Bulacan massacre suspect binawi ang pag-amin sa krimen

Inakusahan ng Bulacan massacre suspect na si Carmelino Ibañez ang pulisya nang pang-totorture kasunod ng pagbawi sa kanyang naunang pahayag.

Ayon kay Ibañez, natakot siya sa mga pulis matapos na balutan ng plastic sa ulo at gamitan ng martilyo sa kamay kaya napilitang aminin ang pagpatay sa limang (5) biktima.

Dagdag ni Ibañez, tinakot pa siya ng mga pulis na may mangyayari sa kanya oras na umuwi ito ng bahay matapos na sumuko nang mapabilang sa mga person of interests sa kaso.

Agad namang itinanggi ni Police Regional Office 3 Director Chief Supt. Aaron Aquino ang akusasyon ni Ibañez.

Giit ni Aquino, walang nakikitang bakas sa katawan ni Ibañez na ito ay tinorture.

By  Krista de Dios  

Comments

comments