Nominado si Acting Chief Justice Antonio Carpio at apat pang Senior Associate Justice ng Korte Suprema para maging susunod na punong mahistrado.
Ito ang inanunsyo ng Judicial and Bar Council kasabay ng opisyal na pagbubukas ng nominasyon at aplikasyon para sa nasabing bakanteng posisyon sa Korte Suprema hanggang Hulyo 26.
Maliban kay Carpio, kabilang sa mga na-nominate sina Associate Justice Presbitero Velasco Jr. Teresita Leonardo de Carpio, Diosdado Peralta at Lucas Bersamin.
Ayon sa JBC, batay sa isinasaad ng batas otomatiko ang nominasyon sa limang Senior Justices sa pagka-punong mahistrado.
Una nang sinabi ni Carpio na hindi siya interesado na maging punong mahistrado at iginiit na ayaw niyang makinabang sa pagpapatalsik kay Sereno sa pwesto.
Nakatakda namang magretiro sina Velasco at De Castro sa Agosto at Oktubre habang meron na lamang apat na taon si Peralta bago magretiro.
