Dapat mapanagot ang mga opisyal at kawani ng BOC o Bureau of Customs at BIR o Bureau of Internal Revenue na babagsak sa isasagawang lifestyle check.
Ayon kay Senate Committee on Ways and Means Chair Sonny Angara, malinaw ang nakasaad sa konstitusyon na dapat maging huwaran ng simpleng pamumuhay ang lahat ng mga nagsisilbi sa pamahalaan.
Sa ilalim aniya ng graft at forfeiture laws, maaaring papanagutin ang mga opisyal at kawani ng gubyerno na may mga yamang hindi nakatala sa kanilang Sal-N o Statement of Assets, Liabilities and Networth.
Iginiit pa ni Angara na maituturing na patas na paraan na ang pagsasagawa ng lifestyle check upang matiyak ang katapatan ng isang opisyal at kawani ng gubyerno sa kaniyang paglilingkod sa taumbayan.