Inaprubahan na ni Pangulong Rodrigo Duterte ang P25-billion na Boracay medium-term action plan.
Ginawa ito ng pangulo sa naging cabinet meeting, kagabi.
Ayon kay Presidential spokesman Salvador Panelo, layon ng naturang action plan na mapanatili ang linis at ganda ng isla matapos itong sumailalim sa anim na buwang rehabilitasyon.
Apat ang planong ipatutupad sa isla kabilang mahigpit na pagpapatupad ng batas, rehabilitation at recovery ng ecosystem, waste management at iba pa.
Bago ang isinagawang anim na buwang rehabilitasyon sa Boracay ay tinawag itong ‘cesspool’ ng pangulo dahil sa sobrang dumi at pagkasira ng kalikasan sa naturang isla.