ng Binibining Pilipinas Organization kung saan, gaganapin ang kompetisyon sa December 13, 2022 sa Tokyo, Japan.

Sa Facebook post ng organisasyon, kanilang ibinahagi ang official photo ni Hannah para sa Binibining Pilipinas Send-off 2022 na nakatakdang ganapin ngayong araw.

Agad namang nagpaabot ng pagbati at suporta ang iba pang mga Pinay Beauty Queens at tiwalang masusungkit ni Hannah ang korona para sa bansa.

Viral ngayon ang isang video kung saan makikita na nilamon ng buo ng isang 18 ft na python ang isang 5 ft na buwaya sa Amerika.
Batay sa video, hinati ang tiyan ng sawa at doon na sumambulat ang buong-buo pa na katawan ng buwaya at hindi pa ito nalulusaw.
Isa ang Burmese Python sa mga pinakamalaking uri ng ahas sa buong mundo.

Nag-aalala ang talk show host na si Cristy Fermin sa ilang ALDUB fans na patuloy na iginigiit na mag-asawa at may anak sina Alden Richards at Maine Mendoza.
Ayon kay Cristy, dapat ay magpatingin na aniya sila sa doktor dahil hindi na pangkaraniwan ang iginigiit at pinaniniwalaan ng mga ito.
Una rito, magugunita na may ilang ALDUB fans na may edad na ang nagalit matapos ang panayam ni Maine kay Ogie Diaz kung saan iklinaro nito na walang katotohanan ang kanilang iginigiit.
Matatandaang itong 2015 nang sumikat ang ALDUB kung saan aksidenteng nabuo ang tambalan sa kalyeserye ng noontime show na Eat Bulaga.
Sa kasalukuyan ay engaged na si Maine sa kaniyang Actor-Politician Boyfriend na si Arjo Atayde. - sa panunulat ni Hannah Oledan 

Ibinahagi ng aktres na si Roxanne Barcelo sa instagram ang family photo nila ng kaniyang mister na si Jiggs at first born na si Baby Cinco na ayon sa mga netizens at fans ay mala-pocketbook cover ang dating.

Sa caption ng kanyang post, nagpasalamat si Roxanne kay Jiggs sa patuloy nitong pagpaparamdam sa kanya na siya ay “phenomenal, worthy at enough.”

Ikinwento rin ni Roxanne na siya ay kasalukuyang nasa 3^rd trimester na ito ng pagbubuntis at araw-araw ay nakatatanggap ito ng morning kisses mula sa kanyang mag-ama

Kaya naman hindi na napigilan ng netizens na tawagin itong babaeng pinagpala sa lahat dahil sa maganda nitong pamilya na maihahalintulad sa mga nababasa sa mga nobela.

Matatandaang Disyembre 2020 nang inanunsiyo ni Roxanne na ikinasal na ito habang isang buwan matapos ang rebelasyon ay ibinalita naman nito sa kanyang youtube vlog na magkakaanak na sila. – sa panunulat ni Hannah Oledan

Nag-trending ang Instagram story kamakailan ng model-beauty queen na si Maureen Wroblewitz kasama ang isang lalaki na pinaniniwalaang bagong Boyfriend nito.

Sa video na ibinahagi ni Maureen, makikitang nakatalikod ang dalawa at sweet na sweet habang nasa duyan sa Siargao.

Sa isa pang IG Story ng Miss Universe Philippines 2021 1st Runner-Up, makikitang nakahiga ito sa couch habang nagpapa-acupuncture katabi ang ‘Mystery Guy’ kasama ang kanilang mga kaibigan.

Naispatan din ang dalawa sa Instagram page ng ‘Boost Siargao’ na sakay naman ng Electric bike.

Samantala, naging isyu sa mga netizen ang IG post ng singer na si Juan Karlos Labajo, na Ex-Boyfriend ni Maureen.

Makikita sa larawan na kayakap ni JK ang isang pusa at may caption na “‘yung tipong mamahalin mo pa rin siya kahit ‘di ka niya mahal.”

Umani naman ito ng iba’t ibang reaksyon at umugong ang mga espekulasyon na tila affected pa rin ang singer.

Matatandaang noong June 10 nang ianunsyo nina JK at Maureen ang kanilang paghihiwalay para sa kanilang ”Personal Growth.”

Humingi ng paumanhin sa publiko ang Miss Planet International Organization makaraang iurong ang petsa ng nasabing kompetisyon.

Matatandaang una nang nanindigan ang organisyon na kanilang itutuloy ang kompetisyon na gaganapin sana sa Nobyembre a-19 sa Uganda pero ipinostpone ang worldwide competition.

Nabatid na bigong ilatag ng organisasyon ang mga requirements dahilan kaya inilipat sa January ng susunod na taon ang pageant na gaganapin naman sa Kingdom of Cambodia.

Nagpaabot naman ng dispensa ang Miss Planet International Organization sa mga delegada at kani-kanilang team dahil sa abalang idinulot ng kanselasyon.

Nagdiwang ng kanilang 1st wedding anniversary ang mag-asawang sina Ellen Adarna at Derek Ramsay sa Peru.

Kung saan makikita sa instragram post ni Ellen ang larawan nang tila muling pagpapakasal nilang dalawa na may caption na ‘today, we got married again’

Ito’y sa pamamagitan ng peruvian despacho ceremony sa pangunguna ng isang local shaman na makikita sa larawang post ng aktres

Magdaragdag ng marami pang tickets ang Eraserheads para sa Reunion Concert sa December sa SMDC Festival Grounds sa Parañaque City.

Ito’y inanunsyo ng grupo matapos agad na masold-out ang mga tickets nakaraang buwan.

Magkakaroon din ng mas malaking venue capacity para sa General Admission section.

Bukod pa rito, nagkakahalagang 1,222 ang General Admission tickets.

Inabisuhan naman ang publiko na huwag nang palagpasin ang concert dahil may natitira pang tickets para sa expanded sections at Gen Ad. —sa panulat ni Jenn Patrolla

Pumanaw na ang Author-Journalist na si Beth Day Romulo, ang butihing maybahay ni late former Foreign Affairs secretary Carlos P. Romulo.

Sa Facebook post ni Maritina Romulo, kinumpirma nito ang pagyao ng kanyang lola o grandmother sa edad na 98.

Ayon kay Maritina, iaanunsyo sa takdang oras ang iskedyul ng memorial services ng kanyang yumaong lola sa pamamagitan ng Carlos P. Romulo Foundation.

Hiling naman ni Maritina sa publiko na magbigay na lamang ng donasyon sa foundation na itinatag ng kanyang lola at lolo, kesa magpadala ng bulaklak.

Ipinanganak si Beth Romulo sa Estados Unidos, noong May 25, 1924 at nagtrabaho dito sa Pilipinas bilang Associate Editor ng Manila Bulletin at naging author ng ilang aklat gaya ng “Grizzlies in their backyard” at “The Writer, The Lover and The Diplomat.”