Muling nagbuga ng usok at abo ang Mount Bulusan sa bayan ng Irosin, Sorsogon, kahapon.
Ayon Raden Dimaano ng Sorsogon Provincial Disaster Risk Reduction and Management Office, dakong alas-3:30 ng hapon nang magsimula ang phreatic eruption ng Bulusan na tumagal ng 15 minuto.
Gayunman, kaunti lamang anyang abo ang ibinuga ng bulkan base na rin sa pagmo-monitor ng Philippine Institute of Volcanology and Seismology (PHIVOLCS).
Nakapagtala rin ng 29 na volcanic earthquakes sa nakalipas na 24 oras.
Ito na ang ika-apat na beses na nakapagtala ng phreatic eruption ang Bulusan ngayon lamang Oktubre habang nananatili sa level 1 ang alert status sa bulkan.
By Drew Nacino
Photo Credit: PHIVOLCS