Inilabas na ng LTFRB ang ilang kondisyon para sa pisong dagdag pasahe sa mga jeep.
Ito’y matapos aprubahan ng LTFRB ang petisyon ng mga transport group na dagdag pasahe sa mga jeep sa Metro Manila, Region 3, at Region 4 na epektibo ngayong araw.
Sinabi ni LTFRB Executive Director Maria Kristina Cassion, bago ipatupad ang taas pasahe ay kinakailangan ang mga tsuper na maglagay sa kanilang mga jeep ng kopya ng anunsiyo kaugnay sa dagdag pasahe.
Aniya, ito na rin ay para sa impormasyon ng mga pasahero ng pampublikong sasakyan.
Sa kabuuan, papalo na sa 55 pesos hanggang 57 pesos ang itinaas ng presyo ng diesel habang 37 hanggang 38 pesos naman ang itinaas ng presyo ng gasolina sa Pilipinas ngayong taon.
