Muling nanawagan ang Department of Health (DOH) sa mga magulang na kumpletuhin ang bakuna ng kanilang mga anak.
Ginawa ng DOH ang panawagan sa harap ng pagdami na rin umano ng kaso ng Diphtheria at pagkamatay ng isang bata sa Pandacan, Maynila dahil sa di umano’y Diphtheria.
Ayon kay Health Undersecretary Eric Domingo, spokesman ng DOH, dapat bago mag-isang taon ang bata ay kumpleto na ang kanyang mga bakuna na ibinibigay naman sa mga health centers sa bansa.
Sinabi ni Domingo na mataas ang mortality rate ng Diphtheria at mabilis itong makahawa.
Una nang kinumpirma ng Manila Health Department of pagkamatay ng isang bata dahil sa hinihinalang Diphtheria.
Pinaselyuhan ang kabaong ng bata at binigyan ng prophylaxis ang lahat ng nakasalumuha ng biktima at ipinalinis rin ang kanilang paaralan sa Pandacan, Maynila.