Sinegundahan ni Senadora Grace Poe ang isinusulong na lifestyle check sa mga opisyal at kawani ng BOC o Bureau of Customs at BIR o Bureau of Internal Revenue.
Ayon sa Senadora, panahon na upang matigil ang mga kalokohan sa dalawang nabanggit na ahensya dahil sa matagal na itong nakakaladkad sa katiwalian.
Sa pamamagitan aniya nito, magkaka-alaman na kung sinu-sino ang mga tiwaling opisyal at kawani gayundin ay upang mabawi ng pamahalaan ang mga nakulimbat na pera ng bayan.
Kasunod nito, sinabi pa ni Poe na ito rin ang dahilan kaya’t isinusulong niya ang less human intervention sa pakikipagtransaksyon at sa halip ay gawin na lang online.
