Diskumpyado pa si Commission on Higher Education Chair Patricia Licuanan sa panukalang pagbuhay muli sa ROTC program sa kolehiyo.
Sinabi ni Licuanan na, bagaman siya ang nagreport sa gabinete hinggil sa reserve officer training corps, hindi sa CHED nagmula ang panukala.
Paglilinaw pa ni Licuanan, sinabihan lamang siyang mag-ulat ng tungkol sa ROTC program makaraang banggitin ni Pangulong Rodrigo Duterte sa kanyang SONA ang naturang programa.
Kailangan pa, aniya, ng karagdagang impormasyon hinggil sa pagbuhay muli ROTC program.
Una nang sinabi ni Presidential Legal counsel Salvador panelo, may concensus na ang gabinete makaraang magpahayag ng suporta si Pangulong Duterte sa panukala.
By: Avee Devierte