Pansamantala munang sinuspinde ng Bureau of Jail Management and Penology (BJMP) ang jail visits sa gitna ng banta ng 2019 corona virus disease (COVID-19).
Ayon sa tagapagsalita ng BJMP na si Xavier Solda, suspendido muna ang pagbisita sa 42 bilangguan sa National Capital Region (NCR) epektibo kaninang 12:00 ng tanghali.
Kahapon, magugunitang nag-anunsiyo na rin ng isang linggong suspensyon ng prison visits ang BuCor dahil din sa banta ng virus.
Sakop anila nito ang New Bilibid Prison (NBP) at lahat ng operating prison at penal farms ng BuCor.
Sa ngayon, ayon sa BuCor, ay wala pang inmate na nakitaan ng anumang sitomas ng COVID-19.
