May agam-agam ang University of the Philippines (UP) OCTA Research Team sa naging pasya ng Inter-Agency Task Force (IATF) na buksang muli ang mga sinehan at arcade games sa Metro Manila para buhayin muli ang ekonomiya.
Ayon kay up OCTA member Prof. Guido David, masyadong peligroso ang pagbubukas ng mga sinehan dahil mataas ang tsansang magkaroon ng hawaan ng virus.
Bukod kasi sa enclosed space ang mga sinehan, hindi rin aniya makatitiyak ang mga awtoridad kung nasusunod nga ba ang minimum health protocols sa loob nito.
Dagdag pa ni Prof. David, bagama’t ginagalang nila ang pasya ng pamahalaan para buksan ang mga arcade para sa leisure ng mga kabataan subalit kailangang muling ikonsidera ito.