Pinakakasuhan ng plunder ng Senate Blue Ribbon Sub Committee ang mag-amang Vice President Jejomar Binay at Makati City Mayor Junjun Binay kaugnay sa maanomalyang Makati City Hall 2.
Bukod sa mag-amang Binay, inirekomenda rin ng komite ni Senador Koko Pimentel ang pagpapasampa ng plunder case laban sa 4 pang indibidwal.
Hawak na umano ni Blue Ribbon Committee Chair Teofisto Guingona ang kopya ng draft report na isinumite ni Pimentel.
Pag-aaralan pa muna ni Guingona ang report bago palagdain ang iba pang miyembro ng Blue Ribbon.
By Judith Larino
