ENTERTAINMENT

Itinanghal na Best Actress si Kylie Verzosa matapos ang naging pagganap nito sa pelikulang “The Housemaid.”

Sa Instagram post ng Miss International 2016, makikita sa ibinahagi nitong video ang kanyang labis na kagalakan nang matanggap ang tropeo sa ginanap na Distinctive International Arab Festivals Awards (DIAFA) 2022 sa Dubai, United Arab Emirates.

Suot ang eleganteng black gown, itinaas ni Kylie ang kanyang award at sinabing isa aniya itong dream come true.

 Itinuturing aniya na malaking karangalan ang muling ipresenta ang ating bansa.

Na-promote na ang vlogger na si Cong TV o Lincoln Velasquez mula sa pagiging “kapitbahay” bilang fiance ng long-time girlfriend nito na si Viy Cortez.

Ito’y matapos mag-propose si Cong TV noong October 27 kasabay ng 31st birthday celebration nito at binyag ng kanilang anak na si Zeus Emmanuel o mas kilala bilang si baby Kidlat.

Kasabwat ang kanyang bayaw na si Boss Keng, idinaan ni Lincoln sa laro ang proposal kay Viy at kinuntsaba ang mga guest na mag video selfie na nagsilbing pagkakataon para kay Cong na alukin ng kasal si Viy.

Kita naman sa kani-kaniyang video selfie ng mga guest ang kanilang raw reactions sa surpresa ng social media influencer.

Ibinahagi naman ni Viy sa isang Facebook post ang isang sweet photo kung saan makikitang suot nito ang kanyang engagement ring.

Samantala, mapapanood ang buong video ng proposal ni Cong sa kanilang vlog na “Viy Day.” —sa panulat ni Hannah Oledan

Dinepensahan ng Actress at YouTube vlogger na si Jelai Andres ang kaibigang si Zeinab Harake laban sa walang tigil na pambabatikos ng mga netizen.

Matatandaang isa si Jelai sa nadawit sa personal na away ng vlogger na si Wilbert Tolentino at Zeinab.

Matatandaang inilabas ni Wilbert ang screenshot mula sa chat ni Zeinab kung saan, kaniyang sinabi na si Jelai ang pinaka sabaw sa kanilang magkakaibigan.

Dito na umani ng pambabatikos mula sa mga netizen si Zeinab na agad namang binack-upan ni Jelai.

Ayon sa FaceBook post ni Jelai, nauunawaan niya ang kaniyang kaibigan at wala siyang kinikimkim na galit kay Zeinab.

Viral ngayon sa social media ang isang netizen matapos itong maghatid ng good vibes nang sumigaw ito ng “Mga Kababayan, Hep, Hep” habang nasa itaas na bahagi ng Igorot Stone Kingdom sa Baguio City.

Kinilala ang nasa viral video na si Randy Hugo na naghatid ng good vibes sa mga araw na iyon sa mga turista.

Pabiro namang ikinomento ng ilang netizen ang “bigyan ng jacket ‘yan” na sikat na tagline ng tv-host na si Willie Revillame.

Good vibes ang hatid ng isang netizen na nagkaroon ng instant meryenda sa pag-iikot lamang sa sementeryo sa Camarines Sur.

Ang caption kasi ni Roly Alarcon sa kaniyang larawan ay “nagugutom ka? Mag-ikot-ikot kalang ”

Humakot na ng 208k haha reacts 13k comments at 204k share ang larawan ni Roly.