Hinimok ng Bureau of Jail Management and Penology (BJMP) ang mga Persons Deprived of Liberty (PDL) na magparehistro sa papalapit na pagbabalik ng voter’s registration.
Ayon kay BJMP Chief Jail Director Allan Iral na lubos na pinahahalagahan ng kanilang ahensya ang karapatan ng mga inmate para bumoto.
Magugunitang nitong Marso lang ay pinahintulutan na ng korte suprema ang Commission on Elections (COMELEC) na makaboto ang mga PDL sa National at Local Elections sa ilalim ng COMELEC Resolution No. 9371.
Ang mga PDL na edad 18 pataas sa araw ng eleksyon at may 6 na buwan ng namamalagi sa detention center ay maaari nang makapagparehistro.
Samantala, sa ilalim ng resolution no. 10711, maglalaan naman ang COMELEC ng isang araw na special satellite registration sa preso na may 1 hanggang 249 qualified PDL Registrants. - sa panunulat ni Hannah Beatrisse Oledan